यु॒ञ्जा॒नः । प्र॒थ॒मम् । मनः॑ । त॒त्वाय॑ । स॒वि॒ता । धियः॑ ॥ अ॒ग्निम् । ज्योतिः॑ । नि॒चाय्येति॑ नि - चाय्य॑ । पृ॒थि॒व्याः । अधि॑ । एति॑ । अ॒भ॒र॒त् ॥ यु॒क्त्वाय॑ । मन॑सा । दे॒वान् । सुवः॑ । य॒तः । धि॒या । दिव᳚म् ॥ बृ॒हत् । ज्योतिः॑ । क॒रि॒ष्य॒तः । स॒वि॒ता । प्रेति॑ । सु॒वा॒ति॒ । तान् ॥ यु॒क्तेन॑ । मन॑सा । व॒यम् । दे॒वस्य॑ । स॒वि॒तुः । स॒वे ॥ सु॒व॒र्गेया॒येति॑ सुवः - गेया॑य । शक्त्यै᳚ ॥ यु॒ञ्जते᳚ । मनः॑ । उ॒त । यु॒ञ्ज॒ते॒ । धियः॑ । विप्राः᳚ । विप्र॑स्य । बृ॒ह॒तः । वि॒प॒श्चितः॑ ॥ वीति॑ । होत्राः᳚ । द॒धे॒ । व॒यु॒ना॒विदिति॑ वयुन - वित् । एकः॑ । इत् ।

म॒ही । दे॒वस्य॑ । स॒वि॒तुः । परि॑ष्टुति॒रिति॒ परि॑-स्तु॒तिः॒ ॥ यु॒जे । वा॒म् । ब्रह्म॑ । पू॒र्व्यम् । नमो॑भि॒रिति॒ नमः॑ - भिः॒ । वीति॑ । श्लोकाः᳚ । य॒न्ति॒ । प॒थ्या᳚ । इ॒व॒ । सूराः᳚ ॥ शृ॒ण्वन्ति॑ । विश्वे᳚ । अ॒मृत॑स्य । पु॒त्राः । एति॑ । ये । धामा॑नि । दि॒व्यानि॑ । त॒स्थुः ॥ यस्य॑ । प्र॒याण॒मिति॑ प्र - यान᳚म् । अन्विति॑ । अ॒न्ये । इत् । य॒युः । दे॒वाः । दे॒वस्य॑ । म॒हि॒मान᳚म् । अर्च॑तः ॥ यः । पार्थि॑वानि । वि॒म॒म इति॑ वि - म॒मे । सः । एत॑शः । रजाꣳ॑सि । दे॒वः । स॒वि॒ता । म॒हि॒त्व॒नेति॑ महि-त्व॒ना ॥ देव॑ । स॒वि॒तः॒ । प्रेति॑ । सु॒व॒ । य॒ज्ञ्म् । प्रेति॑ । सु॒व॒ ।

य॒ज्ञ्प॑ति॒मिति॑ य॒ज्ञ् - प॒ति॒म् । भगा॑य । दि॒व्यः । ग॒न्ध॒र्वः ॥ के॒त॒पूरिति॑ केत - पूः । केत᳚म् । नः॒ । पु॒ना॒तु॒ । वा॒चः । पतिः॑ । वाच᳚म् । अ॒द्य । स्व॒दा॒ति॒ । नः॒ ॥ इ॒मम् । नः॒ । दे॒व॒ । स॒वि॒तः॒ । य॒ज्ञ्म् । प्रेति॑ । सु॒व॒ । दे॒वा॒युव॒मिति॑ देव - युव᳚म् । स॒खि॒विद॒मिति॑ सखि - विद᳚म् । स॒त्रा॒जित॒मिति॑ सत्र - जित᳚म् । ध॒न॒जित॒मिति॑ धन - जित᳚म् । सु॒व॒र्जित॒मिति॑ सुवः-जित᳚म् ॥ ऋ॒चा । स्तोम᳚म् । समिति॑ । अ॒द्‌र्ध॒य॒ । गा॒य॒त्रेण॑ । र॒थ॒न्त॒रमिति॑ रथं - त॒रम् ॥ बृ॒हत् । गा॒य॒त्रव॑र्त॒नीति॑ गाय॒त्र - व॒र्त॒नि॒ ॥ दे॒वस्य॑ । त्वा॒ । स॒वि॒तुः । प्र॒स॒व इति॑ प्र - स॒वे । अ॒श्विनोः᳚ । बा॒हुभ्या॒मिति॑ बा॒हु - भ्या॒म् । पू॒ष्णः । हस्ता᳚भ्याम् । गा॒य॒त्रेण॑ । छन्द॑सा । एति॑ । द॒दे॒ । अ॒ङ्गि॒र॒स्वत् । अभ्रिः॑ । अ॒सि॒ । नारिः॑ ।

अ॒सि॒ । पृ॒थि॒व्याः । स॒धस्था॒दिति॑ स॒ध - स्था॒त् । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । एति॑ । भ॒र॒ । त्रैष्टु॑भेन । त्वा॒ । छन्द॑सा । एति॑ । द॒दे॒ । अ॒ङ्गि॒र॒स्वत् । बभ्रिः॑ । अ॒सि॒ । नारिः॑ । अ॒सि॒ । त्वया᳚ । व॒यम् । स॒धस्थ॒ इति॑ स॒ध - स्थे॒ । एति॑ । अ॒ग्निम् । श॒के॒म॒ । खनि॑तुम् । पु॒री॒ष्य᳚म् । जाग॑तेन । त्वा॒ । छन्द॑सा । एति॑ । द॒दे॒ । अ॒ङ्गि॒र॒स्वत् । हस्ते᳚ । आ॒धायेत्या᳚ - धाय॑ । स॒वि॒ता । बिभ्र॑त् । अभ्रि᳚म् । हि॒र॒ण्ययी᳚म् ॥ तया᳚ । ज्योतिः॑ । अज॑स्रम् । इत् । अ॒ग्निम् । खा॒त्वी । नः॒ । एति॑ । भ॒र॒ । आनु॑ष्टुभे॒नेत्यानु॑ - स्तु॒भे॒न॒ । त्वा॒ । छन्द॑सा ( ) । एति॑ । द॒दे॒ । अ॒ङ्गि॒र॒स्वत् ॥

इ॒माम् । अ॒गृ॒भ्ण॒न्न् । र॒श॒नाम् । ऋ॒तस्य॑ । पूर्वे᳚ । आयु॑षि । वि॒दथे॑षु । क॒व्या ॥ तया᳚ । दे॒वाः । सु॒तम् । एति॑ । ब॒भू॒वुः॒ । ऋ॒तस्य॑ । सामन्न्॑ । स॒रम् । आ॒रप॒न्तीत्या᳚ - रप॑न्ती ॥ प्रतू᳚र्त॒मिति॑ प्र - तू॒र्त॒म् । वा॒जि॒न्न् । एति॑ । द्र॒व॒ । वरि॑ष्ठाम् । अन्विति॑ । सं॒ॅवत॒मिति॑ सं - वत᳚म् ॥ दि॒वि । ते॒ । जन्म॑ । प॒र॒मम् । अ॒न्तरि॑क्षे । नाभिः॑ । पृ॒थि॒व्याम् । अधीति॑ । योनिः॑ ॥ यु॒ञ्जाथा᳚म् । रास॑भम् । यु॒वम् । अ॒स्मिन्न् । यामे᳚ । वृ॒ष॒ण्व॒सू॒ इति॑ वृषण् - व॒सू॒ ॥ अ॒ग्निम् । भर॑न्तम् । अ॒स्म॒युमित्य॑स्म - युम् ॥ योगे॑योग॒ इति॒ योगे᳚ - यो॒गे॒ । त॒वस्त॑र॒मिति॑ त॒वः - त॒र॒म् । वाजे॑वाज॒ इति॒ वाजे᳚ - वा॒जे॒ । ह॒वा॒म॒हे॒ ॥ सखा॑यः । इन्द्र᳚म् । ऊ॒तये᳚ ॥ प्र॒तूर्व॒न्निति॑ प्र - तूर्वन्न्॑ ।

एति॑ । इ॒हि॒ । अ॒व॒क्राम॒न्नित्य॑व - क्रामन्न्॑ । अश॑स्तीः । रु॒द्रस्य॑ । गाण॑पत्या॒दिति॒ गाण॑ - प॒त्या॒त् । म॒यो॒भूरिति॑ मयः - भूः । एति॑ । इ॒हि॒ ॥ उ॒रु । अ॒न्तरि॑क्षम् । अन्विति॑ । इ॒हि॒ । स्व॒स्तिग॑व्यूति॒रिति॑ स्व॒स्ति - ग॒व्यू॒तिः॒ । अभ॑यानि । कृ॒ण्वन्न् ॥ पू॒ष्णा । स॒युजेति॑ स - युजा᳚ । स॒ह ॥ पृ॒थि॒व्याः । स॒धस्था॒दिति॑ स॒ध - स्था॒त् । अ॒ग्निम् । पु॒रि॒ष्य᳚म् । अ॒ङ्गि॒र॒स्वत् । अच्छ॑ । इ॒हि॒ । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । अच्छ॑ । इ॒मः॒ । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । भ॒रि॒ष्या॒मः॒ । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । भ॒रा॒मः॒ ॥ अन्विति॑ । अ॒ग्निः । उ॒षसा᳚म् । अग्र᳚म् । अ॒ख्य॒त् । अन्विति॑ । अहा॑नि । प्र॒थ॒मः । जा॒तवे॑दा॒ इति॑ जा॒त - वे॒दाः॒ ॥ अन्विति॑ । सूर्य॑स्य ।

पु॒रु॒त्रेति॑ पुरु - त्रा । च॒ । र॒श्मीन् । अन्विति॑ । द्यावा॑पृथि॒वी इति॒ द्यावा᳚ - पृ॒थि॒वी । एति॑ । त॒ता॒न॒ ॥ आ॒गत्येत्या᳚ - गत्य॑ । वा॒जी । अद्ध्व॑नः । सर्वाः᳚ । मृधः॑ । वीति॑ । धू॒नु॒ते॒ ॥ अ॒ग्निम् । स॒धस्थ॒ इति॑ स॒ध - स्थे॒ । म॒ह॒ति । चक्षु॑षा । नीति॑ । चि॒की॒ष॒ते॒ ॥ आ॒क्रम्येत्या᳚ - क्रम्य॑ । वा॒जि॒न्न् । पृ॒थि॒वीम् । अ॒ग्निम् । इ॒च्छ॒ । रु॒चा । त्वम् ॥ भूम्याः᳚ । वृ॒त्वाय॑ । नः॒ । ब्रू॒हि॒ । यतः॑ । खना॑म । तम् । व॒यम् ॥ द्यौः । ते॒ । पृ॒ष्ठम् । पृ॒थि॒वी । स॒धस्थ॒मिति॑ स॒ध - स्थ॒म् । आ॒त्मा । अ॒न्तरि॑क्षम् । स॒मु॒द्रः । ते॒ । योनिः॑ ॥ वि॒ख्यायेति॑ वि - ख्याय॑ । चक्षु॑षा । त्वम् । अ॒भीति॑ । ति॒ष्ठ॒ ।

पृ॒त॒न्य॒तः ॥ उदिति॑ । क्रा॒म॒ । म॒ह॒ते । सौभ॑गाय । अ॒स्मात् । आ॒स्थाना॒दित्या᳚ - स्थाना᳚त् । द्र॒वि॒णो॒दा इति॑ द्रविणः - दाः । वा॒जि॒न्न् ॥ व॒यम् । स्या॒म॒ । सु॒म॒ताविति॑ सु - म॒तौ । पृ॒थि॒व्याः । अ॒ग्निम् । ख॒नि॒ष्यन्तः॑ । उ॒पस्थ॒ इत्यु॒प - स्थे॒ । अ॒स्याः॒ ॥ उदिति॑ । अ॒क्र॒मी॒त् । द्र॒वि॒णो॒दा इति॑ द्रविणः - दाः । वा॒जी । अर्वा᳚ । अकः॑ । सः । लो॒कम् । सुकृ॑त॒मिति॒ सु-कृ॒त॒म् । पृ॒थि॒व्याः ॥ ततः॑ । ख॒ने॒म॒ । सु॒प्रती॑क॒मिति॑ सु-प्रती॑कम् । अ॒ग्निम् । सुवः॑ । रुहा॑णाः । अधीति॑ । नाके᳚ । उ॒त्त॒म इत्यु॑त् - त॒मे ॥ अ॒पः । दे॒वीः । उपेति॑ । सृ॒ज॒ । मधु॑मती॒रिति॒ मधु॑ - म॒तीः॒ । अ॒य॒क्ष्माय॑ । प्र॒जाभ्य॒ इति॑ प्र-जाभ्यः॑ ॥ तासा᳚म् । स्थाना᳚त् । उदिति॑ । जि॒ह॒ता॒म् । ओष॑धयः । सु॒पि॒प्प॒ला इति॑ सु - पि॒प्प॒लाः ॥ जिघ॑र्मि ।

अ॒ग्निम् । मन॑सा । घृ॒तेन॑ । प्र॒ति॒क्ष्यन्त॒मिति॑ प्रति - क्ष्यन्त᳚म् । भुव॑नानि । विश्वा᳚ ॥ पृ॒थुम् । ति॒र॒श्चा । वय॑सा । बृ॒हन्त᳚म् । व्यचि॑ष्ठम् । अन्न᳚म् । र॒भ॒सम् । विदा॑नम् ॥ एति॑ । त्वा॒ । जि॒घ॒र्मि॒ । वच॑सा । घृ॒तेन॑ । अ॒र॒क्षसा᳚ । मन॑सा । तत् । जु॒ष॒स्व॒ ॥ मर्य॑श्री॒रिति॒ मर्य॑-श्रीः॒ । स्पृ॒ह॒यद्व॑र्ण॒ इति॑ स्पृह॒यत् - व॒र्णः॒ । अ॒ग्निः । न । अ॒भि॒मृश॒ इत्य॑भि - मृशे᳚ । त॒नुवा᳚ । जर्.हृ॑षाणः ॥ परीति॑ । वाज॑पति॒रिति॒ वाज॑ - प॒तिः॒ । क॒विः । अ॒ग्निः । ह॒व्यानि॑ । अ॒क्र॒मी॒त् ॥ दध॑त् । रत्ना॑नि । दा॒शुषे᳚ ॥ परीति॑ । त्वा॒ । अ॒ग्ने॒ । पुर᳚म् । व॒यम् । विप्र᳚म् । स॒ह॒स्य॒ । धी॒म॒हि॒ ॥ धृ॒षद्व॑र्ण॒मिति॑ धृ॒षत् - व॒र्ण॒म् । दि॒वेदि॑व॒ इति॑ दि॒वे - दि॒वे॒ । भे॒त्तार᳚म् ( ) । भ॒ङ्गु॒राव॑त॒ इति॑ भङ्गु॒र - व॒तः॒ ॥ त्वम् । अ॒ग्ने॒ । द्युभि॒रिति॒ द्यु - भिः॒ । त्वम् । आ॒शु॒शु॒क्षणिः॑ । त्वम् । अ॒द्भ्य इत्य॑त् - भ्यः । त्वम् । अश्म॑नः । परि॑ ॥ त्वम् । वने᳚भ्यः । त्वम् । ओष॑धीभ्य॒ इत्योष॑धि - भ्यः॒ । त्वम् । नृ॒णाम् । नृ॒प॒त॒ इति॑ नृ-प॒ते॒ । जा॒य॒से॒ । शुचिः॑ ॥

दे॒वस्य॑ । त्वा॒ । स॒वि॒तुः । प्र॒स॒व इति॑ प्र - स॒वे । अ॒श्विनोः᳚ । बा॒हुभ्या॒मिति॑ बा॒हु - भ्या॒म् । पू॒ष्णः । हस्ता᳚भ्याम् । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । ख॒ना॒मि॒ ॥ ज्योति॑ष्मन्तम् । त्वा॒ । अ॒ग्ने॒ । सु॒प्रती॑क॒मिति॑ सु - प्रती॑कम् । अज॑स्रेण । भा॒नुना᳚ । दीद्या॑नम् ॥ शि॒वम् । प्र॒जाभ्य॒ इति॑ प्र - जाभ्यः॑ । अहिꣳ॑सन्तम् । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ग्निम् । पु॒री॒ष्य᳚म् । अ॒ङ्गि॒र॒स्वत् । ख॒ना॒मि॒ ॥ अ॒पाम् । पृ॒ष्ठम् । अ॒सि॒ । स॒प्रथा॒ इति॑ स - प्रथाः᳚ । उ॒रु । अ॒ग्निम् । भ॒रि॒ष्यत् । प॑रावपिष्ठ॒मित्यप॑रा - व॒पि॒ष्ठ॒म् ॥ वद्‌र्ध॑मानम् । म॒हः । एति॑ । च॒ । पुष्क॑रम् । दि॒वः । मात्र॑या । व॒रि॒णा । प्र॒थ॒स्व॒ ॥ शर्म॑ । च॒ । स्थः॒ ।

वर्म॑ । च॒ । स्थः॒ । अच्छि॑द्रे॒ इति॑ । ब॒हु॒ले इति॑ । उ॒भे इति॑ ॥ व्यच॑स्वती॒ इति॑ । समिति॑ । व॒सा॒था॒म् । भ॒र्तम् । अ॒ग्निम् । पु॒री॒ष्य᳚म् ॥ समिति॑ । व॒सा॒था॒म् । सु॒व॒र्विदेति॑ सुवः - विदा᳚ । स॒मीची॒ इति॑ । उर॑सा । त्मना᳚ ॥ अ॒ग्निम् । अ॒न्तः । भ॒रि॒ष्यन्ती॒ इति॑ । ज्योति॑ष्मन्तम् । अज॑स्रम् । इत् ॥ पु॒री॒ष्यः॑ । अ॒सि॒ । वि॒श्वभ॑रा॒ इति॑ वि॒श्व - भ॒राः॒ ॥ अथ॑र्वा । त्वा॒ । प्र॒थ॒मः । निरिति॑ । अ॒म॒न्थ॒त् । अ॒ग्ने॒ ॥ त्वाम् । अ॒ग्ने॒ । पुष्क॑रात् । अधीति॑ । अथ॑र्वा । निरिति॑ । अ॒म॒न्थ॒त॒ ॥ मू॒द्‌र्ध्नः । विश्व॑स्य । वा॒घतः॑ ॥ तम् । उ॒ । त्वा॒ । द॒द्ध्यङ् । ऋषिः॑ । पु॒त्रः । ई॒धे॒ ।

अथ॑र्वणः ॥ वृ॒त्र॒हण॒मिति॑ वृत्र - हन᳚म् । पु॒र॒न्द॒रमिति॑ पुरं - द॒रम् ॥ तम् । उ॒ । त्वा॒ । पा॒थ्यः । वृषा᳚ । समिति॑ । ई॒धे॒ । द॒स्यु॒हन्त॑म॒मिति॑ दस्यु-हन्त॑मम् ॥ ध॒न॒ञ्ज॒यमिति॑ धनं - ज॒यम् । रणे॑रण॒ इति॒ रणे᳚-र॒णे॒ ॥ सीद॑ । हो॒तः॒ । स्वे । उ॒ । लो॒के । चि॒कि॒त्वान् । सा॒दय॑ । य॒ज्ञ्म् । सु॒कृ॒तस्येति॑ सु-कृ॒तस्य॑ । योनौ᳚ ॥ दे॒वा॒वीरिति॑ देव-अ॒वीः । दे॒वान् । ह॒विषा᳚ । य॒जा॒सि॒ । अग्ने᳚ । बृ॒हत् । यज॑माने । वयः॑ । धाः॒ ॥ नीति॑ । होता᳚ । हो॒तृ॒षद॑न॒ इति॑ होतृ-सद॑ने । विदा॑नः । त्वे॒षः । दी॒दि॒वान् । अ॒स॒द॒त् । सु॒दक्ष॒ इति॑ सु - दक्षः॑ ॥ अद॑ब्धव्रत प्रमति॒रित्यद॑ब्धव्रत-प्र॒म॒तिः॒ । वसि॑ष्ठः । स॒ह॒स्र॒भं॒र इति॑ सहस्रं-भ॒रः । शुचि॑जिह्व॒ इति॒ शुचि॑ - जि॒ह्वः॒ । अ॒ग्निः ॥ समिति॑ । सी॒द॒स्व॒ । म॒हान् । अ॒सि॒ । शोच॑स्व ।

दे॒व॒वीत॑म॒ इति॑ देव - वीत॑मः ॥ वीति॑ । धू॒मम् । अ॒ग्ने॒ । अ॒रु॒षम् । मि॒ये॒द्ध्य॒ । सृ॒ज । प्र॒श॒स्तेति॑ प्र - श॒स्त॒ । द॒र्॒.श॒तम् ॥ जनि॑ष्व । हि । जेन्यः॑ । अग्रे᳚ । अह्ना᳚म् । हि॒तः । हि॒तेषु॑ । अ॒रु॒षः । वने॑षु ॥ दमे॑दम॒ इति॒ दमे᳚ - द॒मे॒ । स॒प्त । रत्ना᳚ । दधा॑नः । अ॒ग्निः । होता᳚ । नीति॑ । स॒सा॒द॒ । यजी॑यान् ॥

समिति॑ । ते॒ । वा॒युः । मा॒त॒रिश्वा᳚ । द॒धा॒तु॒ । उ॒त्ता॒नाया॒ इत्यु॑त् - ता॒नायै᳚ । हृद॑यम् । यत् । विलि॑ष्ट॒मिति॒ वि - लि॒ष्ट॒म् ॥ दे॒वाना᳚म् । यः । चर॑ति । प्रा॒णथे॒नेति॑ प्र - अ॒नथे॑न । तस्मै᳚ । च॒ । दे॒वि॒ । वष॑ट् । अ॒स्तु॒ । तुभ्य᳚म् ॥ सुजा॑त॒ इति॒ सु-जा॒तः॒ । ज्योति॑षा । स॒ह । शर्म॑ । वरू॑थम् । एति॑ । अ॒स॒दः॒ । सुवः॑ ॥ वासः॑ । अ॒ग्ने॒ । वि॒श्वरू॑प॒मिति॑ वि॒श्व - रू॒प॒म् । समिति॑ । व्य॒य॒स्व॒ । वि॒भा॒व॒सो॒ इति॑ विभा-व॒सो॒ ॥ उदिति॑ । उ॒ । ति॒ष्ठ॒ । स्व॒द्ध्व॒रेति॑ सु - अ॒द्ध्व॒र॒ । अव॑ । नः॒ । दे॒व्या । कृ॒पा ॥ दृ॒शे । च॒ । भा॒सा । बृ॒ह॒ता । सु॒शु॒क्वनि॒रिति॑ सु - शु॒क्वनिः॑ । एति॑ । अ॒ग्ने॒ । या॒हि॒ । सु॒श॒स्तिभि॒रिति॑ सुश॒स्ति - भिः॒ ॥

ऊ॒द्‌र्ध्वः । उ॒ । स्विति॑ । नः॒ । ऊ॒तये᳚ । तिष्ठ॑ । दे॒वः । न । स॒वि॒ता ॥ ऊ॒द्‌र्ध्वः । वाज॑स्य । सनि॑ता । यत् । अ॒ञ्जिभि॒रित्य॒ञ्जि - भिः॒ । वा॒घद्भि॒रिति॑ वा॒घत् - भिः॒ । वि॒ह्वया॑मह॒ इति॑ वि - ह्वया॑महे ॥ सः । जा॒तः । गर्भः॑ । अ॒सि॒ । रोद॑स्योः । अग्ने᳚ । चारुः॑ । विभृ॑त॒ इति॒ वि - भृ॒तः॒ । ओष॑धीषु ॥ चि॒त्रः । शिशुः॑ । परीति॑ । तमाꣳ॑सी । अ॒क्तः । प्रेति॑ । मा॒तृभ्य॒ इति॑ मा॒तृ - भ्यः॒ । अधीति॑ । कनि॑क्रदत् । गाः॒ ॥ स्थि॒रः । भ॒व॒ । वी॒ड्व॑ङ्ग॒ इति॑ वी॒डु - अ॒ङ्गः॒ । आ॒शुः । भ॒व॒ । वा॒जी । अ॒र्व॒न्न् ॥ पृ॒थुः । भ॒व॒ । सु॒षद॒ इति॑ सु - सदः॑ । त्वम् । अ॒ग्नेः । पु॒री॒ष॒वाह॑न॒ इति॑ पुरीष - वाह॑नः ॥ शि॒वः । भ॒व॒ ।

प्र॒जाभ्य॒ इति॑ प्र - जाभ्यः॑ । मानु॑षीभ्यः । त्वम् । अ॒ङ्गि॒रः॒ ॥ मा । द्यावा॑पृथि॒वी इति॒ द्यावा᳚ - पृ॒थि॒वी । अ॒भीति॑ । शू॒शु॒चः॒ । मा । अ॒न्तरि॑क्षम् । मा । वन॒स्पतीन्॑ ॥ प्रेति॑ । ए॒तु॒ । वा॒जी । कनि॑क्रदत् । नान॑दत् । रास॑भः । पत्वा᳚ ॥ भरन्न्॑ । अ॒ग्निम् । पु॒री॒ष्य᳚म् । मा । पा॒दि॒ । आयु॑षः । पु॒रा ॥ रास॑भः । वा॒म् । कनि॑क्रदत् । सुयु॑क्त॒ इति॒ सु - यु॒क्तः॒ । वृ॒ष॒णा॒ । रथे᳚ ॥ सः । वा॒म् । अ॒ग्निम् । पु॒री॒ष्य᳚म् । आ॒शुः । दू॒तः । व॒हा॒त् । इ॒तः ॥ वृषा᳚ । अ॒ग्निम् । वृष॑णम् । भरन्न्॑ । अ॒पाम् । गर्भ᳚म् । स॒मु॒द्रिय᳚म् ॥ अग्ने᳚ । एति॑ । या॒हि॒ ।

वी॒तये᳚ । ऋ॒तम् । स॒त्यम् ॥ ओष॑धयः । प्रतीति॑ । गृ॒ह्णी॒त॒ । अ॒ग्निम् । ए॒तम् । शि॒वम् । आ॒यन्त॒मित्या᳚ - यन्त᳚म् । अ॒भीति॑ । अत्र॑ । यु॒ष्मान् ॥ व्यस्य॒न्निति॑ वि - अस्यन्न्॑ । विश्वाः᳚ । अम॑तीः । अरा॑तीः । नि॒षीद॒न्नि ति॑ नि - सीदन्न्॑ । नः॒ । अपेति॑ । दु॒र्म॒तिमिति॑ दुः- म॒तिम् । ह॒न॒त् ॥ ओष॑धयः । प्रतीति॑ । मो॒द॒द्ध्व॒म् । ए॒न॒म् । पुष्पा॑वती॒रिति॒ पुष्प॑ - व॒तीः॒ । सु॒पि॒प्प॒ला इति॑ सु - पि॒प्प॒लाः ॥ अ॒यम् । वः॒ । गर्भः॑ । ऋ॒त्वियः॑ । प्र॒त्नम् । स॒धस्थ॒मिति॑ स॒ध-स्थ॒म् । एति॑ । अ॒स॒द॒त् ॥

वीति॑ । पाज॑सा । पृ॒थुना᳚ । शोशु॑चानः । बाध॑स्व । द्वि॒षः । र॒क्षसः॑ । अमी॑वाः ॥ सु॒शर्म॑ण॒ इति॑ सु - शर्म॑णः । बृ॒ह॒तः । शर्म॑णि । स्या॒म् । अ॒ग्नेः । अ॒हम् । सु॒हव॒स्येति॑ सु-हव॑स्य । प्रणी॑ता॒विति॒ प्र-नी॒तौ॒ ॥ आपः॑ । हि । स्थ । म॒यो॒भुव॒ इति॑ मयः-भुवः॑ । ताः । नः॒ । ऊ॒र्जे । द॒धा॒त॒न॒ ॥ म॒हे । रणा॑य । चक्ष॑से ॥ यः । वः॒ । शि॒वत॑म॒ इति॑ शि॒व-त॒मः॒ । रसः॑ । तस्य॑ । भा॒ज॒य॒त॒ । इ॒ह । नः॒ ॥ उ॒श॒तीः । इ॒व॒ । मा॒तरः॑ ॥ तस्मै᳚ । अर᳚म् । ग॒मा॒म॒ । वः॒ । यस्य॑ । क्षया॑य । जिन्व॑थ ॥ आपः॑ । ज॒नय॑थ । च॒ । नः॒ ॥ मि॒त्रः ।

सꣳ॒॒सृज्येति॑ सं - सृज्य॑ । पृ॒थि॒वीम् । भूमि᳚म् । च॒ । ज्योति॑षा । स॒ह ॥ सुजा॑त॒मिति॒ सु - जा॒त॒म् । जा॒तवे॑दस॒मिति॑ जा॒त-वे॒द॒स॒म् । अ॒ग्निम् । वै॒श्वा॒न॒रम् । वि॒भुमिति॑ वि - भुम् ॥ अ॒य॒क्ष्माय॑ । त्वा॒ । समिति॑ । सृ॒जा॒मि॒ । प्र॒जाभ्य॒ इति॑ प्र-जाभ्यः॑ ॥ विश्वे᳚ । त्वा॒ । दे॒वाः । वै॒श्वा॒न॒राः । समिति॑ । सृ॒ज॒न्तु॒ । आनु॑ष्टुभे॒नेत्यानु॑-स्तु॒भे॒न॒ । छन्द॑सा । अ॒ङ्गि॒र॒स्वत् ॥ रु॒द्राः । स॒भृंत्येति॑ सं - भृत्य॑ । पृ॒थि॒वीम् । बृ॒हत् । ज्योतिः॑ । समिति॑ । ई॒धि॒रे॒ ॥ तेषा᳚म् । भा॒नुः । अज॑स्रः । इत् । शु॒क्रः । दे॒वेषु॑ । रो॒च॒ते॒ ॥ सꣳसृ॑ष्टा॒मिति॒ सं - सृ॒ष्टा॒म् । वसु॑भि॒रिति॒ वसु॑ - भिः॒ । रु॒द्रैः । धीरैः᳚ । क॒र्म॒ण्या᳚म् । मृद᳚म् ॥ हस्ता᳚भ्याम् । मृ॒द्वीम् । कृ॒त्वा । सि॒नी॒वा॒ली । क॒रो॒तु॒ ।

ताम् ॥ सि॒नी॒वा॒ली । सु॒क॒प॒र्देति॑ सु - क॒प॒र्दा । सु॒कु॒री॒रेति॑ सु - कु॒री॒रा । स्वौ॒प॒शेति॑ सु - औ॒प॒शा ॥ सा । तुभ्य᳚म् । अ॒दि॒ते॒ । म॒हे॒ । एति॑ । उ॒खाम् । द॒धा॒तु॒ । हस्त॑योः ॥ उ॒खाम् । क॒रो॒तु॒ । शक्त्या᳚ । बा॒हुभ्या॒मिति॑ बा॒हु - भ्या॒म् । अदि॑तिः । धि॒या ॥ मा॒ता । पु॒त्रम् । यथा᳚ । उ॒पस्थ॒ इत्यु॒प - स्थे॒ । सा । अ॒ग्निम् । बि॒भ॒र्तु॒ । गर्भे᳚ । आ ॥ म॒खस्य॑ । शिरः॑ । अ॒सि॒ । य॒ज्ञ्स्य॑ । प॒दे इति॑ । स्थः॒ ॥ वस॑वः । त्वा॒ । कृ॒ण्व॒न्तु॒ । गा॒य॒त्रेण॑ । छन्द॑सा । अ॒ङ्गि॒र॒स्वत् । पृ॒थि॒वी । अ॒सि॒ । रु॒द्राः । त्वा॒ । कृ॒ण्व॒न्तु॒ । त्रैष्टु॑भेन । छन्द॑सा । अ॒ङ्गि॒र॒स्वत् । अ॒न्तरि॑क्षम् । अ॒सि॒ ।

आ॒दि॒त्याः । त्वा॒ । कृ॒ण्व॒न्तु॒ । जाग॑तेन । छन्द॑सा । अ॒ङ्गि॒र॒स्वत् । द्यौः । अ॒सि॒ । विश्वे᳚ । त्वा॒ । दे॒वाः । वै॒श्वा॒न॒राः । कृ॒ण्व॒न्तु॒ । आनु॑ष्टुभे॒नेत्यानु॑ - स्तु॒भे॒न॒ । छन्द॑सा । अ॒ङ्गि॒र॒स्वत् । दिशः॑ । अ॒सि॒ । ध्रु॒वा । अ॒सि॒ । धा॒रय॑ । मयि॑ । प्र॒जामिति॑ प्र-जाम् । रा॒यः । पोष᳚म् । गौ॒प॒त्यम् । सु॒वीर्य॒मिति॑ सु - वीर्य᳚म् । स॒जा॒तानिति॑ स - जा॒तान् । यज॑मानाय । अदि॑त्यै । रास्ना᳚ । अ॒सि॒ । अदि॑तिः । ते॒ । बिल᳚म् । गृ॒ह्णा॒तु॒ । पाङ्क्ते॑न । छन्द॑सा । अ॒ङ्गि॒र॒स्वत् ॥ कृ॒त्वाय॑ । सा । म॒हीम् । उ॒खाम् । मृ॒न्मयी॒मिति॑ मृत्-मयी᳚म् । योनि᳚म् । अ॒ग्नये᳚ ॥ ताम् । पु॒त्रेभ्यः॑ । सम् । प्रेति॑ ( ) । अ॒य॒च्छ॒त् । अदि॑तिः । श्र॒पयान्॑ । इति॑ ॥

वस॑वः । त्वा॒ । धू॒प॒य॒न्तु॒ । गा॒य॒त्रेण॑ । छन्द॑सा । अ॒ङ्गि॒र॒स्वत् । रु॒द्राः । त्वा॒ । धू॒प॒य॒न्तु॒ । त्रैष्टु॑भेन । छन्द॑सा । अ॒ङ्गि॒र॒स्वत् । आ॒दि॒त्याः । त्वा॒ । धू॒प॒य॒न्तु॒ । जाग॑तेन । छन्द॑सा । अ॒ङ्गि॒र॒स्वत् । विश्वे᳚ । त्वा॒ । दे॒वाः । वै॒श्वा॒न॒राः । धू॒प॒य॒न्तु॒ । आनु॑ष्टुभे॒नेत्यानु॑ - स्तु॒भे॒न॒ । छन्द॑सा । अ॒ङ्गि॒र॒स्वत् । इन्द्रः॑ । त्वा॒ । धू॒प॒य॒तु॒ । अ॒ङ्गि॒र॒स्वत् । विष्णुः॑ । त्वा॒ । धू॒प॒य॒तु॒ । अ॒ङ्गि॒र॒स्वत् । वरु॑णः । त्वा॒ । धू॒प॒य॒तु॒ । अ॒ङ्गि॒र॒स्वत् । अदि॑तिः । त्वा॒ । दे॒वी । वि॒श्वदे᳚व्याव॒तीति॑ वि॒श्वदे᳚व्य - व॒ती॒ । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ङ्गि॒र॒स्वत् । ख॒न॒तु॒ । अ॒व॒ट॒ । दे॒वाना᳚म् । त्वा॒ । पत्नीः᳚ ।

दे॒वीः । वि॒श्वदे᳚व्यावती॒रिति॑ वि॒श्वदे᳚व्य - व॒तीः॒ । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ङ्गि॒र॒स्वत् । द॒ध॒तु॒ । उ॒खे॒ । धि॒षणाः᳚ । त्वा॒ । दे॒वीः । वि॒श्वदे᳚व्यावती॒रिति॑ वि॒श्वदे᳚व्य - व॒तीः॒ । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ङ्गि॒र॒स्वत् । अ॒भीति॑ । इ॒न्ध॒ता॒म् । उ॒खे॒ । ग्नाः । त्वा॒ । दे॒वीः । वि॒श्वदे᳚व्यावती॒रिति॑ वि॒श्वदे᳚व्य - व॒तीः॒ । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ङ्गि॒र॒स्वत् । श्र॒प॒य॒न्तु॒ । उ॒खे॒ । वरू᳚त्रयः । जन॑यः । त्वा॒ । दे॒वीः । वि॒श्वदे᳚व्यावती॒रिति॑ वि॒श्वदे᳚व्य - व॒तीः॒ । पृ॒थि॒व्याः । स॒धस्थ॒ इति॑ स॒ध - स्थे॒ । अ॒ङ्गि॒र॒स्वत् । प॒च॒न्तु॒ । उ॒खे॒ ॥ मित्र॑ । ए॒ताम् । उ॒खाम् । प॒च॒ । ए॒षा । मा । भे॒दि॒ ॥ ए॒ताम् । ते॒ । परीति॑ । द॒दा॒मि॒ । अभि॑त्त्यै ॥ अ॒भीति॑ । इ॒माम् ।

म॒हि॒ना । दिव᳚म् । मि॒त्रः । ब॒भू॒व॒ । स॒प्रथा॒ इति॑ स - प्रथाः᳚ ॥ उ॒त । श्रव॑सा । पृ॒थि॒वीम् ॥ मि॒त्रस्य॑ । च॒र्॒.ष॒णी॒धृत॒ इति॑ चर्.षणि - धृतः॑ । श्रवः॑ । दे॒वस्य॑ । सा॒न॒सिम् ॥ द्यु॒म्नम् । चि॒त्रश्र॑वस्तम॒मिति॑ चि॒त्रश्र॑वः - त॒म॒म् ॥ दे॒वः । त्वा॒ । स॒वि॒ता । उदिति॑ । व॒प॒तु॒ । सु॒पा॒णिरिति॑ सु - पा॒णिः । स्व॒ङ्गु॒रिरिति॑ सु - अ॒ङ्गु॒रिः ॥ सु॒बा॒हुरिति॑ सु - बा॒हुः । उ॒त । शक्त्या᳚ ॥ अप॑द्यमाना । पृ॒थि॒वि॒ । आशाः᳚ । दिशः॑ । एति॑ । पृ॒ण॒ ॥ उदिति॑ । ति॒ष्ठ॒ । बृ॒ह॒ती । भ॒व॒ । ऊ॒द्‌र्ध्वा । ति॒ष्ठ॒ । ध्रु॒वा । त्वम् ॥ वस॑वः । त्वा॒ । एति॑ । छृ॒न्द॒न्तु॒ । गा॒य॒त्रेण॑ । छन्द॑सा । अ॒ङ्गि॒र॒स्वत् । रु॒द्राः । त्वा॒ । एति॑ । छृ॒न्द॒न्तु॒ ( ) । त्रैष्टु॑भेन । छन्द॑सा । अ॒ङ्गि॒र॒स्वत् । आ॒दि॒त्याः । त्वा॒ । एति॑ । छृ॒न्द॒न्तु॒ । जाग॑तेन । छन्द॑सा । अ॒ङ्गि॒र॒स्वत् । विश्वे᳚ । त्वा॒ । दे॒वाः । वै॒श्वा॒न॒राः । एति॑ । छृ॒न्द॒न्तु॒ । आनु॑ष्टुभे॒नेत्यानु॑ - स्तु॒भे॒न॒ । छन्द॑सा । अ॒ङ्गि॒र॒स्वत् ॥

समाः᳚ । त्वा॒ । अ॒ग्ने॒ । ऋ॒तवः॑ । व॒द्‌र्ध॒य॒न्तु॒ । स॒ॅवं॒थ्स॒रा इति॑ सं-व॒थ्स॒राः । ऋष॑यः । यानि॑ । स॒त्या ॥ समिति॑ । दि॒व्येन॑ । दी॒दि॒हि॒ । रो॒च॒नेन॑ । विश्वाः᳚ । एति॑ । भा॒हि॒ । प्र॒दिश॒ इति॑ प्र - दिशः॑ । पृ॒थि॒व्याः ॥ समिति॑ । च॒ । इ॒द्ध्यस्व॑ । अ॒ग्ने॒ । प्रेति॑ । च॒ । बो॒ध॒य॒ । ए॒न॒म् । उदिति॑ । च॒ । ति॒ष्ठ॒ । म॒ह॒ते । सौभ॑गाय ॥ मा । च॒ । रि॒ष॒त् । उ॒प॒स॒त्तेत्यु॑प - स॒त्ता । ते॒ । अ॒ग्ने॒ । ब्र॒ह्माणः॑ । ते॒ । य॒शसः॑ । स॒न्तु॒ । मा । अ॒न्ये ॥ त्वाम् । अ॒ग्ने॒ । वृ॒ण॒ते॒ । ब्रा॒ह्म॒णाः । इ॒मे । शि॒वः । अ॒ग्ने॒ ।

सं॒ॅवर॑ण॒ इति॑ सं - वर॑णे । भ॒व॒ । नः॒ ॥ स॒प॒त्न॒हेति॑ सपत्न-हा । नः॒ । अ॒भि॒मा॒ति॒जिदित्य॑भिमाति - जित् । च॒ । स्वे । गये᳚ । जा॒गृ॒हि॒ । अप्र॑युच्छ॒न्नित्यप्र॑ - यु॒च्छ॒न्न् ॥ इ॒ह । ए॒व । अ॒ग्ने॒ । अधीति॑ । धा॒र॒य॒ । र॒यिम् । मा । त्वा॒ । नीति॑ । क्र॒न्न् । पू॒र्व॒चित॒ इति॑ पूर्व - चितः॑ । नि॒का॒रिण॒ इति॑ नि - का॒रिणः॑ ॥ क्ष॒त्रम् । अ॒ग्ने॒ । सु॒यम॒मिति॑ सु - यम᳚म् । अ॒स्तु॒ । तुभ्य᳚म् । उ॒प॒स॒त्तेत्यु॑प-स॒त्ता । व॒द्‌र्ध॒ता॒म् । ते॒ । अनि॑ष्टृतः ॥ क्ष॒त्रेण॑ । अ॒ग्ने॒ । स्वायु॒रिति॑ सु - आयुः॑ । समिति॑ । र॒भ॒स्व॒ । मि॒त्रेण॑ । अ॒ग्ने॒ । मि॒त्र॒धेय॒ इति॑ मित्र - धेये᳚ । य॒त॒स्व॒ ॥ स॒जा॒ताना॒मिति॑ स - जा॒ताना᳚म् । म॒द्ध्य॒म॒स्था इति॑ मद्ध्यम-स्थाः । ए॒धि॒ । राज्ञा᳚म् । अ॒ग्ने॒ । वि॒ह॒व्य॑ इति॑ वि - ह॒व्यः॑ । दी॒दि॒हि॒ । इ॒ह ॥ अतीति॑ ।

निहः॑ । अतीति॑ । स्रिधः॑ । अतीति॑ । अचि॑त्तिम् । अतीति॑ । अरा॑तिम् । अ॒ग्ने॒ ॥ विश्वा᳚ । हि । अ॒ग्ने॒ । दु॒रि॒तेति॑ दुः - इ॒ता । सह॑स्व । अथ॑ । अ॒स्मभ्य॒मित्य॒स्म - भ्य॒म् । स॒हवी॑रा॒मिति॑ स॒ह - वी॒रा॒म् । र॒यिम् । दाः॒ ॥ अ॒ना॒धृ॒ष्य इत्य॑ना - धृ॒ष्यः । जा॒तवे॑दा॒ इति॑ जा॒त - वे॒दाः॒ । अनि॑ष्टृतः । वि॒राडिति॑ वि - राट् । अ॒ग्ने॒ । क्ष॒त्र॒भृदिति॑ क्षत्र - भृत् । दी॒दि॒हि॒ । इ॒ह ॥ विश्वाः᳚ । आशाः᳚ । प्र॒मु॒ञ्चन्निति॑ प्र - मु॒ञ्चन्न् । मानु॑षीः । भि॒यः । शि॒वाभिः॑ । अ॒द्य । परीति॑ । पा॒हि॒ । नः॒ । वृ॒धे ॥ बृह॑स्पते । स॒वि॒तः॒ । बो॒धय॑ । ए॒न॒म् । सꣳशि॑त॒मिति॒ सं - शि॒त॒म् । चि॒त् । स॒तं॒रामिति॑ सं - त॒राम् । समिति॑ । शि॒शा॒धि॒ ॥ व॒द्‌र्धय॑ । ए॒न॒म् । म॒ह॒ते । सौभ॑गाय ।

विश्वे᳚ । ए॒न॒म् । अन्विति॑ । म॒द॒न्तु॒ । दे॒वाः ॥ अ॒मु॒त्र॒भूया॒दित्य॑मुत्र - भूया᳚त् । अध॑ । यत् । य॒मस्य॑ । बृह॑स्पते । अ॒भिश॑स्ते॒रित्य॒भि - श॒स्तेः॒ । अमु॑ञ्चः ॥ प्रतीति॑ । औ॒ह॒ता॒म् । अ॒श्विना᳚ । मृ॒त्युम् । अ॒स्मा॒त् । दे॒वाना᳚म् । अ॒ग्ने॒ । भि॒षजा᳚ । शची॑भि॒रिति॒ शचि॑ - भिः॒ ॥ उदिति॑ । व॒यम् । तम॑सः । परीति॑ । पश्य॑न्तः । ज्योतिः॑ । उत्त॑र॒मित्युत् - त॒र॒म् ॥ दे॒वम् । दे॒व॒त्रेति॑ देव - त्रा । सूर्य᳚म् । अग॑न्म । ज्योतिः॑ । उ॒त्त॒ममित्यु॑त् - त॒मम् ॥

ऊ॒द्‌र्ध्वाः । अ॒स्य॒ । स॒मिध॒ इति॑ सं-इधः॑ । भ॒व॒न्ति॒ । ऊ॒द्‌र्ध्वा । शु॒क्रा । शो॒चीꣳषि॑ । अ॒ग्नेः ॥ द्यु॒मत्त॒मेति॑ द्यु॒मत् - त॒मा॒ । सु॒प्रती॑क॒स्येति॑ सु - प्रती॑कस्य । सू॒नोः ॥ तनू॒नपा॒दिति॒ तनू᳚-नपा᳚त् । असु॑रः । वि॒श्ववे॑दा॒ इति॑ वि॒श्व-वे॒दाः॒ । दे॒वः । दे॒वेषु॑ । दे॒वः ॥ प॒थः । एति॑ । अ॒न॒क्ति॒ । मद्ध्वा᳚ । घृ॒तेन॑ ॥ मद्ध्वा᳚ । य॒ज्ञ्म् । न॒क्ष॒से॒ । प्री॒णा॒नः । नरा॒शꣳसः॑ । अ॒ग्ने॒ ॥ सु॒कृदिति॑ सु - कृत् । दे॒वः । स॒वि॒ता । वि॒श्ववा॑र॒ इति॑ वि॒श्व - वा॒रः॒ ॥ अच्छ॑ । अ॒यम् । ए॒ति॒ । शव॑सा । घृ॒तेन॑ । ई॒डा॒नः । वह्निः॑ । नम॑सा ॥ अ॒ग्निम् । स्रुचः॑ । अ॒द्ध्व॒रेषु॑ । प्र॒यथ्स्विति॑ प्र॒यत् - सु॒ ॥ सः । य॒क्ष॒त् । अ॒स्य॒ । म॒हि॒मान᳚म् । अ॒ग्नेः । सः ।

ई॒म् । म॒न्द्रासु॑ । प्र॒यसः॑ ॥ वसुः॑ । चेति॑ष्ठः । व॒सु॒धात॑म॒ इति॑ वसु - धात॑मः । च॒ ॥ द्वारः॑ । दे॒वीः । अन्विति॑ । अ॒स्य॒ । विश्वे᳚ । व्र॒ता । द॒द॒न्ते॒ । अ॒ग्नेः ॥ उ॒रु॒व्यच॑स॒ इत्यु॑रु - व्यच॑सः । धाम्ना᳚ । पत्य॑मानाः ॥ ते इति॑ । अ॒स्य॒ । योष॑णे॒ इति॑ । दि॒व्ये इति॑ । न । योनौ᳚ । उ॒षासा॒नक्ता᳚ ॥ इ॒मम् । य॒ज्ञ्म् । अ॒व॒ता॒म् । अ॒द्ध्व॒रम् । नः॒ ॥ दैव्या᳚ । हो॒ता॒रौ॒ । ऊ॒द्‌र्ध्वम् । अ॒द्ध्व॒रम् । नः॒ । अ॒ग्नेः । जि॒ह्वाम् । अ॒भीति॑ । गृ॒णी॒त॒म् ॥ कृ॒णु॒तम् । नः॒ । स्वि॑ष्टि॒मिति॒ सु-इ॒ष्टि॒म् ॥ ति॒स्रः । दे॒वीः । ब॒र्॒.हिः । एति॑ । इ॒दम् । स॒द॒न्तु॒ । इडा᳚ । सर॑स्वती ।

भार॑ती ॥ म॒ही । गृ॒णा॒ना ॥ तत् । नः॒ । तु॒रीप᳚म् । अद्भु॑तम् । पु॒रु॒क्षु । त्वष्टा᳚ । सु॒वीर॒मिति॑ सु - वीर᳚म् ॥ रा॒यः । पोष᳚म् । वीति॑ । स्य॒तु॒ । नाभि᳚म् । अ॒स्मे इति॑ ॥ वन॑स्पते । अवेति॑ । सृ॒ज॒ । ररा॑णः । त्मना᳚ । दे॒वेषु॑ ॥ अ॒ग्निः । ह॒व्यम् । श॒मि॒ता । सू॒द॒या॒ति॒ ॥ अग्ने᳚ । स्वाहा᳚ । कृ॒णु॒हि॒ । जा॒त॒वे॒द॒ इति॑ जात - वे॒दः॒ । इन्द्रा॑य । ह॒व्यम् ॥ विश्वे᳚ । दे॒वाः । ह॒विः । इ॒दम् । जु॒ष॒न्ता॒म् ॥ हि॒र॒ण्य॒ग॒र्भ इति॑ हिरण्य-ग॒र्भः । समिति॑ । अ॒व॒र्त॒त॒ । अग्रे᳚ । भू॒तस्य॑ । जा॒तः । पतिः॑ । एकः॑ । आ॒सी॒त् ॥ सः । दा॒धा॒र॒ । पृ॒थि॒वीम् । द्याम् ।

उ॒त । इ॒माम् । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ यः । प्रा॒ण॒त इति॑ प्र - अ॒न॒तः । नि॒मि॒ष॒त इति॑ नि - मि॒ष॒तः । म॒हि॒त्वेति॑ महि - त्वा । एकः॑ । इत् । राजा᳚ । जग॑तः । ब॒भूव॑ ॥ यः । ईशे᳚ । अ॒स्य । द्वि॒पद॒ इति॑ द्वि - पदः॑ । चतु॑ष्पद॒ इति॒ चतुः॑ - प॒दः॒ । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ यः । आ॒त्म॒दा इत्या᳚त्म-दाः । ब॒ल॒दा इति॑ बल-दाः । यस्य॑ । विश्वे᳚ । उ॒पास॑त॒ इत्यु॑प - आस॑ते । प्र॒शिष॒मिति॑ प्र - शिष᳚म् । यस्य॑ । दे॒वाः ॥ यस्य॑ । छा॒या । अ॒मृत᳚म् । यस्य॑ । मृ॒त्युः । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ यस्य॑ । इ॒मे । हि॒मव॑न्त॒ इति॑ हि॒म - व॒न्तः॒ । म॒हि॒त्वेति॑ महि - त्वा । यस्य॑ । स॒मु॒द्रम् । र॒सया᳚ । स॒ह ।

आ॒हुः ॥ यस्य॑ । इ॒माः । प्र॒दिश॒ इति॑ प्र-दिशः॑ । यस्य॑ । बा॒हू इति॑ । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ यम् । क्रन्द॑सी॒ इति॑ । अव॑सा । त॒स्त॒भा॒ने इति॑ । अ॒भ्यैक्षे॑ता॒मित्य॑भि - ऐक्षे॑तां । मन॑सा । रेज॑माने॒ इति॑ ॥ यत्र॑ । अधीति॑ । सूरः॑ । उदि॑ता॒वित्युत् - इ॒तौ॒ । व्येतीति॑ वि - एति॑ । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ येन॑ । द्यौः । उ॒ग्रा । पृ॒थि॒वी । च॒ । दृ॒ढे इति॑ । येन॑ । सुवः॑ । स्त॒भि॒तम् । येन॑ । नाकः॑ ॥ यः । अ॒न्तरि॑क्षे । रज॑सः । वि॒मान॒ इति॑ वि-मानः॑ । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ आपः॑ । ह॒ । यत् । म॒ह॒तीः । विश्व᳚म् ।

आयन्न्॑ । दक्ष᳚म् । दधा॑नाः । ज॒नय॑न्तीः । अ॒ग्निम् ॥ ततः॑ । दे॒वाना᳚म् । निरिति॑ । अ॒व॒र्त॒त॒ । असुः॑ । एकः॑ । कस्मै᳚ । दे॒वाय॑ । ह॒विषा᳚ । वि॒धे॒म॒ ॥ यः । चि॒त् । आपः॑ । म॒हि॒ना । प॒र्यप॑श्य॒दिति॑ परि-अप॑श्यत् । दक्ष᳚म् । दधा॑नाः । ज॒नय॑न्तीः । अ॒ग्निम् ॥ यः । दे॒वेषु॑ । अधीति॑ । दे॒वः । एकः॑ । आसी᳚त् । कस्मै᳚ । दे॒वाय॑ । ह॒विषा᳚ । वि॒धे॒म॒ ॥

आकू॑ति॒मित्या - कू॒ति॒म् । अ॒ग्निम् । प्र॒युज॒मिति॑ प्र - युज᳚म् । स्वाहा᳚ । मनः॑ । मे॒धाम् । अ॒ग्निम् । प्र॒युज॒मिति॑ प्र-युज᳚म् । स्वाहा᳚ । चि॒त्तम् । विज्ञा॑त॒मिति॑ वि - ज्ञा॒त॒म् । अ॒ग्निम् । प्र॒युज॒मिति॑ प्र - युज᳚म् । स्वाहा᳚ । वा॒चः । विधृ॑ति॒मिति॒ वि-धृ॒ति॒म् । अ॒ग्निम् । प्र॒युज॒मिति॑ प्र - युज᳚म् । स्वाहा᳚ । प्र॒जाप॑तय॒ इति॑ प्र॒जा - प॒त॒ये॒ । मन॑वे । स्वाहा᳚ । अ॒ग्नये᳚ । वै॒श्वा॒न॒राय॑ । स्वाहा᳚ । विश्वे᳚ । दे॒वस्य॑ । ने॒तुः । मर्तः॑ । वृ॒णी॒त॒ । स॒ख्यम् । विश्वे᳚ । रा॒यः । इ॒षु॒द्ध्य॒सि॒ । द्यु॒म्नम् । वृ॒णी॒त॒ । पु॒ष्यसे᳚ । स्वाहा᳚ । मा । स्विति॑ । भि॒त्थाः॒ । मा । स्विति॑ । रि॒षः॒ । दृꣳह॑स्व । वी॒डय॑स्व । सु ॥ अबं॑ । धृ॒ष्णु॒ । वी॒रय॑स्व ।

अ॒ग्निः । च॒ । इ॒दम् । क॒रि॒ष्य॒थः॒ ॥ दृꣳह॑स्व । दे॒वि॒ । पृ॒थि॒वि॒ । स्व॒स्तये᳚ । आ॒सु॒री । मा॒या । स्व॒धयेति॑ स्व - धया᳚ । कृ॒ता । अ॒सि॒ ॥ जुष्ट᳚म् । दे॒वाना᳚म् । इ॒दम् । अ॒स्तु॒ । ह॒व्यम् । अरि॑ष्टा । त्वम् । उदिति॑ । इ॒हि॒ । य॒ज्ञे । अ॒स्मिन्न् ॥ मित्र॑ । ए॒ताम् । उ॒खाम् । त॒प॒ । ए॒षा । मा । भे॒दि॒ ॥ ए॒ताम् । ते॒ । परीति॑ । द॒दा॒मि॒ । अभि॑त्त्यै ॥ द्र्‌व॑न्न॒ इति॒ द्रु - अ॒न्नः॒ । स॒र्पिरा॑सुति॒रिति॑ स॒र्पिः - आ॒सु॒तिः॒ । प्र॒त्नः । होता᳚ । वरे᳚ण्यः ॥ सह॑सः । पु॒त्रः । अद्भु॑तः ॥ पर॑स्याः । अधीति॑ । सं॒ॅवत॒ इति॑ सं - वतः॑ । अव॑रान् । अ॒भि । एति॑ ।

त॒र॒ ॥ यत्र॑ । अ॒हम् । अस्मि॑ । तान् । अ॒व॒ ॥ प॒र॒मस्याः᳚ । प॒रा॒वत॒ इति॑ परा - वतः॑ । रो॒हिद॑श्व॒ इति॑ रो॒हित् - अ॒श्वः॒ । इ॒ह । एति॑ । ग॒हि॒ ॥ पु॒री॒ष्यः॑ । पु॒रु॒प्रि॒य इति॑ पुरु - प्रि॒यः । अग्ने᳚ । त्वम् । त॒र॒ । मृधः॑ ॥ सीद॑ । त्वम् । मा॒तुः । अ॒स्याः । उ॒पस्थ॒ इत्यु॒प - स्थे॒ । विश्वा॑नि । अ॒ग्ने॒ । व॒युना॑नि । वि॒द्वान् ॥ मा । ए॒ना॒म् । अ॒र्चिषा᳚ । मा । तप॑सा । अ॒भीति॑ । शू॒शु॒चः॒ । अ॒न्तः । अ॒स्या॒म् । शु॒क्रज्यो॑ति॒रिति॑ शु॒क्र - ज्यो॒तिः॒ । वीति॑ । भा॒हि॒ ॥ अ॒न्तः । अ॒ग्ने॒ । रु॒चा । त्वम् । उ॒खायै᳚ । सद॑ने । स्वे ॥ तस्याः᳚ । त्वम् । हर॑सा । तपन्न्॑ ( ) । जात॑वेद॒ इति॒ जात॑-वे॒दः॒ । शि॒वः । भ॒व॒ ॥ शि॒वः । भू॒त्वा । मह्य᳚म् । अ॒ग्ने॒ । अथो॒ इति॑ । सी॒द॒ । शि॒वः । त्वम् ॥ शि॒वाः । कृ॒त्वा । दिशः॑ । सर्वाः᳚ । स्वाम् । योनि᳚म् । इ॒ह । एति॑ । अ॒स॒दः॒ ॥

यत् । अ॒ग्ने॒ । यानि॑ । कानि॑ । च॒ । एति॑ । ते॒ । दारू॑णि । द॒द्ध्मसि॑ ॥ तत् । अ॒स्तु॒ । तुभ्य᳚म् । इत् । घृ॒तम् । तत् । जु॒ष॒स्व॒ । य॒वि॒ष्ठ्य॒ ॥ यत् । अत्ति॑ । उ॒प॒जिह्वि॒केत्यु॑प - जिह्वि॑का । यत् । व॒म्रः । अ॒ति॒सर्प॒तीत्य॑ति-सर्प॑ति ॥ सर्व᳚म् । तत् । अ॒स्तु॒ । ते॒ । घृ॒तम् । तत् । जु॒ष॒स्व॒ । य॒वि॒ष्ठ्य॒ ॥ रात्रिꣳ॑रात्रि॒मिति॒ रात्रि᳚म् - रा॒त्रि॒म् । अप्र॑याव॒मित्यप्र॑-या॒व॒म् । भर॑न्तः । अश्वा॑य । इ॒व॒ । तिष्ठ॑ते । घा॒सम् । अ॒स्मै॒ ॥ रा॒यः । पोषे॑ण । समिति॑ । इ॒षा । मद॑न्तः । अग्ने᳚ । मा । ते॒ । प्रति॑वेशा॒ इति॒ प्रति॑ - वे॒शाः॒ । रि॒षा॒म॒ ॥ नाभा᳚ ।

पृ॒थि॒व्याः । स॒मि॒धा॒नमिति॑ सं-इ॒धा॒नम् । अ॒ग्निम् । रा॒यः । पोषा॑य । बृ॒ह॒ते । ह॒वा॒म॒हे॒ ॥ इ॒र॒मं॒दमिती॑रं - म॒दम् । बृ॒हदु॑क्थ॒मिति॑ बृ॒हत् - उ॒क्थ॒म् । यज॑त्रम् । जेता॑रम् । अ॒ग्निम् । पृत॑नासु । सा॒स॒हिम् ॥ याः । सेनाः᳚ । अ॒भीत्व॑री॒रित्य॑भि - इत्व॑रीः । आ॒व्या॒धिनी॒रित्या᳚ - व्या॒धिनीः᳚ । उग॑णाः । उ॒त ॥ ये । स्ते॒नाः । ये । च॒ । तस्क॑राः । तान् । ते॒ । अ॒ग्ने॒ । अपीति॑ । द॒धा॒मि॒ । आ॒स्ये᳚ ॥ दꣳष्ट्रा᳚भ्याम् । म॒लिम्लून्न्॑ । जंभ्यैः᳚ । तस्क॑रान् । उ॒त ॥ हनू᳚भ्या॒मिति॒ हनु॑ - भ्या॒म् । स्ते॒नान् । भ॒ग॒व॒ इति॑ भग - वः॒ । तान् । त्वम् । खा॒द॒ । सुखा॑दिता॒निति॒ सु - खा॒दि॒ता॒न् ॥ ये । जने॑षु । म॒लिम्ल॑वः । स्ते॒नासः॑ । तस्क॑राः । वने᳚ ॥ ये ।

कक्षे॑षु । अ॒घा॒यव॒ इत्य॑घ - यवः॑ । तान् । ते॒ । द॒धा॒मि॒ । जंभ॑योः ॥ यः । अ॒स्मभ्य॒मित्य॒स्म-भ्य॒म् । अ॒रा॒ती॒यात् । यः । च॒ । नः॒ । द्वेष॑ते । जनः॑ ॥ निन्दा᳚त् । यः । अ॒स्मान् । दिफ्सा᳚त् । च॒ । सर्व᳚म् । तम् । म॒स्म॒सा । कु॒रु॒ ॥ सꣳशि॑त॒मिति॒ सं - शि॒त॒म् । मे॒ । ब्रह्म॑ । सꣳशि॑त॒मिति॒ सं - शि॒त॒म् । वी॒र्य᳚म् । बल᳚म् ॥ सꣳशि॑त॒मिति॒ सं - शि॒त॒म् । क्ष॒त्रम् । जि॒ष्णु । यस्य॑ । अ॒हम् । अस्मि॑ । पु॒रोहि॑त॒ इति॑ पु॒रः - हि॒तः॒ ॥ उदिति॑ । ए॒षा॒म् । बा॒हू इति॑ । अ॒ति॒र॒म् । उदिति॑ । वर्चः॑ । उदिति॑ । उ॒ । बल᳚म् ॥ क्षि॒णोमि॑ । ब्रह्म॑णा । अ॒मित्रान्॑ । उदिति॑ । न॒या॒मि॒ ।

स्वान् । अ॒हम् ॥ दृ॒शा॒नः । रु॒क्मः । उ॒र्व्या । वीति॑ । अ॒द्यौ॒त् । दु॒र्मर्.ष॒मिति॑ दुः - मर्.ष᳚म् । आयुः॑ । श्रि॒ये । रु॒चा॒नः ॥ अ॒ग्निः । अ॒मृतः॑ । अ॒भ॒व॒त् । वयो॑भि॒रिति॒ वयः॑ - भिः॒ । यत् । ए॒न॒म् । द्यौः । अज॑नयत् । सु॒रेता॒ इति॑ सु - रेताः᳚ ॥ विश्वा᳚ । रू॒पाणि॑ । प्रतीति॑ । मु॒ञ्च॒ते॒ । क॒विः । प्रेति॑ । अ॒सा॒वी॒त् । भ॒द्रम् । द्वि॒पद॒ इति॑ द्वि-पदे᳚ । चतु॑ष्पद॒ इति॒ चतुः॑ - प॒दे॒ ॥ वीति॑ । नाक᳚म् । अ॒ख्य॒त् । स॒वि॒ता । वरे᳚ण्यः । अन्विति॑ । प्र॒याण॒मिति॑ प्र - यान᳚म् । उ॒षसः॑ । वीति॑ । रा॒ज॒ति॒ ॥ नक्तो॒षासा᳚ । सम॑न॒सेति॒ स - म॒न॒सा॒ । विरू॑पे॒ इति॒ वि-रू॒पे॒ । धा॒पये॑ते॒ इति॑ । शिशु᳚म् । एक᳚म् । स॒मी॒ची इति॑ ॥ द्यावा᳚ । क्षाम॑ । रु॒क्मः ।

अ॒न्तः । वीति॑ । भा॒ति॒ । दे॒वाः । अ॒ग्निम् । धा॒र॒य॒न्न् । द्र॒वि॒णो॒दा इति॑ द्रविणः - दाः ॥ सु॒प॒र्ण इति॑ सु - प॒र्णः । अ॒सि॒ । ग॒रुत्मान्॑ । त्रि॒वृदिति॑ त्रि - वृत् । ते॒ । शिरः॑ । गा॒य॒त्रम् । चक्षुः॑ । स्तोमः॑ । आ॒त्मा । साम॑ । ते॒ । त॒नूः । वा॒म॒दे॒व्यमिति॑ वाम - दे॒व्यम् । बृ॒ह॒द्र॒थ॒न्त॒रे इति॑ बृहत् - र॒थ॒न्त॒रे । प॒क्षौ । य॒ज्ञा॒य॒ज्ञिय᳚म् । पुच्छ᳚म् । छन्दाꣳ॑सि । अङ्गा॑नि । धिष्णि॑याः । श॒फाः । यजूꣳ॑षि । नाम॑ ॥ सु॒प॒र्ण इति॑ सु - प॒र्णः । अ॒सि॒ । ग॒रुत्मान्॑ । दिव᳚म् । ग॒च्छ॒ । सुवः॑ । प॒त॒ ॥

अग्ने᳚ । यम् । य॒ज्ञ्म् । अ॒द्ध्व॒रम् । वि॒श्वतः॑ । प॒रि॒भूरिति॑ परि - भूः । असि॑ ॥ सः । इत् । दे॒वेषु॑ । ग॒च्छ॒ति॒ ॥ सोम॑ । याः । ते॒ । म॒यो॒भुव॒ इति॑ मयः - भुवः॑ । ऊ॒तयः॑ । सन्ति॑ । दा॒शुषे᳚ ॥ ताभिः॑ । नः॒ । अ॒वि॒ता । भ॒व॒ ॥ अ॒ग्निः । मू॒द्‌र्धा । भुवः॑ ॥ त्वम् । नः॒ । सो॒म॒ । या । ते॒ । धामा॑नि ॥ तत् । स॒वि॒तुः । वरे᳚ण्यम् । भर्गः॑ । दे॒वस्य॑ । धी॒म॒हि॒ ॥ धियः॑ । यः । नः॒ । प्र॒चो॒दया॒दिति॑ प्र-चो॒दया᳚त् ॥ अचि॑त्ती । यत् । च॒कृ॒म । दैव्ये᳚ । जने᳚ । दी॒नैः । दक्षैः᳚ । प्रभू॒तीति॒ प्र - भू॒ती॒ । पू॒रु॒ष॒त्वतेति॑ पूरुष - त्वता᳚ ॥

दे॒वेषु । च॒ । स॒वि॒तः॒ । मानु॑षेषु । च॒ । त्वम् । नः॒ । अत्र॑ । सु॒व॒ता॒त् । अना॑गसः ॥ चो॒द॒यि॒त्री । सू॒नृता॑नाम् । चेत॑न्ती । सु॒म॒ती॒नामिति॑ सु - म॒ती॒नाम् ॥ य॒ज्ञ्म् । द॒धे॒ । सर॑स्वती ॥ पावी॑रवी । क॒न्या᳚ । चि॒त्रायु॒रिति॑ चि॒त्र - आ॒युः॒ । सर॑स्वती । वी॒रप॒त्नीति॑ वी॒र - प॒त्नी॒ । धिय᳚म् । धा॒त् ॥ ग्नाभिः॑ । अच्छि॑द्रम् । श॒र॒णम् । स॒जोषा॒ इति॑ स-जोषाः᳚ । दु॒रा॒धर्.ष॒मिति॑ दुः - आ॒धर्.ष᳚म् । गृ॒ण॒ते । शर्म॑ । यꣳ॒॒स॒त् ॥ पू॒षा । गाः । अन्विति॑ । ए॒तु॒ । नः॒ । पू॒षा । र॒क्ष॒तु॒ । अर्व॑तः ॥ पू॒षा । वाज᳚म् । स॒नो॒तु॒ । नः॒ ॥ शु॒क्रम् । ते॒ । अ॒न्यत् । य॒ज॒तम् । ते॒ । अ॒न्यत् ।

विषु॑रूपे॒ इति॒ विषु॑ - रू॒पे॒ । अह॑नी॒ इति॑ । द्यौः । इ॒व॒ । अ॒सि॒ ॥ विश्वाः᳚ । हि । मा॒याः । अव॑सि । स्व॒धा॒व॒ इति॑ स्वधा - वः॒ । भ॒द्रा । ते॒ । पू॒ष॒न्न् । इ॒ह । रा॒तिः । अ॒स्तु॒ ॥ ते । अ॒व॒द्‌र्ध॒न्त॒ । स्वत॑वस॒ इति॒ स्व - त॒व॒सः॒ । म॒हि॒त्व॒नेति॑ महि - त्व॒ना । एति॑ । नाक᳚म् । त॒स्थुः । उ॒रु । च॒क्रि॒रे॒ । सदः॑ ॥ विष्णुः॑ । यत् । ह॒ । आव॑त् । वृष॑णम् । म॒द॒च्युत॒मिति॑ मद - च्युत᳚म् । वयः॑ । न । सी॒द॒न्न् । अधीति॑ । ब॒र्॒.हिषि॑ । प्रि॒ये ॥ प्रेति॑ । चि॒त्रम् । अ॒र्कम् । गृ॒ण॒ते । तु॒राय॑ । मारु॑ताय । स्वत॑वस॒ इति॒ स्व - त॒व॒से॒ । भ॒र॒द्ध्व॒म् ॥ ये । सहाꣳ॑सि । सह॑सा । सह॑न्ते ।

रेज॑ते । अ॒ग्ने॒ । पृ॒थि॒वी । म॒खेभ्यः॑ ॥ विश्वे᳚ । दे॒वाः । विश्वे᳚ । दे॒वाः॒ ॥ द्यावा᳚ । नः॒ । पृ॒थि॒वी इति॑ । इ॒मम् । सि॒द्ध्रम् । अ॒द्य । दि॒वि॒स्पृश॒मिति॑ दिवि - स्पृश᳚म् ॥ य॒ज्ञ्म् । दे॒वेषु॑ । य॒च्छ॒ता॒म् ॥ प्रेति॑ । पू॒र्व॒जे इति॑ पूर्व-जे । पि॒तरा᳚ । नव्य॑सीभिः । गी॒र्भिः । कृ॒णु॒द्ध्व॒म् । सद॑ने॒ इति॑ । ऋ॒तस्य॑ ॥ एति॑ । नः॒ । द्या॒वा॒पृ॒थि॒वी॒ इति॑ द्यावा-पृ॒थि॒वी । दैव्ये॑न । जने॑न । या॒त॒म् । महि॑ । वा॒म् । वरू॑थम् ॥ अ॒ग्निम् । स्तोमे॑न । बो॒ध॒य॒ । स॒मि॒धा॒न इति॑ सं - इ॒धा॒नः । अम॑र्त्यम् ॥ ह॒व्या । दे॒वेषु॑ । नः॒ । द॒ध॒त् ॥ सः । ह॒व्य॒वाडिति॑ हव्य - वाट् । अम॑र्त्यः । उ॒शिक् । दू॒तः । चनो॑हितः ( ) ॥ अ॒ग्निः । धि॒या । समिति॑ । ऋ॒ण्व॒ति॒ ॥ शम् । नः॒ । भ॒व॒न्तु॒ । वाजे॑वाज॒ इति॒ वाजे᳚ - वा॒जे॒ ॥