यजुर्वेद

अ॒प॒हनी॒तेत्यप॑ - हनी॑त । पु॒रा । अ॒स्य॒ । सं॒ॅव॒थ्स॒रादिति॑ सं - व॒थ्स॒रात् । गृ॒हे । एति॑ । वे॒वी॒र॒न्न् । शोꣳसा᳚ । मोदः॑ । इ॒व॒ । इति॑ । प्र॒त्याह्व॑यत॒ इति॑ प्रति - आह्व॑यते । तेन॑ । ए॒व । तत् । अपेति॑ । ह॒ते॒ । यथा᳚ । वै । आय॑ता॒मित्या - य॒ता॒म् । प्र॒तीक्ष॑त॒ इति॑ प्रति - ईक्ष॑ते । ए॒वम् । अ॒द्ध्व॒र्युः । प्र॒ति॒ग॒रमिति॑ प्रति - ग॒रम् । प्रतीति॑ । ई॒क्ष॒ते॒ । यत् । अ॒भि॒प्र॒ति॒गृ॒णी॒यादित्य॑भि - प्र॒ति॒गृ॒णी॒यात् । यथा᳚ । आय॑त॒येत्या - य॒त॒या॒ । स॒मृ॒च्छत॒ इति॑ सं - ऋ॒च्छते᳚ । ता॒दृक् । ए॒व । तत् । यत् । अ॒र्द्ध॒र्चादित्य॑र्द्ध-ऋ॒चात् । लुप्ये॑त । यथा᳚ । धाव॑द्भ्य॒ इति॒ धाव॑त् - भ्यः॒ । हीय॑ते । ता॒दृक् । ए॒व । तत् । प्र॒बाहु॒गिति॑ प्र - बाहु॑क् । वै । ऋ॒त्विजा᳚म् । उ॒द्गी॒था इत्यु॑त्-गी॒थाः । उ॒द्गी॒थ इत्यु॑त् - गी॒थः । ए॒व । उ॒द्गा॒तृ॒णामित्यु॑त्-गा॒तृ॒णाम् ।