-र॒मित्र॑मर्दय ॥ कु॒विथ्सुनो॒ गवि॑ष्ट॒येऽग्ने॑ सं॒ॅवेषि॑षो र॒यिं । उरु॑कृदु॒रु ण॑स्कृधि ॥ मा नो॑ अ॒स्मिन् म॑हाध॒ने परा॑ वर्ग्भार॒भृद्य॑था । सं॒ॅवर्गꣳ॒॒ सꣳ र॒यिं ज॑य ॥अ॒न्यम॒स्मद्भि॒या इ॒यमग्ने॒ सिष॑क्तु दु॒च्छुना᳚ । वर्द्धा॑ नो॒ अम॑व॒च्छवः॑ ॥ यस्याजु॑षन्नम॒स्विनः॒ शमी॒मदु॑र्मखस्यवा । तं घेद॒ग्निर्वृ॒धाऽव॑ति ॥ पर॑स्या॒ अधि॑ - [ ]
पदपाठः (Word-by-word)
अ॒मित्र᳚म् । अ॒र्द॒य॒ ॥ कु॒वित् । स्विति॑ । नः॒ । गवि॑ष्टय॒ इति॒ गो-इ॒ष्ट॒ये॒ । अग्ने᳚ । सं॒ॅवेषि॑ष॒ इति॑ सं - वेषि॑षः । र॒यिम् ॥ उरु॑कृ॒दित्युरु॑-कृ॒त् । उ॒रु । नः॒ ॥ कृ॒धि॒ । मा । नः॒ । अ॒स्मिन्न् । म॒हा॒ध॒न इति॑ महा-ध॒ने । परेति॑ । व॒र्क् । भा॒र॒भृदिति॑ भार - भृत् । य॒था॒ ॥ सं॒ॅवर्ग॒मिति॑ सं - वर्ग᳚म् । समिति॑ । र॒यिम् । ज॒य॒ ॥ अ॒न्यम् । अ॒स्मत् । भि॒यै । इ॒यम् । अग्ने᳚ । सिष॑क्तु । दु॒च्छुना᳚ ॥ वर्द्ध॑ । नः॒ । अम॑व॒दित्यम॑-व॒त् । शवः॑ ॥ यस्य॑ । अजु॑षत् । न॒म॒स्विनः॑ । शमी᳚म् । अदु॑र्मख॒स्येत्यदुः॑-म॒ख॒स्य॒ । वा॒ ॥ तम् । घ॒ । इत् । अ॒ग्निः । वृ॒धा । अ॒व॒ति॒ ॥ पर॑स्याः । अधीति॑ ।