य॒ज्ञेन॑ । वै । प्र॒जाप॑ति॒रिति॑ प्र॒जा - प॒तिः॒ । प्र॒जा इति॑ प्र - जाः । अ॒सृ॒ज॒त॒ । ताः । उ॒प॒यड्भि॒रित्यु॑प॒यट्-भिः॒ । ए॒व । अ॒सृ॒ज॒त॒ । यत् । उ॒प॒यज॒ इत्यु॑प - यजः॑ । उ॒प॒यज॒तीत्यु॑प - यज॑ति । प्र॒जा इति॑ प्र - जाः । ए॒व । तत् । यज॑मानः । सृ॒ज॒ते॒ । ज॒घ॒ना॒द्‌र्धादिति॑ जघन - अ॒द्‌र्धात् । अवेति॑ । द्य॒ति॒ । ज॒घ॒ना॒द्‌र्धादिति॑ जघन-अ॒द्‌र्धात् । हि । प्र॒जा इति॑ प्र - जाः । प्र॒जाय॑न्त॒ इति॑ प्र - जाय॑न्ते । स्थ॒वि॒म॒तः । अवेति॑ । द्य॒ति॒ । स्थ॒वि॒म॒तः । हि । प्र॒जा इति॑ प्र-जाः । प्र॒जाय॑न्त॒ इति॑ प्र-जाय॑न्ते । अस॑भिंन्द॒न्नित्यसं᳚ - भि॒न्द॒न्न् । अवेति॑ । द्य॒ति॒ । प्रा॒णाना॒मिति॑ प्र - अ॒नाना᳚म् । अस॑भेंदा॒येत्यसं᳚ - भे॒दा॒य॒ । न । प॒र्याव॑र्तय॒तीति॑ परि - आव॑र्तयति । यत् । प॒र्या॒व॒र्तये॒दिति॑ परि - आ॒व॒र्तये᳚त् । उ॒दा॒व॒र्तः । प्र॒जा इति॑ प्र - जाः । ग्राहु॑कः । स्या॒त् । स॒मु॒द्रम् । ग॒च्छ॒ । स्वाहा᳚ । इति॑ । आ॒ह॒ । रेतः॑ ।

ए॒व । तत् । द॒धा॒ति॒ । अ॒न्तरि॑क्षम् । ग॒च्छ॒ । स्वाहा᳚ । इति॑ । आ॒ह॒ । अ॒न्तरि॑क्षेण । ए॒व । अ॒स्मै॒ । प्र॒जा इति॑ प्र - जाः । प्रेति॑ । ज॒न॒य॒ति॒ । अ॒न्तरि॑क्षम् । हि । अन्विति॑ । प्र॒जा इति॑ प्र - जाः । प्र॒जाय॑न्त॒ इति॑ प्र - जाय॑न्ते । दे॒वम् । स॒वि॒तार᳚म् । ग॒च्छ॒ । स्वाहा᳚ । इति॑ । आ॒ह॒ । स॒वि॒तृप्र॑सूत॒ इति॑ सवि॒तृ - प्र॒सू॒तः॒ । ए॒व । अ॒स्मै॒ । प्र॒जा इति॑ प्र - जाः । प्रेति॑ । ज॒न॒य॒ति॒ । अ॒हो॒रा॒त्रे इत्य॑हः - रा॒त्रे । ग॒च्छ॒ । स्वाहा᳚ । इति॑ । आ॒ह॒ । अ॒हो॒रा॒त्राभ्या॒मित्य॑हः - रा॒त्राभ्या᳚म् । ए॒व । अ॒स्मै॒ । प्र॒जा इति॑ प्र-जाः । प्रेति॑ । ज॒न॒य॒ति॒ । अ॒हो॒रा॒त्रे इत्य॑हः-रा॒त्रे । हि । अन्विति॑ । प्र॒जा इति॑ प्र - जाः । प्र॒जाय॑न्त॒ इति॑ प्र-जाय॑न्ते । मि॒त्रावरु॑णा॒विति॑ मि॒त्रा-वरु॑णौ । ग॒च्छ॒ । स्वाहा᳚ ।

इति॑ । आ॒ह॒ । प्र॒जास्विति॑ प्र - जासु॑ । ए॒व । प्रजा॑ता॒स्विति॒ प्र - जा॒ता॒सु॒ । प्रा॒णा॒पा॒नाविति॑ प्राण - अ॒पा॒नौ । द॒धा॒ति॒ । सोम᳚म् । ग॒च्छ॒ । स्वाहा᳚ । इति॑ । आ॒ह॒ । सौ॒म्याः । हि । दे॒वत॑या । प्र॒जा इति॑ प्र - जाः । य॒ज्ञ्म् । ग॒च्छ॒ । स्वाहा᳚ । इति॑ । आ॒ह॒ । प्र॒जा इति॑ प्र-जाः । ए॒व । य॒ज्ञियाः᳚ । क॒रो॒ति॒ । छन्दाꣳ॑सि । ग॒च्छ॒ । स्वाहा᳚ । इति॑ । आ॒ह॒ । प॒शवः॑ । वै । छन्दाꣳ॑सि । प॒शून् । ए॒व । अवेति॑ । रु॒न्धे॒ । द्यावा॑पृथि॒वी इति॒ द्यावा᳚-पृ॒थि॒वी । ग॒च्छ॒ । स्वाहा᳚ । इति॑ । आ॒ह॒ । प्र॒जा इति॑ प्र - जाः । ए॒व । प्रजा॑ता॒ इति॒ प्र-जा॒ताः॒ । द्यावा॑पृथि॒वीभ्या॒मिति॒ द्यावा᳚ - पृ॒थि॒वीभ्या᳚म् । उ॒भ॒यतः॑ । परीति॑ । गृ॒ह्णा॒ति॒ । नभः॑ ।

दि॒व्यम् । ग॒च्छ॒ । स्वाहा᳚ । इति॑ । आ॒ह॒ । प्र॒जाभ्य॒ इति॑ प्र-जाभ्यः॑ । ए॒व । प्रजा॑ताभ्य॒ इति॒ प्र - जा॒ता॒भ्यः॒ । वृष्टि᳚म् । नीति॑ । य॒च्छ॒ति॒ । अ॒ग्निम् । वै॒श्वा॒न॒रम् । ग॒च्छ॒ । स्वाहा᳚ । इति॑ । आ॒ह॒ । प्र॒जा इति॑ प्र - जाः । ए॒व । प्रजा॑ता॒ इति॒ प्र - जा॒ताः॒ । अ॒स्याम् । प्रतीति॑ । स्था॒प॒य॒ति॒ । प्रा॒णाना॒मिति॑ प्र-अ॒नाना᳚म् । वै । ए॒षः । अवेति॑ । द्य॒ति॒ । यः । अ॒व॒द्यतीय॑व - द्यति॑ । गु॒दस्य॑ । मनः॑ । मे॒ । हार्दि॑ । य॒च्छ॒ । इति॑ । आ॒ह॒ । प्रा॒णानिति॑ प्र - अ॒नान् । ए॒व । य॒था॒स्था॒नमिति॑ यथा - स्था॒नम् । उपेति॑ । ह्व॒य॒ते॒ । प॒शोः । वै । आल॑ब्ध॒स्येत्या- ल॒ब्ध॒स्य॒ । हृद॑यम् । शुक् । ऋ॒च्छ॒ति॒ । सा । हृ॒द॒य॒शू॒लमिति॑ हृदय - शू॒लम् ।

अ॒भि । समिति॑ । ए॒ति॒ । यत् । पृ॒थि॒व्याम् । हृ॒द॒य॒शू॒लमिति॑ हृदय - शू॒लम् । उ॒द्वा॒सये॒दित्यु॑त् - वा॒सये᳚त् । पृ॒थि॒वीम् । शु॒चा । अ॒र्प॒ये॒त् । यत् । अ॒फ्स्वित्य॑प्- सु । अ॒पः । शु॒चा । अ॒र्प॒ये॒त् । शुष्क॑स्य । च॒ । आ॒र्द्रस्य॑ । च॒ । स॒न्धाविति॑ सं - धौ । उदिति॑ । वा॒स॒य॒ति॒ । उ॒भय॑स्य । शान्त्यै᳚ । यम् । द्वि॒ष्यात् । तम् । ध्या॒ये॒त् । शु॒चा । ए॒व । ए॒न॒म् । अ॒र्प॒य॒ति॒ ॥

दे॒वाः । वै । य॒ज्ञ्म् । आग्नी᳚द्ध्र॒ इत्याग्नि॑ - इ॒द्ध्रे॒ । वीति॑ । अ॒भ॒ज॒न्त॒ । ततः॑ । यत् । अ॒त्यशि॑ष्य॒तेत्य॑ति-अशि॑ष्यत । तत् । अ॒ब्रु॒व॒न्न् । वस॑तु । नु । नः॒ । इ॒दम् । इति॑ । तत् । व॒स॒ती॒वरी॑णाम् । व॒स॒ती॒व॒रि॒त्वमिति॑ वसतीवरि - त्वम् । तस्मिन्न्॑ । प्रा॒तः । न । समिति॑ । अ॒श॒क्नु॒व॒न्न् । तत् । अ॒फ्स्वित्य॑प् - सु । प्रेति॑ । अ॒वे॒श॒य॒न्न् । ताः । व॒स॒ती॒वरीः᳚ । अ॒भ॒व॒न्न् । व॒स॒ती॒वरीः᳚ । गृ॒ह्णा॒ति॒ । य॒ज्ञ्ः । वै । व॒स॒ती॒वरीः᳚ । य॒ज्ञ्म् । ए॒व । आ॒रभ्येत्या᳚ - रभ्य॑ । गृ॒ही॒त्वा । उपेति॑ । व॒स॒ति॒ । यस्य॑ । अगृ॑हीताः । अ॒भीति॑ । नि॒म्रोचे॒दिति॑ नि - म्रोचे᳚त् । अना॑रब्ध॒ इत्यना᳚ - र॒ब्धः॒ । अ॒स्य॒ । य॒ज्ञ्ः । स्या॒त् ।

य॒ज्ञ्म् । वीति॑ । छि॒न्द्या॒त् । ज्यो॒ति॒ष्या᳚ । वा॒ । गृ॒ह्णी॒यात् । हिर॑ण्यम् । वा॒ । अ॒व॒धायेत्य॑व - धाय॑ । सशु॑क्राणा॒मिति॒ स-शु॒क्रा॒णा॒म् । ए॒व । गृ॒ह्णा॒ति॒ । यः । वा॒ । ब्रा॒ह्म॒णः । ब॒हु॒या॒जीति॑ बहु - या॒जी । तस्य॑ । कुंभ्या॑नाम् । गृ॒ह्णी॒या॒त् । सः । हि । गृ॒ही॒तव॑सतीवरीक॒ इति॑ गृही॒त - व॒स॒ती॒व॒री॒कः॒ । व॒स॒ती॒वरीः᳚ । गृ॒ह्णा॒ति॒ । प॒शवः॑ । वै । व॒स॒ती॒वरीः᳚ । प॒शून् । ए॒व । आ॒रभ्येत्या᳚- रभ्य॑ । गृ॒ही॒त्वा । उपेति॑ । व॒स॒ति॒ । यत् । अ॒न्वी॒पम् । तिष्ठन्न्॑ । गृ॒ह्णी॒यात् । नि॒र्मार्गु॑का॒ इति॑ निः - मार्गु॑काः । अ॒स्मा॒त् । प॒शवः॑ । स्युः॒ । प्र॒ती॒पम् । तिष्ठन्न्॑ । गृ॒ह्णा॒ति॒ । प्र॒ति॒रुद्ध्येति॑ प्रति - रुद्ध्य॑ । ए॒व । अ॒स्मै॒ । प॒शून् । गृ॒ह्णा॒ति॒ । इन्द्रः॑ ।

वृ॒त्रम् । अ॒ह॒न्न् । सः । अ॒पः । अ॒भीति॑ । अ॒म्रि॒य॒त॒ । तासा᳚म् । यत् । मेद्ध्य᳚म् । य॒ज्ञिय᳚म् । सदे॑व॒मिति॒ स - दे॒व॒म् । आसी᳚त् । तत् । अतीति॑ । अ॒मु॒च्य॒त॒ । ताः । वह॑न्तीः । अ॒भ॒व॒न्न् । वह॑न्तीनाम् । गृ॒ह्णा॒ति॒ । याः । ए॒व । मेद्ध्याः᳚ । य॒ज्ञियाः᳚ । सदे॑वा॒ इति॒ स - दे॒वाः॒ । आपः॑ । तासा᳚म् । ए॒व । गृ॒ह्णा॒ति॒ । न । अ॒न्त॒माः । वह॑न्तीः । अतीति॑ । इ॒या॒त् । यत् । अ॒न्त॒माः । वह॑न्तीः । अ॒ती॒यादित्य॑ति-इ॒यात् । य॒ज्ञ्म् । अतीति॑ । म॒न्ये॒त॒ । न । स्था॒व॒राणा᳚म् । गृ॒ह्णी॒या॒त् । वरु॑णगृहीता॒ इति॒ वरु॑ण - गृ॒ही॒ताः॒ । वै । स्था॒व॒राः । यत् । स्था॒व॒राणा᳚म् । गृ॒ह्णी॒यात् ।

वरु॑णेन । अ॒स्य॒ । य॒ज्ञ्म् । ग्रा॒ह॒ये॒त् । यत् । वै । दिवा᳚ । भव॑ति । अ॒पः । रात्रिः॑ । प्रेति॑ । वि॒श॒ति॒ । तस्मा᳚त् । ता॒म्राः । आपः॑ । दिवा᳚ । द॒दृ॒श्रे॒ । यत् । नक्त᳚म् । भव॑ति । अ॒पः । अहः॑ । प्रेति॑ । वि॒श॒ति॒ । तस्मा᳚त् । च॒न्द्राः । आपः॑ । नक्त᳚म् । द॒दृ॒श्रे॒ । छा॒यायै᳚ । च॒ । आ॒तप॑त॒ इत्या᳚ - तप॑तः । च॒ । स॒न्धाविति॑ सं - धौ । गृ॒ह्णा॒ति॒ । अ॒हो॒रा॒त्रयो॒रित्य॑हः - रा॒त्रयोः᳚ । ए॒व । अ॒स्मै॒ । वर्ण᳚म् । गृ॒ह्णा॒ति॒ । ह॒विष्म॑तीः । इ॒माः । आपः॑ । इति॑ । आ॒ह॒ । ह॒विष्कृ॑ताना॒मिति॑ ह॒विः - कृ॒ता॒ना॒म् । ए॒व । गृ॒ह्णा॒ति॒ । ह॒विष्मान्॑ । अ॒स्तु॒ ।

सूर्यः॑ । इति॑ । आ॒ह॒ । सशु॑क्राणा॒मिति॒ स - शु॒क्रा॒णा॒म् । ए॒व । गृ॒ह्णा॒ति॒ । अ॒नु॒ष्टुभेत्य॑नु - स्तुभा᳚ । गृ॒ह्णा॒ति॒ । वाक् । वै । अ॒नु॒ष्टुगित्य॑नु - स्तुक् । वा॒चा । ए॒व । ए॒नाः॒ । सर्व॑या । गृ॒ह्णा॒ति॒ । चतु॑ष्पद॒येति॒ चतुः॑ - प॒द॒या॒ । ऋ॒चा । गृ॒ह्णा॒ति॒ । त्रिः । सा॒द॒य॒ति॒ । स॒प्त । समिति॑ । प॒द्य॒न्ते॒ । स॒प्तप॒देति॑ स॒प्त - प॒दा॒ । शक्व॑री । प॒शवः॑ । शक्व॑री । प॒शून् । ए॒व । अवेति॑ । रु॒न्धे॒ । अ॒स्मै । वै । लो॒काय॑ । गार्.ह॑पत्य॒ इति॒ गार्.ह॑ - प॒त्यः॒ । एति॑ । धी॒य॒ते॒ । अ॒मुष्मै᳚ । आ॒ह॒व॒नीय॒ इत्या᳚ - ह॒व॒नीयः॑ । यत् । गार्.ह॑पत्य॒ इति॒ गार्.ह॑ - प॒त्ये॒ । उ॒प॒सा॒दये॒दित्यु॑प - सा॒दये᳚त् । अ॒स्मिन्न् । लो॒के । प॒शु॒मानिति॑ पशु - मान् । स्या॒त् । यत् । आ॒ह॒व॒नीय॒ इत्या᳚ - ह॒व॒नीये᳚ । अ॒मुष्मिन्न्॑ ।

लो॒के । प॒शु॒मानिति॑ पशु - मान् । स्या॒त् । उ॒भयोः᳚ । उपेति॑ । सा॒द॒य॒ति॒ । उ॒भयोः᳚ । ए॒व । ए॒न॒म् । लो॒कयोः᳚ । प॒शु॒मन्त॒मिति॑ पशु - मन्त᳚म् । क॒रो॒ति॒ । स॒र्वतः॑ । परीति॑ । ह॒र॒ति॒ । रक्ष॑साम् । अप॑हत्या॒ इत्यप॑ - ह॒त्यै॒ । इ॒न्द्रा॒ग्नि॒योरिती᳚न्द्र - अ॒ग्नि॒योः । भा॒ग॒धेयी॒रिति॑ भाग - धेयीः᳚ । स्थ॒ । इति॑ । आ॒ह॒ । य॒था॒य॒जुरिति॑ यथा-य॒जुः । ए॒व । ए॒तत् । आग्नी᳚द्ध्र॒ इत्याग्नि॑ - इ॒द्ध्रे॒ । उपेति॑ । वा॒स॒य॒ति॒ । ए॒तत् । वै । य॒ज्ञ्स्य॑ । अप॑राजित॒मित्यप॑रा-जि॒त॒म् । यत् । आग्नी᳚द्ध्र॒मित्याग्नि॑ - इ॒द्ध्र॒म् । यत् । ए॒व । य॒ज्ञ्स्य॑ । अप॑राजित॒मित्यप॑रा - जि॒त॒म् । तत् । ए॒व । ए॒नाः॒ । उपेति॑ । वा॒स॒य॒ति॒ । यतः॑ । खलु॑ । वै । य॒ज्ञ्स्य॑ । वित॑त॒स्येति॒ वि - त॒त॒स्य॒ । न । क्रि॒यते᳚ ( ) । तत् । अन्विति॑ । य॒ज्ञ्म् । रक्षाꣳ॑सि । अवेति॑ । च॒र॒न्ति॒ । यत् । वह॑न्तीनाम् । गृ॒ह्णाति॑ । क्रि॒यमा॑णम् । ए॒व । तत् । य॒ज्ञ्स्य॑ । श॒ये॒ । रक्ष॑साम् । अन॑न्ववचारा॒येत्यन॑नु - अ॒व॒चा॒रा॒य॒ । न । हि । ए॒ताः । ई॒लय॑न्ति । एति॑ । तृ॒ती॒य॒स॒व॒नादिति॑ तृतीय - स॒व॒नात् । परीति॑ । शे॒रे॒ । य॒ज्ञ्स्य॑ । सन्त॑त्या॒ इति॒ सं - त॒त्यै॒ ॥

ब्र॒ह्म॒वा॒दिन॒ इति॑ ब्रह्म-वा॒दिनः॑ । व॒द॒न्ति॒ । सः । तु । वै । अ॒द्ध्व॒र्युः । स्या॒त् । यः । सोम᳚म् । उ॒पा॒व॒हर॒न्नित्यु॑प - अ॒व॒हरन्न्॑ । सर्वा᳚भ्यः । दे॒वता᳚भ्यः । उ॒पा॒व॒हरे॒दित्यु॑प - अ॒व॒हरे᳚त् । इति॑ । हृ॒दे । त्वा॒ । इति॑ । आ॒ह॒ । म॒नु॒ष्ये᳚भ्यः । ए॒व । ए॒तेन॑ । क॒रो॒ति॒ । मन॑से । त्वा॒ । इति॑ । आ॒ह॒ । पि॒तृभ्य॒ इति॑ पि॒तृ - भ्यः॒ । ए॒व । ए॒तेन॑ । क॒रो॒ति॒ । दि॒वे । त्वा॒ । सूर्या॑य । त्वा॒ । इति॑ । आ॒ह॒ । दे॒वेभ्यः॑ । ए॒व । ए॒तेन॑ । क॒रो॒ति॒ । ए॒ताव॑तीः । वै । दे॒वताः᳚ । ताभ्यः॑ । ए॒व । ए॒न॒म् । सर्वा᳚भ्यः । उ॒पाव॑हर॒तीत्यु॑प - अव॑हरति । पु॒रा । वा॒चः ।

प्रव॑दितो॒रिति॒ प्र - व॒दि॒तोः॒ । प्रा॒त॒र॒नु॒वा॒कमिति॑ प्रातः - अ॒नु॒वा॒कम् । उ॒पाक॑रो॒तीत्यु॑प-आक॑रोति । याव॑ती । ए॒व । वाक् । ताम् । अवेति॑ । रु॒न्धे॒ । अ॒पः । अग्रे᳚ । अ॒भि॒व्याह॑र॒तीत्य॑भि - व्याह॑रति । य॒ज्ञ्ः । वै । आपः॑ । य॒ज्ञ्म् । ए॒व । अ॒भीति॑ । वाच᳚म् । वीति॑ । सृ॒ज॒ति॒ । सर्वा॑णि । छन्दाꣳ॑सि । अन्विति॑ । आ॒ह॒ । प॒शवः॑ । वै । छन्दाꣳ॑सि । प॒शून् । ए॒व । अवेति॑ । रु॒न्धे॒ । गा॒य॒त्रि॒या । तेज॑स्काम॒स्येति॒ तेजः॑ - का॒म॒स्य॒ । परीति॑ । द॒द्ध्या॒त् । त्रि॒ष्टुभा᳚ । इ॒न्द्रि॒यका॑म॒स्येती᳚न्द्रि॒य - का॒म॒स्य॒ । जग॑त्या । प॒शुका॑म॒स्येति॑ प॒शु - का॒म॒स्य॒ । अ॒नु॒ष्टुभेत्य॑नु - स्तुभा᳚ । प्र॒ति॒ष्ठाका॑म॒स्येति॑ प्रति॒ष्ठा - का॒म॒स्य॒ । प॒ङ्क्त्या । य॒ज्ञ्का॑म॒स्येति॑ य॒ज्ञ् - का॒म॒स्य॒ । वि॒राजेति॑ वि - राजा᳚ । अन्न॑काम॒स्येत्यन्न॑ - का॒म॒स्य॒ । शृ॒णोतु॑ । अ॒ग्निः । स॒मिधेति॑ सं - इधा᳚ । हव᳚म् ।

मे॒ । इति॑ । आ॒ह॒ । स॒वि॒तृप्र॑सूत॒ इति॑ सवि॒तृ - प्र॒सू॒तः॒ । ए॒व । दे॒वता᳚भ्यः । नि॒वेद्येति॑ नि - वेद्य॑ । अ॒पः । अच्छ॑ । ए॒ति॒ । अ॒पः । इ॒ष्य॒ । हो॒तः॒ । इति॑ । आ॒ह॒ । इ॒षि॒तम् । हि । कर्म॑ । क्रि॒यते᳚ । मैत्रा॑वरुण॒स्येति॒ मैत्रा᳚-व॒रु॒ण॒स्य॒ । च॒म॒सा॒द्ध्व॒र्य॒विति॑ चमस-अ॒द्ध्व॒र्यो॒ । एति॑ । द्र॒व॒ । इति॑ । आ॒ह॒ । मि॒त्रावरु॑णा॒विति॑ मि॒त्रा - वरु॑णौ । वै । अ॒पाम् । ने॒तारौ᳚ । ताभ्या᳚म् । ए॒व । ए॒नाः॒ । अच्छ॑ । ए॒ति॒ । देवीः᳚ । आ॒पः॒ । अ॒पा॒म् । न॒पा॒त् । इति॑ । आ॒ह॒ । आह॒त्येत्या - हु॒त्या॒ । ए॒व । ए॒नाः॒ । नि॒ष्क्रीयेति॑ निः - क्रीय॑ । गृ॒ह्णा॒ति॒ । अथो॒ इति॑ । ह॒विष्कृ॑ताना॒मिति॑ ह॒विः - कृ॒ता॒ना॒म् । ए॒व । अ॒भिघृ॑ताना॒मित्य॒भि - घृ॒ता॒ना॒म् । गृ॒ह्णा॒ति॒ ।

कार्.षिः॑ । अ॒सि॒ । इति॑ । आ॒ह॒ । शम॑लम् । ए॒व । आ॒सा॒म् । अपेति॑ । प्ला॒व॒य॒ति॒ । स॒मु॒द्रस्य॑ । वः॒ । अक्षि॑त्यै । उदिति॑ । न॒ये॒ । इति॑ । आ॒ह॒ । तस्मा᳚त् । अ॒द्यमा॑नाः । पी॒यमा॑नाः । आपः॑ । न । क्षी॒य॒न्ते॒ । योनिः॑ । वै । य॒ज्ञ्स्य॑ । चात्वा॑लम् । य॒ज्ञ्ः । व॒स॒ती॒वरीः᳚ । हो॒तृ॒च॒म॒समिति॑ होतृ - च॒म॒सम् । च॒ । मै॒त्रा॒व॒रु॒ण॒च॒म॒समिति॑ मैत्रावरुण - च॒म॒सम् । च॒ । सꣳ॒॒स्पर्श्येति॑ सं - स्पर्श्य॑ । व॒स॒ती॒वरीः᳚ । व्यान॑य॒तीति॑ वि - आन॑यति । य॒ज्ञ्स्य॑ । स॒यो॒नि॒त्वायेति॑ सयोनि - त्वाय॑ । अथो॒ इति॑ । स्वात् । ए॒व । ए॒नाः॒ । योनेः᳚ । प्रेति॑ । ज॒न॒य॒ति॒ । अद्ध्व॑र्यो॒ इति॑ । अवेः᳚ । अ॒पा(3)ः । इति॑ । आ॒ह॒ । उ॒त ( ) । ई॒म् । अ॒न॒न्न॒मुः॒ । उ॒त । इ॒माः । प॒श्य॒ । इति॑ । वाव । ए॒तत् । आ॒ह॒ । यदि॑ । अ॒ग्नि॒ष्टो॒म इत्य॑ग्नि - स्तो॒मः । जु॒होति॑ । यदि॑ । उ॒क्थ्यः॑ । प॒रि॒धाविति॑ परि - धौ । नीति॑ । मा॒र्ष्टि॒ । यदि॑ । अ॒ति॒रा॒त्र इत्य॑ति - रा॒त्रः । यजुः॑ । वदन्न्॑ । प्रेति॑ । प॒द्य॒ते॒ । य॒ज्ञ्॒क्र॒तू॒नामिति॑ यज्ञ् - क्र॒तू॒नाम् । व्यावृ॑त्त्या॒ इति॑ वि - आवृ॑त्त्यै ॥

दे॒वस्य॑ । त्वा॒ । स॒वि॒तुः । प्र॒स॒व इति॑ प्र - स॒वे । इति॑ । ग्रावा॑णम् । एति॑ । द॒त्ते॒ । प्रसू᳚त्या॒ इति॒ प्र - सू॒त्यै॒ । अ॒श्विनोः᳚ । बा॒हुभ्या॒मिति॑ बा॒हु-भ्या॒म् । इति॑ । आ॒ह॒ । अ॒श्विनौ᳚ । हि । दे॒वाना᳚म् । अ॒द्ध्व॒र्यू इति॑ । आस्ता᳚म् । पू॒ष्णः । हस्ता᳚भ्याम् । इति॑ । आ॒ह॒ । यत्यै᳚ । प॒शवः॑ । वै । सोमः॑ । व्या॒न इति॑ वि - अ॒नः । उ॒पाꣳ॒॒शु॒सव॑न॒ इत्यु॑पाꣳशु - सव॑नः । यत् । उ॒पाꣳ॒॒शु॒सव॑न॒मित्यु॑पाꣳशु - सव॑नम् । अ॒भीति॑ । मिमी॑ते । व्या॒नमिति॑ वि - अ॒नम् । ए॒व । प॒शुषु॑ । द॒धा॒ति॒ । इन्द्रा॑य । त्वा॒ । इन्द्रा॑य । त्वा॒ । इति॑ । मि॒मी॒ते॒ । इन्द्रा॑य । हि । सोमः॑ । आ॒ह्रि॒यत॒ इत्या᳚ - ह्रि॒यते᳚ । पञ्च॑ । कृत्वः॑ । यजु॑षा । मि॒मी॒ते॒ ।

पञ्चा᳚क्ष॒रेति॒ पञ्च॑-अ॒क्ष॒रा॒ । प॒ङ्क्तिः । पाङ्क्तः॑ । य॒ज्ञ्ः । य॒ज्ञ्म् । ए॒व । अवेति॑ । रु॒न्धे॒ । पञ्च॑ । कृत्वः॑ । तू॒ष्णीम् । दश॑ । समिति॑ । प॒द्य॒न्ते॒ । दशा᳚क्ष॒रेति॒ दश॑ - अ॒क्ष॒रा॒ । वि॒राडिति॑ वि - राट् । अन्न᳚म् । वि॒राडिति॑ वि - राट् । वि॒राजेति॑ वि - राजा᳚ । ए॒व । अ॒न्नाद्य॒मित्य॑न्न -अद्य᳚म् । अवेति॑ । रु॒न्धे॒ । श्वा॒त्राः । स्थ॒ । वृ॒त्र॒तुर॒ इति॑ वृत्र - तुरः॑ । इति॑ । आ॒ह॒ । ए॒षः । वै । अ॒पाम् । सो॒म॒पी॒थ इति॑ सोम - पी॒थः । यः । ए॒वम् । वेद॑ । न । अ॒फ्स्वित्य॑प् - सु । आर्ति᳚म् । एति॑ । ऋ॒च्छ॒ति॒ । यत् । ते॒ । सो॒म॒ । दि॒वि । ज्योतिः॑ । इति॑ । आ॒ह॒ । ए॒भ्यः । ए॒व । ए॒न॒म् ।

लो॒केभ्यः॑ । समिति॑ । भ॒र॒ति॒ । सोमः॑ । वै । राजा᳚ । दिशः॑ । अ॒भीति॑ । अ॒द्ध्या॒य॒त् । सः । दिशः॑ । अनु॑ । प्रेति॑ । अ॒वि॒श॒त् । प्राक् । अपा᳚क् । उद॑क् । अ॒ध॒राक् । इति॑ । आ॒ह॒ । दि॒ग्भ्य इति॑ दिक् - भ्यः । ए॒व । ए॒न॒म् । समिति॑ । भ॒र॒ति॒ । अथो॒ इति॑ । दिशः॑ । ए॒व । अ॒स्मै॒ । अवेति॑ । रु॒न्धे॒ । अम्ब॑ । नीति॑ । स्व॒र॒ । इति॑ । आ॒ह॒ । कामु॑काः । ए॒न॒म् । स्त्रियः॑ । भ॒व॒न्ति॒ । यः । ए॒वम् । वेद॑ । यत् । ते॒ । सो॒म॒ । अदा᳚भ्यम् । नाम॑ । जागृ॑वि । इति॑ ।

आ॒ह॒ । ए॒षः । वै । सोम॑स्य । सो॒म॒पी॒थ इति॑ सोम - पी॒थः । यः । ए॒वम् । वेद॑ । न । सौ॒म्याम् । आर्ति᳚म् । एति॑ । ऋ॒च्छ॒ति॒ । घ्नन्ति॑ । वै । ए॒तत् । सोम᳚म् । यत् । अ॒भि॒षु॒ण्वन्तीत्य॑भि - सु॒न्वन्ति॑ । अꣳ॒॒शून् । अपेति॑ । गृ॒ह्णा॒ति॒ । त्राय॑ते । ए॒व । ए॒न॒म् । प्रा॒णा इति॑ प्र - अ॒नाः । वै । अꣳ॒॒शवः॑ । प॒शवः॑ । सोमः॑ । अꣳ॒॒शून् । पुनः॑ । अपीति॑ । सृ॒ज॒ति॒ । प्रा॒णानिति॑ प्र - अ॒नान् । ए॒व । प॒शुषु॑ । द॒धा॒ति॒ । द्वौद्वा॒विति॒ द्वौ - द्वौ॒ । अपीति॑ । सृ॒ज॒ति॒ । तस्मा᳚त् । द्वौद्वा॒विति॒ द्वौ - द्वौ॒ । प्रा॒णा इति॑ प्र - अ॒नाः ॥

प्रा॒ण इति॑ प्र - अ॒नः । वै । ए॒षः । यत् । उ॒पाꣳ॒॒शुरित्यु॑प-अ॒शुः । यत् । उ॒पाꣳ॒॒श्व॑ग्रा॒ इत्यु॑पाꣳ॒॒शु - अ॒ग्राः॒ । ग्रहाः᳚ । गृ॒ह्यन्ते᳚ । प्रा॒णमिति॑ प्र - अ॒नम् । ए॒व । अनु॑ । प्रेति॑ । य॒न्ति॒ । अ॒रु॒णः । ह॒ । स्म॒ । आ॒ह॒ । औप॑वेशि॒रित्यौप॑ - वे॒शिः॒ । प्रा॒त॒स्स॒व॒न इति॑ प्रातः-स॒व॒ने । ए॒व । अ॒हम् । य॒ज्ञ्म् । समिति॑ । स्था॒प॒या॒मि॒ । तेन॑ । ततः॑ । सꣳस्थि॑ते॒नेति॒ सं-स्थि॒ते॒न॒ । च॒रा॒मि॒ । इति॑ । अ॒ष्टौ । कृत्वः॑ । अग्रे᳚ । अ॒भीति॑ । सु॒नो॒ति॒ । अ॒ष्टाक्ष॒रेत्य॒ष्टा - अ॒क्ष॒रा॒ । गा॒य॒त्री । गा॒य॒त्रम् । प्रा॒त॒स्स॒व॒नमिति॑ प्रातः - स॒व॒नम् । प्रा॒त॒स्स॒व॒नमिति॑ प्रातः - स॒व॒नम् । ए॒व । तेन॑ । आ॒प्नो॒ति॒ । एका॑दश । कृत्वः॑ । द्वि॒तीय᳚म् । एका॑दशाक्ष॒रेत्येका॑दश-अ॒क्ष॒रा॒ । त्रि॒ष्टुप् । त्रैष्टु॑भम् । माद्ध्य॑न्दिनम् ।

सव॑नम् । माद्ध्य॑न्दिनम् । ए॒व । सव॑नम् । तेन॑ । आ॒प्नो॒ति॒ । द्वाद॑श । कृत्वः॑ । तृ॒तीय᳚म् । द्वाद॑शाक्ष॒रेति॒ द्वाद॑श - अ॒क्ष॒रा॒ । जग॑ती । जाग॑तम् । तृ॒ती॒य॒स॒व॒नमिति॑ तृतीय - स॒व॒नम् । तृ॒ती॒य॒स॒व॒नमिति॑ तृतीय-स॒व॒नम् । ए॒व । तेन॑ । आ॒प्नो॒ति॒ । ए॒ताम् । ह॒ । वाव । सः । य॒ज्ञ्स्य॑ । सꣳस्थि॑ति॒मिति॒ सं - स्थि॒ति॒म् । उ॒वा॒च॒ । अस्क॑न्दाय । अस्क॑न्नम् । हि । तत् । यत् । य॒ज्ञ्स्य॑ । सꣳस्थि॑त॒स्येति॒ सं - स्थि॒त॒स्य॒ । स्कन्द॑ति । अथो॒ इति॑ । खलु॑ । आ॒हुः॒ । गा॒य॒त्री । वाव । प्रा॒त॒स्स॒व॒न इति॑ प्रातः - स॒व॒ने । न । अ॒ति॒वाद॒ इत्य॑ति - वादे᳚ । इति॑ । अन॑तिवादुक॒ इत्यन॑ति - वा॒दु॒कः॒ । ए॒न॒म् । भ्रातृ॑व्यः । भ॒व॒ति॒ । यः । ए॒वम् । वेद॑ । तस्मा᳚त् । अ॒ष्टाव॑ष्टा॒वित्य॒ष्टौ - अ॒ष्टौ॒ ।

कृत्वः॑ । अ॒भि॒षुत्य॒मित्य॑भि-सुत्य᳚म् । ब्र॒ह्म॒वा॒दिन॒ इति॑ ब्रह्म-वा॒दिनः॑ । व॒द॒न्ति॒ । प॒वित्र॑वन्त॒ इति॑ प॒वित्र॑ - व॒न्तः॒ । अ॒न्ये । ग्रहाः᳚ । गृ॒ह्यन्ते᳚ । किम्प॑वित्र॒ इति॒ किम् - प॒वि॒त्रः॒ । उ॒पाꣳ॒॒शुरित्यु॑प - अꣳ॒॒शुः । इति॑ । वाक्प॑वित्र॒ इति॒ वाक्-प॒वि॒त्र॒ ः । इति॑ । ब्रू॒या॒त् । वा॒चः । पत॑ये । प॒व॒स्व॒ । वा॒जि॒न्न् । इति॑ । आ॒ह॒ । वा॒चा । ए॒व । ए॒न॒म् । प॒व॒य॒ति॒ । वृषः॑ । अꣳ॒॒शुभ्या॒मित्यꣳ॒॒शु - भ्या॒म् । इति॑ । आ॒ह॒ । वृष्णः॑ । हि । ए॒तौ । अꣳ॒॒शू इति॑ । यौ । सोम॑स्य । गभ॑स्तिपूत॒ इति॒ गभ॑स्ति - पू॒तः॒ । इति॑ । आ॒ह॒ । गभ॑स्तिना । हि । ए॒न॒म् । प॒वय॑ति । दे॒वः । दे॒वाना᳚म् । प॒वित्र᳚म् । अ॒सि॒ । इति॑ । आ॒ह॒ । दे॒वः । हि । ए॒षः ।

सन्न् । दे॒वाना᳚म् । प॒वित्र᳚म् । येषा᳚म् । भा॒गः । असि॑ । तेभ्यः॑ । त्वा॒ । इति॑ । आ॒ह॒ । येषा᳚म् । हि । ए॒षः । भा॒गः । तेभ्यः॑ । ए॒न॒म् । गृ॒ह्णाति॑ । स्वाङ्कृ॑तः । अ॒सि॒ । इति॑ । आ॒ह॒ । प्रा॒णमिति॑ प्र - अ॒नम् । ए॒व । स्वम् । अ॒कृ॒त॒ । मधु॑मती॒रिति॒ मधु॑ - म॒तीः॒ । नः॒ । इषः॑ । कृ॒धि॒ । इति॑ । आ॒ह॒ । सर्व᳚म् । ए॒व । अ॒स्मै॒ । इ॒दम् । स्व॒द॒य॒ति॒ । विश्वे᳚भ्यः । त्वा॒ । इ॒न्द्रि॒येभ्यः॑ । दि॒व्येभ्यः॑ । पार्थि॑वेभ्यः । इति॑ । आ॒ह॒ । उ॒भये॑षु । ए॒व । दे॒व॒म॒नु॒ष्येष्विति॑ देव - म॒नु॒ष्येषु॑ । प्रा॒णानिति॑ प्र - अ॒नान् । द॒धा॒ति॒ । मनः॑ । त्वा॒ ।

अ॒ष्टु॒ । इति॑ । आ॒ह॒ । मनः॑ । ए॒व । आ॒श्नु॒ते॒ । उ॒रु । अ॒न्तरि॑क्षम् । अन्विति॑ । इ॒हि॒ । इति॑ । आ॒ह॒ । अ॒न्त॒रि॒क्ष॒दे॒व॒त्य॑ इत्य॑न्तरिक्ष-दे॒व॒त्यः॑ । हि । प्रा॒ण इति॑ प्र - अ॒नः । स्वाहा᳚ । त्वा॒ । सु॒भ॒व॒ इति॑ सु - भ॒वः॒ । सूर्या॑य । इति॑ । आ॒ह॒ । प्रा॒णा इति॑ प्र - अ॒नाः । वै । स्वभ॑वस॒ इति॒ स्व - भ॒व॒सः॒ । दे॒वाः । तेषु॑ । ए॒व । प॒रोक्ष॒मिति॑ परः - अक्ष᳚म् । जु॒हो॒ति॒ । दे॒वेभ्यः॑ । त्वा॒ । म॒री॒चि॒पेभ्य॒ इति॑ मरीचि - पेभ्यः॑ । इति॑ । आ॒ह॒ । आ॒दि॒त्यस्य॑ । वै । र॒श्मयः॑ । दे॒वाः । म॒री॒चि॒पा इति॑ मरीचि-पाः । तेषा᳚म् । तत् । भा॒ग॒धेय॒मिति॑ भाग-धेय᳚म् । तान् । ए॒व । तेन॑ । प्री॒णा॒ति॒ । यदि॑ । का॒मये॑त । वर्.षु॑कः । प॒र्जन्यः॑ ।

स्या॒त् । इति॑ । नीचा᳚ । हस्ते॑न । नीति॑ । मृ॒ज्या॒त् । वृष्टि᳚म् । ए॒व । नीति॑ । य॒च्छ॒ति॒ । यदि॑ । का॒मये॑त । अव॑र्.षुकः । स्या॒त् । इति॑ । उ॒त्ता॒नेनेत्यु॑त् - ता॒नेन॑ । नीति॑ । मृ॒ज्या॒त् । वृष्टि᳚म् । ए॒व । उदिति॑ । य॒च्छ॒ति॒ । यदि॑ । अ॒भि॒चरे॒दित्य॑भि - चरे᳚त् । अ॒मुम् । ज॒हि॒ । अथ॑ । त्वा॒ । हो॒ष्या॒मि॒ । इति॑ । ब्रू॒या॒त् । आहु॑ति॒मित्या - हु॒ति॒म् । ए॒व । ए॒न॒म् । प्रे॒फ्सन्निति॑ प्र-ई॒फ्सन्न् । ह॒न्ति॒ । यदि॑ । दू॒रे । स्यात् । एति॑ । तमि॑तोः । ति॒ष्ठे॒त् । प्रा॒णमिति॑ प्र - अ॒नम् । ए॒व । अ॒स्य॒ । अ॒नु॒गत्येत्य॑नु - गत्य॑ । ह॒न्ति॒ । यदि॑ । अ॒भि॒चरे॒दित्य॑भि - चरे᳚त् । अ॒मुष्य॑ ।

त्वा॒ । प्रा॒ण इति॑ प्र - अ॒ने । सा॒द॒या॒मि॒ । इति॑ । सा॒द॒ये॒त् । अस॑न्नः । वै । प्रा॒ण इति॑ प्र - अ॒नः । प्रा॒णमिति॑ प्र - अ॒नम् । ए॒व । अ॒स्य॒ । सा॒द॒य॒ति॒ । ष॒ड्भिरिति॑ षट् - भिः । अꣳ॒॒शुभि॒रित्यꣳ॒॒शु - भिः॒ । प॒व॒य॒ति॒ । षट् । वै । ऋ॒तवः॑ । ऋ॒तुभि॒रित्यृ॒तु - भिः॒ । ए॒व । ए॒न॒म् । प॒व॒य॒ति॒ । त्रिः । प॒व॒य॒ति॒ । त्रयः॑ । इ॒मे । लो॒काः । ए॒भिः । ए॒व । ए॒न॒म् । लो॒कैः । प॒व॒य॒ति॒ । ब्र॒ह्म॒वा॒दिन॒ इति॑ ब्रह्म-वा॒दिनः॑ । व॒द॒न्ति॒ । कस्मा᳚त् । स॒त्यात् । त्रयः॑ । प॒शू॒नाम् । हस्ता॑दाना॒ इति॒ हस्त॑ -आ॒दा॒नाः॒ । इति॑ । यत् । त्रिः । उ॒पाꣳ॒॒शुमित्यु॑प - अꣳ॒॒शुम् । हस्ते॑न । वि॒गृ॒ह्णातीति॑ वि - गृ॒ह्णाति॑ । तस्मा᳚त् । त्रयः॑ । प॒शू॒नाम् । हस्ता॑दाना॒ इति॒ हस्त॑ - आ॒दा॒नाः॒ । पुरु॑षः ( ) । ह॒स्ती । म॒र्कटः॑ ॥

दे॒वाः । वै । यत् । य॒ज्ञे । अकु॑र्वत । तत् । असु॑राः । अ॒कु॒र्व॒त॒ । ते । दे॒वाः । उ॒पाꣳ॒॒शावित्यु॑प - अꣳ॒॒शौ । य॒ज्ञ्म् । सꣳ॒॒स्थाप्य॒मिति॑ सं - स्थाप्य᳚म् । अ॒प॒श्य॒न्न् । तम् । उ॒पाꣳ॒॒शावित्यु॑प - अꣳ॒॒शौ । समिति॑ । अ॒स्था॒प॒य॒न्न् । ते । असु॑राः । वज्र᳚म् । उ॒द्यत्येत्यु॑त् - यत्य॑ । दे॒वान् । अ॒भीति॑ । आ॒य॒न्त॒ । ते । दे॒वाः । बिभ्य॑तः । इन्द्र᳚म् । उपेति॑ । अ॒धा॒व॒न्न् । तान् । इन्द्रः॑ । अ॒न्त॒र्या॒मेणेत्य॑न्तः - या॒मेन॑ । अ॒न्तः । अ॒ध॒त्त॒ । तत् । अ॒न्त॒र्या॒मस्येत्य॑न्तः - या॒मस्य॑ । अ॒न्त॒र्या॒म॒त्वमित्य॑न्तर्याम - त्वम् । यत् । अ॒न्त॒र्या॒म इत्य॑न्तः-या॒मः । गृ॒ह्यते᳚ । भ्रातृ॑व्यान् । ए॒व । तत् । यज॑मानः । अ॒न्तः । ध॒त्ते॒ । अ॒न्तः । ते॒ ।

द॒धा॒मि॒ । द्यावा॑पृथि॒वी इति॒ द्यावा᳚ - पृ॒थि॒वी । अ॒न्तः । उ॒रु । अ॒न्तरि॑क्षम् । इति॑ । आ॒ह॒ । ए॒भिः । ए॒व । लो॒कैः । यज॑मानः । भ्रातृ॑व्यान् । अ॒न्तः । ध॒त्ते॒ । ते । दे॒वाः । अ॒म॒न्य॒न्त॒ । इन्द्रः॑ । वै । इ॒दम् । अ॒भू॒त् । यत् । व॒यम् । स्मः । इति॑ । ते । अ॒ब्रु॒व॒न्न् । मघ॑व॒न्निति॒ मघ॑ - व॒न्न् । अन्विति॑ । नः॒ । एति॑ । भ॒ज॒ । इति॑ । स॒जोषा॒ इति॑ स - जोषाः᳚ । दे॒वैः । अव॑रैः । परैः᳚ । च॒ । इति॑ । अ॒ब्र॒वी॒त् । ये । च॒ । ए॒व । दे॒वाः । परे᳚ । ये । च॒ । अव॑रे । तान् । उ॒भयान्॑ ।

अ॒न्वाभ॑ज॒दित्य॑नु - आभ॑जत् । स॒जोषा॒ इति॑ स - जोषाः᳚ । दे॒वैः । अव॑रैः । परैः᳚ । च॒ । इति॑ । आ॒ह॒ । ये । च॒ । ए॒व । दे॒वाः । परे᳚ । ये । च॒ । अव॑रे । तान् । उ॒भयान्॑ । अ॒न्वाभ॑ज॒तीत्य॑नु- आभ॑जति । अ॒न्त॒र्या॒म इत्य॑न्तः - या॒मे । म॒घ॒व॒न्निति॑ मघ - व॒न्न् । मा॒द॒य॒स्व॒ । इति॑ । आ॒ह॒ । य॒ज्ञात् । ए॒व । यज॑मानम् । न । अ॒न्तः । ए॒ति॒ । उ॒प॒या॒मगृ॑हीत॒ इत्यु॑पया॒म-गृ॒ही॒तः॒ । अ॒सि॒ । इति॑ । आ॒ह॒ । अ॒पा॒नस्येत्य॑प - अ॒नस्य॑ । धृत्यै᳚ । यत् । उ॒भौ । अ॒प॒वि॒त्रौ । गृ॒ह्येया॑ताम् । प्रा॒णमिति॑ प्र-अ॒नम् । अ॒पा॒न इत्य॑प - अ॒नः । अनु॑ । नीति॑ । ऋ॒च्छे॒त् । प्र॒मायु॑क॒ इति॑ प्र-मायु॑कः । स्या॒त् । प॒वित्र॑वा॒निति॑ प॒वित्र॑ - वा॒न् । अ॒न्त॒र्या॒म इत्य॑न्तः - या॒मः । गृ॒ह्य॒ते॒ ।

प्रा॒णा॒पा॒नयो॒रिति॑ प्राण - अ॒पा॒नयोः᳚ । विधृ॑त्या॒ इति॒ वि - धृ॒त्यै॒ । प्रा॒णा॒पा॒नाविति॑ प्राण - अ॒पा॒नौ । वै । ए॒तौ । यत् । उ॒पाꣳ॒॒श्व॒न्त॒र्या॒मावित्यु॑पाꣳशु - अ॒न्त॒र्या॒मौ । व्या॒न इति॑ वि - अ॒नः । उ॒पाꣳ॒॒शु॒सव॑न॒ इत्यु॑पाꣳशु - सव॑नः । यम् । का॒मये॑त । प्र॒मायु॑क॒ इति॑ प्र - मायु॑कः । स्या॒त् । इति॑ । असꣳ॑स्पृष्टा॒वित्यसं᳚ - स्पृ॒ष्टौ॒ । तस्य॑ । सा॒द॒ये॒त् । व्या॒नेनेति॑ वि - अ॒नेन॑ । ए॒व । अ॒स्य॒ । प्रा॒णा॒पा॒नाविति॑ प्राण - अ॒पा॒नौ । वीति॑ । छि॒न॒त्ति॒ । ता॒जक् । प्रेति॑ । मी॒य॒ते॒ । यम् । का॒मये॑त । सर्व᳚म् । आयुः॑ । इ॒या॒त् । इति॑ । सꣳस्पृ॑ष्टा॒विति॒ सं-स्पृ॒ष्टौ॒ । तस्य॑ । सा॒द॒ये॒त् । व्या॒नेनेति॑ वि-अ॒नेन॑ । ए॒व । अ॒स्य॒ । प्रा॒णा॒पा॒नाविति॑ प्राण - अ॒पा॒नौ । समिति॑ । त॒नो॒ति॒ । सर्व᳚म् । आयुः॑ । ए॒ति॒ ॥

वाक् । वै । ए॒षा । यत् । ऐ॒न्द्र॒वा॒य॒व इत्यै᳚न्द्र - वा॒य॒वः । यत् । ऐ॒न्द्र॒वा॒य॒वाग्रा॒ इत्यै᳚न्द्रवाय॒व - अ॒ग्राः॒ । ग्रहाः᳚ । गृ॒ह्यन्ते᳚ । वाच᳚म् । ए॒व । अनु॑ । प्रेति॑ । य॒न्ति॒ । वा॒युम् । दे॒वाः । अ॒ब्रु॒व॒न्न् । सोम᳚म् । राजा॑नम् । ह॒ना॒म॒ । इति॑ । सः । अ॒ब्र॒वी॒त् । वर᳚म् । वृ॒णै॒ । मद॑ग्रा॒ इति॒ मत् - अ॒ग्राः॒ । ए॒व । वः॒ । ग्रहाः᳚ । गृ॒ह्या॒न्तै॒ । इति॑ । तस्मा᳚त् । ऐ॒न्द्र॒वा॒य॒वाग्रा॒ इत्यै᳚न्द्रवाय॒व - अ॒ग्राः॒ । ग्रहाः᳚ । गृ॒ह्य॒न्ते॒ । तम् । अ॒घ्न॒न्न् । सः । अ॒पू॒य॒त् । तम् । दे॒वाः । न । उपेति॑ । अ॒धृ॒ष्णु॒व॒न्न् । ते । वा॒युम् । अ॒ब्रु॒व॒न्न् । इ॒मम् । नः॒ । स्व॒द॒य॒ ।

इति॑ । सः । अ॒ब्र॒वी॒त् । वर᳚म् । वृ॒णै॒ । म॒द्दे॒व॒त्या॑नीति॑ मत्-दे॒व॒त्या॑नि । ए॒व । वः॒ । पात्रा॑णि । उ॒च्या॒न्तै॒ । इति॑ । तस्मा᳚त् । ना॒ना॒दे॒व॒त्या॑नीति॑ नाना - दे॒व॒त्या॑नि । सन्ति॑ । वा॒य॒व्या॑नि । उ॒च्य॒न्ते॒ । तम् । ए॒भ्यः॒ । वा॒युः । ए॒व । अ॒स्व॒द॒य॒त् । तस्मा᳚त् । यत् । पूय॑ति । तत् । प्र॒वा॒त इति॑ प्र - वा॒ते । वीति॑ । स॒ज॒न्ति॒ । वा॒युः । हि । तस्य॑ । प॒व॒यि॒ता । स्व॒द॒यि॒ता । तस्य॑ । वि॒ग्रह॑ण॒मिति॑ वि - ग्रह॑णम् । न । अ॒वि॒न्द॒न्न् । सा । अदि॑तिः । अ॒ब्र॒वी॒त् । वर᳚म् । वृ॒णै॒ । अथ॑ । मया᳚ । वीति॑ । गृ॒ह्णी॒द्ध्व॒म् । म॒द्दे॒व॒त्या॑ इति॑ मत् - दे॒व॒त्याः᳚ । ए॒व । वः॒ । सोमाः᳚ ।

स॒न्नाः । अ॒स॒न्न् । इति॑ । उ॒प॒या॒मगृ॑हीत॒ इत्यु॑पया॒म-गृ॒ही॒तः॒ । अ॒सि॒ । इति॑ । आ॒ह॒ । अ॒दि॒ति॒दे॒व॒त्या॑ इत्य॑दिति - दे॒व॒त्याः᳚ । तेन॑ । यानि॑ । हि । दा॒रु॒मया॒णीति॑ दारु-मया॑नि । पात्रा॑णि । अ॒स्यै । तानि॑ । योनेः᳚ । संभू॑ता॒नीति॒ सं - भू॒ता॒नि॒ । यानि॑ । मृ॒न्मया॒नीति॑ मृत् - मया॑नि । सा॒क्षादिति॑ स - अ॒क्षात् । तानि॑ । अ॒स्यै । तस्मा᳚त् । ए॒वम् । आ॒ह॒ । वाक् । वै । परा॑ची । अव्या॑कृ॒तेत्यवि॑ - आ॒कृ॒ता॒ । अ॒व॒द॒त् । ते । दे॒वाः । इन्द्र᳚म् । अ॒ब्रु॒व॒न्न् । इ॒माम् । नः॒ । वाच᳚म् । व्याकु॒र्विति॑ वि - आकु॑रु । इति॑ । सः । अ॒ब्र॒वी॒त् । वर᳚म् । वृ॒णै॒ । मह्य᳚म् । च॒ । ए॒व । ए॒षः । वा॒यवे᳚ । च॒ । स॒ह ( ) । गृ॒ह्या॒तै॒ । इति॑ । तस्मा᳚त् । ऐ॒न्द्र॒वा॒य॒व इत्यै᳚न्द्र - वा॒य॒वः । स॒ह । गृ॒ह्य॒ते॒ । ताम् । इन्द्रः॑ । म॒द्ध्य॒तः । अ॒व॒क्रम्येत्य॑व - क्रम्य॑ । व्याक॑रो॒दिति॑ वि - आक॑रोत् । तस्मा᳚त् । इ॒यम् । व्याकृ॒तेति॑ वि-आकृ॑ता । वाक् । उ॒द्य॒ते॒ । तस्मा᳚त् । स॒कृत् । इन्द्रा॑य । म॒द्ध्य॒तः । गृ॒ह्य॒ते॒ । द्विः । वा॒यवे᳚ । द्वौ । हि । सः । वरौ᳚ । अवृ॑णीत ॥

मि॒त्रम् । दे॒वाः । अ॒ब्रु॒व॒न्न् । सोम᳚म् । राजा॑नम् । ह॒ना॒म॒ । इति॑ । सः । अ॒ब्र॒वी॒त् । न । अ॒हम् । सर्व॑स्य । वै । अ॒हम् । मि॒त्रम् । अ॒स्मि॒ । इति॑ । तम् । अ॒ब्रु॒व॒न्न् । हना॑म । ए॒व । इति॑ । सः । अ॒ब्र॒वी॒त् । वर᳚म् । वृ॒णै॒ । पय॑सा । ए॒व । मे॒ । सोम᳚म् । श्री॒ण॒न्न् । इति॑ । तस्मा᳚त् । मै॒त्रा॒व॒रु॒णमिति॑ मैत्रा - व॒रु॒णम् । पय॑सा । श्री॒ण॒न्ति॒ । तस्मा᳚त् । प॒शवः॑ । अपेति॑ । अ॒क्रा॒म॒न्न् । मि॒त्रः । सन्न् । क्रू॒रम् । अ॒कः॒ । इति॑ । क्रू॒रम् । इ॒व॒ । खलु॑ । वै । ए॒षः ।

क॒रो॒ति॒ । यः । सोमे॑न । यज॑ते । तस्मा᳚त् । प॒शवः॑ । अपेति॑ । क्रा॒म॒न्ति॒ । यत् । मै॒त्रा॒व॒रु॒णमिति॑ मैत्रा-व॒रु॒णम् । पय॑सा । श्री॒णाति॑ । प॒शुभि॒रिति॑ प॒शु - भिः॒ । ए॒व । तत् । मि॒त्रम् । स॒म॒द्‌र्धय॒तीति॑ सं - अ॒द्‌र्धय॑ति । प॒शुभि॒रिति॑ प॒शु - भिः॒ । यज॑मानम् । पु॒रा । खलु॑ । वाव । ए॒वम् । मि॒त्रः । अ॒वे॒त् । अपेति॑ । मत् । क्रू॒रम् । च॒क्रुषः॑ । प॒शवः॑ । क्र॒मि॒ष्य॒न्ति॒ । इति॑ । तस्मा᳚त् । ए॒वम् । अ॒वृ॒णी॒त॒ । वरु॑णम् । दे॒वाः । अ॒ब्रु॒व॒न्न् । त्वया᳚ । अꣳ॒॒श॒भुवेत्यꣳ॑श - भुवा᳚ । सोम᳚म् । राजा॑नम् । ह॒ना॒म॒ । इति॑ । सः । अ॒ब्र॒वी॒त् । वर᳚म् । वृ॒णै॒ । मह्य᳚म् । च॒ ।

ए॒व । ए॒षः । मि॒त्राय॑ । च॒ । स॒ह । गृ॒ह्या॒तै॒ । इति॑ । तस्मा᳚त् । मै॒त्रा॒व॒रु॒ण इति॑ मैत्रा - व॒रु॒णः । स॒ह । गृ॒ह्य॒ते॒ । तस्मा᳚त् । राज्ञा᳚ । राजा॑नम् । अꣳ॒॒श॒भुवेत्यꣳ॑श - भुवा᳚ । घ्न॒न्ति॒ । वैश्ये॑न । वैश्य᳚म् । शू॒द्रेण॑ । शू॒द्रम् । न । वै । इ॒दम् । दिवा᳚ । न । नक्त᳚म् । आ॒सी॒त् । अव्या॑वृत्त॒मित्यवि॑ - आ॒वृ॒त्त॒म् । ते । दे॒वाः । मि॒त्रावरु॑णा॒विति॑ मि॒त्रा - वरु॑णौ । अ॒ब्रु॒व॒न्न् । इ॒दम् । नः॒ । वीति॑ । वा॒स॒य॒त॒म् । इति॑ । तौ । अ॒ब्रू॒ता॒म् । वर᳚म् । वृ॒णा॒व॒है॒ । एकः॑ । ए॒व । आ॒वत् । पूर्वः॑ । ग्रहः॑ । गृ॒ह्या॒तै॒ । इति॑ । तस्मा᳚त् । ऐ॒न्द्र॒वा॒य॒व इत्यै᳚न्द्र - वा॒य॒वः ( ) । पूर्वः॑ । मै॒त्रा॒व॒रु॒णादिति॑ मैत्रा - व॒रु॒णात् । गृ॒ह्य॒ते॒ । प्रा॒णा॒पा॒नाविति॑ प्राण - अ॒पा॒नौ । हि । ए॒तौ । यत् । उ॒पाꣳ॒॒श्व॒न्त॒र्या॒मावित्यु॑पाꣳशु-अ॒न्त॒र्या॒मौ । मि॒त्रः । अहः॑ । अज॑नयत् । वरु॑णः । रात्रि᳚म् । ततः॑ । वै । इ॒दम् । वीति॑ । औ॒च्छ॒त् । यत् । मै॒त्रा॒व॒रु॒ण इति॑ मैत्रा-व॒रु॒णः । गृ॒ह्यते᳚ । व्यु॑ष्ट्या॒ इति॒ वि - उ॒ष्ट्यै॒ ॥

य॒ज्ञ्स्य॑ । शिरः॑ । अ॒च्छि॒द्य॒त॒ । ते । दे॒वाः । अ॒श्विनौ᳚ । अ॒ब्रु॒व॒न्न् । भि॒षजौ᳚ । वै । स्थः॒ । इ॒दम् । य॒ज्ञ्स्य॑ । शिरः॑ । प्रतीति॑ । ध॒त्त॒म् । इति॑ । तौ । अ॒ब्रू॒ता॒म् । वर᳚म् । वृ॒णा॒व॒है॒ । ग्रहः॑ । ए॒व । नौ॒ । अत्र॑ । अपीति॑ । गृ॒ह्य॒ता॒म् । इति॑ । ताभ्या᳚म् । ए॒तम् । आ॒श्वि॒नम् । अ॒गृ॒ह्ण॒न्न् । ततः॑ । वै । तौ । य॒ज्ञ्स्य॑ । शिरः॑ । प्रतीति॑ । अ॒ध॒त्ता॒म् । यत् । आ॒श्वि॒नः । गृ॒ह्यते᳚ । य॒ज्ञ्स्य॑ । निष्कृ॑त्या॒ इति॒ निः - कृ॒त्यै॒ । तौ । दे॒वाः । अ॒ब्रु॒व॒न्न् । अपू॑तौ । वै । इ॒मौ । म॒नु॒ष्य॒च॒राविति॑ मनुष्य - च॒रौ ।

भि॒षजौ᳚ । इति॑ । तस्मा᳚त् । ब्रा॒ह्म॒णेन॑ । भे॒ष॒जम् । न । का॒र्य᳚म् । अपू॑तः । हि । ए॒षः । अ॒मे॒द्ध्यः । यः । भि॒षक् । तौ । ब॒हि॒ष्प॒व॒मा॒नेनेति॑ बहिः - प॒व॒मा॒नेन॑ । प॒व॒यि॒त्वा । ताभ्या᳚म् । ए॒तम् । आ॒श्वि॒नम् । अ॒गृ॒ह्ण॒न्न् । तस्मा᳚त् । ब॒हि॒ष्प॒व॒मा॒न इति॑ बहिः-प॒व॒मा॒ने । स्तु॒ते । आ॒श्वि॒नः । गृ॒ह्य॒ते॒ । तस्मा᳚त् । ए॒वम् । वि॒दुषा᳚ । ब॒हि॒ष्प॒व॒मा॒न इति॑ बहिः - प॒व॒मा॒नः । उ॒प॒सद्य॒ इत्यु॑प - सद्यः॑ । प॒वित्र᳚म् । वै । ब॒हि॒ष्प॒व॒मा॒न इति॑ बहिः - प॒व॒मा॒नः । आ॒त्मान᳚म् । ए॒व । प॒व॒य॒ते॒ । तयोः᳚ । त्रे॒धा । भैष॑ज्यम् । वि । नीति॑ । अ॒द॒धुः॒ । अ॒ग्नौ । तृती॑यम् । अ॒फ्स्वित्य॑प्-सु । तृती॑यम् । ब्रा॒ह्म॒णे । तृती॑यम् । तस्मा᳚त् । उ॒द॒पा॒त्रमित्यु॑द - पा॒त्रम् ।

उ॒प॒नि॒धायेत्यु॑प - नि॒धाय॑ । ब्रा॒ह्म॒णम् । द॒क्षि॒ण॒तः । नि॒षाद्येति॑ नि - साद्य॑ । भे॒ष॒जम् । कु॒र्या॒त् । याव॑त् । ए॒व । भे॒ष॒जम् । तेन॑ । क॒रो॒ति॒ । स॒मद्‌र्धु॑क॒मिति॑ सं - अद्‌र्धु॑कम् । अ॒स्य॒ । कृ॒तम् । भ॒व॒ति॒ । ब्र॒ह्म॒वा॒दिन॒ इति॑ ब्रह्म - वा॒दिनः॑ । व॒द॒न्ति॒ । कस्मा᳚त् । स॒त्यात् । एक॑पात्रा॒ इत्येक॑ - पा॒त्राः॒ । द्वि॒दे॒व॒त्या॑ इति॑ द्वि-दे॒व॒त्याः᳚ । गृ॒ह्यन्ते᳚ । द्वि॒पात्रा॒ इति॑ द्वि - पात्राः᳚ । हू॒य॒न्ते॒ । इति॑ । यत् । एक॑पात्रा॒ इत्येक॑ - पा॒त्राः॒ । गृ॒ह्यन्ते᳚ । तस्मा᳚त् । एकः॑ । अ॒न्त॒र॒तः । प्रा॒ण इति॑ प्र - अ॒नः । द्वि॒पात्रा॒ इति॑ द्वि - पात्राः᳚ । हू॒य॒न्ते॒ । तस्मा᳚त् । द्वौद्वा॒विति॒ द्वौ - द्वौ॒ । ब॒हिष्टा᳚त् । प्रा॒णा इति॑ प्र - अ॒नाः । प्रा॒णा इति॑ प्र - अ॒नाः । वै । ए॒ते । यत् । द्वि॒दे॒व॒त्या॑ इति॑ द्वि - दे॒व॒त्याः᳚ । प॒शवः॑ । इडा᳚ । यत् । इडा᳚म् । पूर्वा᳚म् । द्वि॒दे॒व॒त्ये᳚भ्य॒ इति॑ द्वि - दे॒व॒त्ये᳚भ्यः । उ॒प॒ह्वये॒तेत्यु॑प - ह्वये॑त ।

प॒शुभि॒रिति॑ प॒शु - भिः॒ । प्रा॒णानिति॑ प्र-अ॒नान् । अ॒न्तः । द॒धी॒त॒ । प्र॒मायु॑क॒ इति॑ प्र - मायु॑कः । स्या॒त् । द्वि॒दे॒व॒त्या॑निति॑ द्वि-दे॒व॒त्यान्॑ । भ॒क्ष॒यि॒त्वा । इडा᳚म् । उपेति॑ । ह्व॒य॒ते॒ । प्रा॒णानिति॑ प्र - अ॒नान् । ए॒व । आ॒त्मन्न् । धि॒त्वा । प॒शून् । उपेति॑ । ह्व॒य॒ते॒ । वाक् । वै । ऐ॒न्द्र॒वा॒य॒व इत्यै᳚न्द्र-वा॒य॒वः । चक्षुः॑ । मै॒त्रा॒व॒रु॒ण इति॑ मैत्रा-व॒रु॒णः । श्रोत्र᳚म् । आ॒श्वि॒नः । पु॒रस्ता᳚त् । ऐ॒न्द्र॒वा॒य॒वमित्यै᳚न्द्र - वा॒य॒वम् । भ॒क्ष॒य॒ति॒ । तस्मा᳚त् । पु॒रस्ता᳚त् । वा॒चा । व॒द॒ति॒ । पु॒रस्ता᳚त् । मै॒त्रा॒व॒रु॒णमिति॑ मैत्रा - व॒रु॒णम् । तस्मा᳚त् । पु॒रस्ता᳚त् । चक्षु॑षा । प॒श्य॒ति॒ । स॒र्वतः॑ । प॒रि॒हार॒मिति॑ परि-हार᳚म् । आ॒श्वि॒नम् । तस्मा᳚त् । स॒र्वतः॑ । श्रोत्रे॑ण । शृ॒णो॒ति॒ । प्रा॒णा इति॑ प्र - अ॒नाः । वै । ए॒ते । यत् । द्वि॒दे॒व॒त्या॑ इति॑ द्वि - दे॒व॒त्याः᳚ ।

अरि॑क्तानि । पात्रा॑णि । सा॒द॒य॒ति॒ । तस्मा᳚त् । अरि॑क्ताः । अ॒न्त॒र॒तः । प्रा॒णा इति॑ प्र - अ॒नाः । यतः॑ । खलु॑ । वै । य॒ज्ञ्स्य॑ । वित॑त॒स्येति॒ वि - त॒त॒स्य॒ । न । क्रि॒यते᳚ । तत् । अन्विति॑ । य॒ज्ञ्म् । रक्षाꣳ॑सि । अवेति॑ । च॒र॒न्ति॒ । यत् । अरि॑क्तानि । पात्रा॑णि । सा॒दय॑ति । क्रि॒यमा॑णम् । ए॒व । तत् । य॒ज्ञ्स्य॑ । श॒ये॒ । रक्ष॑साम् । अन॑न्ववचारा॒येत्यन॑नु - अ॒व॒चा॒रा॒य॒ । दक्षि॑णस्य । ह॒वि॒द्‌र्धान॒स्येति॑ हविः - धान॑स्य । उत्त॑रस्या॒मित्युत् - त॒र॒स्या॒म् । व॒र्त॒न्याम् । सा॒द॒य॒ति॒ । वा॒चि । ए॒व । वाच᳚म् । द॒धा॒ति॒ । एति॑ । तृ॒ती॒य॒स॒व॒नादिति॑ तृतीय - स॒व॒नात् । परीति॑ । शे॒रे॒ । य॒ज्ञ्स्य॑ । सन्त॑त्या॒ इति॒ सं - त॒त्यै॒ ॥

बृह॒स्पतिः॑ । दे॒वाना᳚म् । पु॒रोहि॑त॒ इति॑ पु॒रः - हि॒तः॒ । आसी᳚त् । शण्डा॒मर्का॒विति॒ शण्डा᳚ - मर्कौ᳚ । असु॑राणाम् । ब्रह्म॑ण्वन्त॒ इति॒ ब्रह्मण्ण्॑ - व॒न्तः॒ । दे॒वाः । आसन्न्॑ । ब्रह्म॑ण्वन्त॒ इति॒ ब्रह्मण्ण्॑ - व॒न्तः॒ । असु॑राः । ते । अ॒न्यः । अ॒न्यम् । न । अ॒श॒क्नु॒व॒न्न् । अ॒भिभ॑वितु॒मित्य॒भि - भ॒वि॒तु॒म् । ते । दे॒वाः । शण्डा॒मर्का॒विति॒ शण्डा᳚ - मर्कौ᳚ । उपेति॑ । अ॒म॒न्त्र॒य॒न्त॒ । तौ । अ॒ब्रू॒ता॒म् । वर᳚म् । वृ॒णा॒व॒है॒ । ग्रहौ᳚ । ए॒व । नौ॒ । अत्र॑ । अपीति॑ । गृ॒ह्ये॒ता॒म् । इति॑ । ताभ्या᳚म् । ए॒तौ । शु॒क्राम॒न्थिना॒विति॑ शु॒क्रा - म॒न्थिनौ᳚ । अ॒गृ॒ह्ण॒न्न् । ततः॑ । दे॒वाः । अभ॑वन्न् । परेति॑ । असु॑राः । यस्य॑ । ए॒वम् । वि॒दुषः॑ । शु॒क्राम॒न्थिना॒विति॑ शु॒क्रा - म॒न्थिनौ᳚ । गृ॒ह्येते॒ इति॑ । भव॑ति । आ॒त्मना᳚ । परेति॑ ।

अ॒स्य॒ । भ्रातृ॑व्यः । भ॒व॒ति॒ । तौ । दे॒वाः । अ॒प॒नुद्येत्य॑प - नुद्य॑ । आ॒त्मने᳚ । इन्द्रा॑य । अ॒जु॒ह॒वुः॒ । अप॑नुत्ता॒वित्यप॑ - नु॒त्तौ॒ । शण्डा॒मर्का॒विति॒ शण्डा᳚ - मर्कौ᳚ । स॒ह । अ॒मुना᳚ । इति॑ । ब्रू॒या॒त् । यम् । द्वि॒ष्यात् । यम् । ए॒व । द्वेष्टि॑ । तेन॑ । ए॒ना॒ । स॒ह । अपेति॑ । नु॒द॒ते॒ । सः । प्र॒थ॒मः । संकृ॑ति॒रिति॒ सं - कृ॒तिः॒ । वि॒श्वक॒र्मेति॑ वि॒श्व - क॒र्मा॒ । इति॑ । ए॒व । ए॒नौ॒ । आ॒त्मने᳚ । इन्द्रा॑य । अ॒जु॒ह॒वुः॒ । इन्द्रः॑ । हि । ए॒तानि॑ । रू॒पाणि॑ । करि॑क्रत् । अच॑रत् । अ॒सौ । वै । आ॒दि॒त्यः । शु॒क्रः । च॒न्द्रमाः᳚ । म॒न्थी । अ॒पि॒गृह्येत्य॑पि - गृह्य॑ । प्राञ्चौ᳚ । निरिति॑ ।

क्रा॒म॒तः॒ । तस्मा᳚त् । प्राञ्चौ᳚ । यन्तौ᳚ । न । प॒श्य॒न्ति॒ । प्र॒त्यञ्चौ᳚ । आ॒वृत्येत्या᳚ - वृत्य॑ । जु॒हु॒तः॒ । तस्मा᳚त् । प्र॒त्यञ्चौ᳚ । यन्तौ᳚ । प॒श्य॒न्ति॒ । चक्षु॑षी॒ इति॑ । वै । ए॒ते इति॑ । य॒ज्ञ्स्य॑ । यत् । शु॒क्राम॒न्थिना॒विति॑ शु॒क्रा - म॒न्थिनौ᳚ । नासि॑का । उ॒त्त॒र॒वे॒दिरित्यु॑त्तर- वे॒दिः । अ॒भितः॑ । प॒रि॒क्रम्येति॑ परि - क्रम्य॑ । जु॒हु॒तः॒ । तस्मा᳚त् । अ॒भितः॑ । नासि॑काम् । चक्षु॑षी॒ इति॑ । तस्मा᳚त् । नासि॑कया । चक्षु॑षी॒ इति॑ । विधृ॑ते॒ इति॒ वि-धृ॒ते॒ । स॒र्वतः॑ । परीति॑ । क्रा॒म॒तः॒ । रक्ष॑साम् । अप॑हत्या॒ इत्यप॑ - ह॒त्यै॒ । दे॒वाः । वै । याः । प्राचीः᳚ । आहु॑ती॒रित्या - हु॒तीः॒ । अजु॑हवुः । ये । पु॒रस्ता᳚त् । असु॑राः । आसन्न्॑ । तान् । ताभिः॑ । प्रेति॑ ।

अ॒नु॒द॒न्त॒ । याः । प्र॒तीचीः᳚ । ये । प॒श्चात् । असु॑राः । आसन्न्॑ । तान् । ताभिः॑ । अपेति॑ । अ॒नु॒द॒न्त॒ । प्राचीः᳚ । अ॒न्याः । आहु॑तय॒ इत्या-हु॒त॒यः॒ । हू॒यन्ते᳚ । प्र॒त्यञ्चौ᳚ । शु॒क्राम॒न्थिना॒विति॑ शु॒क्रा - म॒न्थिनौ᳚ । प॒श्चात् । च॒ । ए॒व । पु॒रस्ता᳚त् । च॒ । यज॑मानः । भ्रातृ॑व्यान् । प्रेति॑ । नु॒द॒ते॒ । तस्मा᳚त् । परा॑चीः । प्र॒जा इति॑ प्र - जाः । प्रेति॑ । वी॒य॒न्ते॒ । प्र॒तीचीः᳚ । जा॒य॒न्ते॒ । शु॒क्राम॒न्थिना॒विति॑ शु॒क्रा - म॒न्थिनौ᳚ । वै । अन्विति॑ । प्र॒जा इति॑ प्र - जाः । प्रेति॑ । जा॒य॒न्ते॒ । अ॒त्त्रीः । च॒ । आ॒द्याः᳚ । च॒ । सु॒वीरा॒ इति॑ सु - वीराः᳚ । प्र॒जा इति॑ प्र - जाः । प्र॒ज॒नय॒न्निति॑ प्र - ज॒नयन्न्॑ । परीति॑ । इ॒हि॒ । शु॒क्रः । शु॒क्रशो॑चि॒षेति॑ शु॒क्र - शो॒चि॒षा॒ ।

सु॒प्र॒जा इति॑ सु - प्र॒जाः । प्र॒जा इति॑ प्र - जाः । प्र॒ज॒नय॒न्निति॑ प्र - ज॒नयन्न्॑ । परीति॑ । इ॒हि॒ । म॒न्थी । म॒न्थिशो॑चि॒षेति॑ म॒न्थि - शो॒चि॒षा॒ । इति॑ । आ॒ह॒ । ए॒ताः । वै । सु॒वीरा॒ इति॑ सु - वीराः᳚ । या । अ॒त्त्रीः । ए॒ताः । सु॒प्र॒जा इति॑ सु - प्र॒जाः । याः । आ॒द्याः᳚ । यः । ए॒वम् । वेद॑ । अ॒त्त्री । अ॒स्य॒ । प्र॒जेति॑ प्र - जा । जा॒य॒ते॒ । न । आ॒द्या᳚ । प्र॒जाप॑ते॒रिति॑ प्र॒जा-प॒तेः॒ । अक्षि॑ । अ॒श्व॒य॒त् । तत् । परेति॑ । अ॒प॒त॒त् । तत् । विक॑ङ्कत॒मिति॒ वि-क॒ङ्क॒त॒म् । प्रेति॑ । अ॒वि॒श॒त् । तत् । विक॑ङ्कत॒ इति॑ वि - क॒ङ्क॒ते॒ । न । अ॒र॒म॒त॒ । तत् । यव᳚म् । प्रेति॑ । अ॒वि॒श॒त् । तत् । यवे᳚ । अ॒र॒म॒त॒ । तत् । यव॑स्य ।

य॒व॒त्वमिति॑ यव - त्वम् । यत् । वैक॑ङ्कतम् । म॒न्थि॒पा॒त्रमिति॑ मन्थि - पा॒त्रम् । भव॑ति । सक्तु॑भि॒रिति॒ सक्तु॑ - भिः॒ । श्री॒णाति॑ । प्र॒जाप॑ते॒रिति॑ प्र॒जा - प॒तेः॒ । ए॒व । तत् । चक्षुः॑ । समिति॑ । भ॒र॒ति॒ । ब्र॒ह्म॒वा॒दिन॒ इति॑ ब्रह्म - वा॒दिनः॑ । व॒द॒न्ति॒ । कस्मा᳚त् । स॒त्यात् । म॒न्थि॒पा॒त्रमिति॑ मन्थि - पा॒त्रम् । सदः॑ । न । अ॒श्नु॒ते॒ । इति॑ । आ॒र्त॒पा॒त्रमित्या᳚र्त - पा॒त्रम् । हि । इति॑ । ब्रू॒या॒त् । यत् । अ॒श्नु॒वी॒त । अ॒न्धः । अ॒द्ध्व॒र्युः । स्या॒त् । आर्ति᳚म् । एति॑ । ऋ॒च्छे॒त् । तस्मा᳚त् । न । अ॒श्नु॒ते॒ ॥

दे॒वाः । वै । यत् । य॒ज्ञे । अकु॑र्वत । तत् । असु॑राः । अ॒कु॒र्व॒त॒ । ते । दे॒वाः । आ॒ग्र॒य॒णाग्रा॒नित्या᳚ग्रय॒ण - अ॒ग्रा॒न् । ग्रहान्॑ । अ॒प॒श्य॒न्न् । तान् । अ॒गृ॒ह्ण॒त॒ । ततः॑ । वै । ते । अग्र᳚म् । परीति॑ । आ॒य॒न्न् । यस्य॑ । ए॒वम् । वि॒दुषः॑ । आ॒ग्र॒य॒णाग्रा॒ इत्या᳚ग्रय॒ण-अ॒ग्राः॒ । ग्रहाः᳚ । गृ॒ह्यन्त᳚ । अग्र᳚म् । ए॒व । स॒मा॒नाना᳚म् । परीति॑ । ए॒ति॒ । रु॒ग्णव॒त्येति॑ रु॒ग्ण - व॒त्या॒ । ऋ॒चा । भ्रातृ॑व्यवत॒ इति॒ भ्रातृ॑व्य-व॒तः॒ । गृ॒ह्णी॒या॒त् । भ्रातृ॑व्यस्य । ए॒व । रु॒क्त्वा । अग्र᳚म् । स॒मा॒नाना᳚म् । परीति॑ । ए॒ति॒ । ये । दे॒वाः॒ । दि॒वि । एका॑दश । स्थ । इति॑ । आ॒ह॒ ।

ए॒ताव॑तीः । वै । दे॒वताः᳚ । ताभ्यः॑ । ए॒व । ए॒न॒म् । सर्वा᳚भ्यः । गृ॒ह्णा॒ति॒ । ए॒षः । ते॒ । योनिः॑ । विश्वे᳚भ्यः । त्वा॒ । दे॒वेभ्यः॑ । इति॑ । आ॒ह॒ । वै॒श्व॒दे॒व इति॑ वैश्व - दे॒वः । हि । ए॒षः । दे॒वत॑या । वाक् । वै । दे॒वेभ्यः॑ । अपेति॑ । अ॒क्रा॒म॒त् । य॒ज्ञाय॑ । अति॑ष्ठमाना । ते । दे॒वाः । वा॒चि । अप॑क्रान्ताया॒मित्यप॑-क्रा॒न्ता॒या॒म् । तू॒ष्णीम् । ग्रहान्॑ । अ॒गृ॒ह्ण॒त॒ । सा । अ॒म॒न्य॒त॒ । वाक् । अ॒न्तः । य॒न्ति॒ । वै । मा॒ । इति॑ । सा । आ॒ग्र॒य॒णम् । प्रति॑ । एति॑ । अ॒ग॒च्छ॒त् । तत् । आ॒ग्र॒य॒णस्य॑ । आ॒ग्र॒य॒ण॒त्वमित्या᳚ग्रयण - त्वम् ।

तस्मा᳚त् । आ॒ग्र॒य॒णे । वाक् । वीति॑ । सृ॒ज्य॒ते॒ । यत् । तू॒ष्णीम् । पूर्वे᳚ । ग्रहाः᳚ । गृ॒ह्यन्ते᳚ । यथा᳚ । थ्सा॒री । इय॑ति । मे॒ । आखः॑ । इय॑ति । न । अपेति॑ । रा॒थ्स्या॒मि॒ । इति॑ । उ॒पा॒व॒सृ॒जतीत्यु॑प - अ॒व॒सृ॒जति॑ । ए॒वम् । ए॒व । तत् । अ॒द्ध्व॒र्युः । आ॒ग्र॒य॒णम् । गृ॒ही॒त्वा । य॒ज्ञ्म् । आ॒रभ्येत्या᳚-रभ्य॑ । वाच᳚म् । वीति॑ । सृ॒ज॒ते॒ । त्रिः । हिम् । क॒रो॒ति॒ । उ॒द्गा॒तॄनित्यु॑त् - गा॒तॄन् । ए॒व । तत् । वृ॒णी॒ते॒ । प्र॒जाप॑ति॒रिति॑ प्र॒जा - प॒तिः॒ । वै । ए॒षः । यत् । आ॒ग्र॒य॒णः । यत् । आ॒ग्र॒य॒णम् । गृ॒ही॒त्वा । हि॒कं॒रोतीति॑ हिम् - क॒रोति॑ । प्र॒जाप॑ति॒रिति॑ प्र॒जा-प॒तिः॒ । ए॒व ।

तत् । प्र॒जा इति॑ प्र - जाः । अ॒भीति॑ । जि॒घ्र॒ति॒ । तस्मा᳚त् । व॒थ्सम् । जा॒तम् । गौः । अ॒भीति॑ । जि॒घ्र॒ति॒ । आ॒त्मा । वै । ए॒षः । य॒ज्ञ्स्य॑ । यत् । आ॒ग्र॒य॒णः । सव॑नेसवन॒ इति॒ सव॑ने - स॒व॒ने॒ । अ॒भीति॑ । गृ॒ह्णा॒ति॒ । आ॒त्मन्न् । ए॒व । य॒ज्ञ्म् । समिति॑ । त॒नो॒ति॒ । उ॒परि॑ष्टात् । एति॑ । न॒य॒ति॒ । रेतः॑ । ए॒व । तत् । द॒धा॒ति॒ । अ॒धस्ता᳚त् । उपेति॑ । गृ॒ह्णा॒ति॒ । प्रेति॑ । ज॒न॒य॒ति॒ । ए॒व । तत् । ब्र॒ह्म॒वा॒दिन॒ इति॑ ब्रह्म - वा॒दिनः॑ । व॒द॒न्ति॒ । कस्मा᳚त् । स॒त्यात् । गा॒य॒त्री । कनि॑ष्ठा । छन्द॑साम् । स॒ती । सर्वा॑णि । सव॑नानि । व॒ह॒ति॒ । इति॑ ( ) । ए॒षः । वै । गा॒य॒त्रि॒यै । व॒थ्सः । यत् । आ॒ग्र॒य॒णः । तम् । ए॒व । तत् । अ॒भि॒नि॒वर्त॒मित्य॑भि - नि॒वर्त᳚म् । सर्वा॑णि । सव॑नानि । व॒ह॒ति॒ । तस्मा᳚त् । व॒थ्सम् । अ॒पाकृ॑त॒मित्य॑प - आकृ॑तम् । गौः । अ॒भ । नीति॑ । व॒र्त॒ते॒ ॥