-ह॒ यदे॒व य॒ज्ञ् उ॒ल्बणं॑ क्रि॒यते॒ तस्यै॒वैषा शान्ति॒र्मनु॑र्भव ज॒नया॒ दैव्यं॒ जन॒मित्या॑ह मान॒व्यो॑ वै प्र॒जास्ता ए॒वाऽऽ*द्याः᳚ कुरुते॒ मन॑सो ह॒विर॒सीत्या॑ह स्व॒गाकृ॑त्यै॒ गात्रा॑णां ते गात्र॒भाजो॑ भूया॒स्मेत्या॑हा॒ ऽऽ*शिष॑मे॒वैतामा शा᳚स्ते॒ तस्यै॒ वा ए॒तस्या॒ एक॑मे॒वा-दे॑वयजनं॒ ॅयदाल॑ब्धायाम॒भ्रो - [ ]
पदपाठः (Word-by-word)
आ॒ह॒ । यत् । ए॒व । य॒ज्ञे । उ॒ल्बण᳚म् । क्रि॒यते᳚ । तस्य॑ । ए॒व । ए॒षा । शान्तिः॑ । मनुः॑ । भ॒व॒ । ज॒नय॑ । दैव्य᳚म् । जन᳚म् । इति॑ । आ॒ह॒ । मा॒न॒व्यः॑ । वै । प्र॒जा इति॑ प्र - जाः । ताः । ए॒व । आ॒द्याः᳚ । कु॒रु॒ते॒ । मन॑सः । ह॒विः । अ॒सि॒ । इति॑ । आ॒ह॒ । स्व॒गाकृ॑त्या॒ इति॑ स्व॒गा - कृ॒त्यै॒ । गात्रा॑णाम् । ते॒ । गा॒त्र॒भाज॒ इति॑ गात्र - भाजः॑ । भू॒या॒स्म॒ । इति॑ । आ॒ह॒ । आ॒शिष॒मित्या᳚ - शिष᳚म् । ए॒व । ए॒ताम् । एति॑ । शा॒स्ते॒ । तस्यै᳚ । वै । ए॒तस्याः᳚ । एक᳚म् । ए॒व । अदे॑वयजन॒मित्यदे॑व - य॒ज॒न॒म् । यत् । आल॑ब्धाया॒मित्या - ल॒ब्धा॒या॒म् । अ॒भ्रः ।