सं॒ॅवतोऽव॑राꣳ अ॒भ्या त॑र । यत्रा॒हमस्मि॒ ताꣳ अ॑व ॥ वि॒द्मा हि ते॑ पु॒रा व॒यमग्ने॑ पि॒तुर्यथाव॑सः । अधा॑ ते सु॒म्नमी॑महे ॥ य उ॒ग्र इ॑व शर्य॒हा ति॒ग्मशृ॑ङ्गो॒ न वꣳस॑गः । अग्ने॒ पुरो॑ रु॒रोजि॑थ ॥ सखा॑यः॒ सं ॅवः॑ सं॒यञ्च॒मिषꣳ॒॒ स्तोमं॑ चा॒ग्नये᳚ । वर्.षि॑ष्ठाय क्षिती॒नामू॒र्जो नप्त्रे॒ सह॑स्वते ॥ सꣳ स॒मिद्यु॑वसे वृष॒न्न ( ) -ग्ने॒ विश्वा᳚न्य॒र्य आ । इ॒डस्प॒दे समि॑ध्यसे॒ स नो॒ वसू॒न्या भ॑र ।प्रजा॑पते॒ स वे॑द॒सोमा॑ पूषणे॒मौ दे॒वौ॥
पदपाठः (Word-by-word)
सं॒ॅवत॒ इति॑ सं-वतः॑ । अव॑रान् । अ॒भि । एति॑ । त॒र॒ ॥ यत्र॑ । अ॒हम् । अस्मि॑ । तान् । अ॒व॒ ॥ वि॒द्म । हि । ते॒ । पु॒रा । व॒यम् । अग्ने᳚ । पि॒तुः । यथा᳚ । अव॑सः ॥ अध॑ । ते॒ । सु॒म्नम् । ई॒म॒हे॒ ॥ यः । उ॒ग्रः । इ॒व॒ । श॒र्य॒हेति॑ शर्य - हा । ति॒ग्मशृ॑ङ्ग॒ इति॑ ति॒ग्म - शृ॒ङ्गः॒ । न । वꣳस॑गः ॥ अग्ने᳚ । पुरः॑ । रु॒रोजि॑थ ॥ सखा॑यः । समिति॑ । वः॒ । स॒म्यञ्च᳚म् । इष᳚म् । स्तोम᳚म् । च॒ । अ॒ग्नये᳚ ॥ वर्.षि॑ष्ठाय । क्षि॒ती॒नाम् । ऊ॒र्जः । नप्त्रे᳚ । सह॑स्वते ॥ सꣳस॒मिति॒ सं-स॒म् । इत् । यु॒व॒से॒ । वृ॒ष॒न्न् ( ) । अग्ने᳚ । विश्वा॑नि । अ॒र्यः । आ ॥ इ॒डः । प॒दे । समिति॑ । इ॒द्ध्य॒से॒ । सः । नः॒ । वसू॑नि । एति॑ । भ॒र॒ ॥ प्रजा॑पत॒ इति॒ प्रजा᳚ - प॒ते॒ । सः । वे॒द॒ । सोमा॑पूष॒णेति॒ सोमा᳚ - पू॒ष॒णा॒ । इ॒मौ । दे॒वौ ॥