यजुर्वेद

क॒व्य॒वा॒ह॒नेति॑ कव्य - वा॒ह॒न॒ । पि॒तॄन् । यक्षि॑ । ऋ॒ता॒वृध॒ इत्यृ॑त - वृधः॑ ॥ प्रेति॑ । च॒ । ह॒व्यानि॑ । व॒क्ष्य॒सि॒ । दे॒वेभ्यः॑ । च॒ । पि॒तृभ्य॒ इति॑ पि॒तृ - भ्यः॒ । आ ॥ त्वम् । अ॒ग्ने॒ । ई॒डि॒तः । जा॒त॒वे॒द॒ इति॑ जात - वे॒दः॒ । अवा᳚ट् । ह॒व्यानि॑ । सु॒र॒भीणि॑ । कृ॒त्वा ॥ प्रेति॑ । अ॒दाः॒ । पि॒तृभ्य॒ इति॑ पि॒तृ - भ्यः॒ । स्व॒धयेति॑ स्व - धया᳚ । ते । अ॒क्ष॒न्न् । अ॒द्धि । त्वम् । दे॒व॒ । प्रय॒तेति॒ प्र - य॒ता॒ । ह॒वीꣳषि॑ ॥ मात॑ली । क॒व्यैः । य॒मः । अङ्गि॑रोभि॒रित्यङ्गि॑रः - भिः॒ । बृह॒स्पतिः॑ । ऋक्व॑भि॒रित्यृक्व॑-भिः॒ । वा॒वृ॒धा॒नः ॥ यान् । च॒ । दे॒वाः । वा॒वृ॒धुः । ये । च॒ । दे॒वान् । स्वाहा᳚ । अ॒न्ये । स्व॒धयेति॑ स्व-धया᳚ । अ॒न्ये । म॒द॒न्ति॒ ॥