स॒जित्वा॑नꣳ सदा॒सहं᳚ । वर्.षि॑ष्ठमू॒तये॑ भर ॥प्र स॑साहिषे पुरुहूत॒ शत्रू॒न् ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्राऽऽ* भ॑र॒ दक्षि॑णेना॒ वसू॑नि॒ पतिः॒ सिन्धू॑नामसि रे॒वती॑नां ॥ त्वꣳ सु॒तस्य॑ पी॒तये॑ स॒द्यो वृ॒द्धो अ॑जायथाः । इन्द्र॒ ज्यैष्ठ्या॑य सुक्रतो ॥ भुव॒स्त्वमि॑न्द्र॒ ब्रह्म॑णा म॒हान् भुवो॒ विश्वे॑षु॒ सव॑नेषु य॒ज्ञियः॑ । भुवो॒ नॄꣳश्च्यौ॒त्नो विश्व॑स्मि॒न् भरे॒ ज्येष्ठ॑श्च॒ मन्त्रो॑ - [ ]
पदपाठः (Word-by-word)
स॒जित्वा॑न॒मिति॑ स - जित्वा॑नम् । स॒दा॒सह॒मिति॑ सदा - सह᳚म् ॥ वर्.षि॑ष्ठम् । ऊ॒तये᳚ । भ॒र॒ ॥ प्रेति॑ । स॒सा॒हि॒षे॒ । पु॒रु॒हू॒तेति॑ पुरु-हू॒त॒ । शत्रून्॑ । ज्येष्ठः॑ । ते॒ । शुष्मः॑ । इ॒ह । रा॒तिः । अ॒स्तु॒ ॥ इन्द्र॑ । एति॑ । भ॒र॒ । दक्षि॑णेन । वसू॑नि । पतिः॑ । सिन्धू॑नाम् । अ॒सि॒ । रे॒वती॑नाम् ॥ त्वम् । सु॒तस्य॑ । पी॒तये᳚ । स॒द्यः । वृ॒द्धः । अ॒जा॒य॒थाः॒ । इन्द्र॑ । ज्यैष्ठ्या॑य । सु॒क्र॒तो॒ इति॑ सु-क्र॒तो॒ ॥ भुवः॑ । त्वम् । इ॒न्द्र॒ । ब्रह्म॑णा । म॒हान् । भुवः॑ । विश्वे॑षु । सव॑नेषु । य॒ज्ञियः॑ ॥ भुवः॑ । नॄन् । च्यौ॒त्नः । विश्व॑स्मिन्न् । भरे᳚ । ज्येष्ठः॑ । च॒ । मन्त्रः॑ ।