यजुर्वेद

अ॒हम् ॥ सुवः॑ । यन्तः॑ । न । अपेति॑ । ई॒क्ष॒न्ते॒ । एति॑ । द्याम् । रो॒ह॒न्ति॒ । रोद॑सी॒ इति॑ ॥ य॒ज्ञ्म् । ये । वि॒श्वतो॑धार॒मिति॑ वि॒श्वतः॑ - धा॒र॒म् । सुवि॑द्वाꣳस॒ इति॒ सु - वि॒द्वाꣳ॒॒सः॒ । वि॒ते॒नि॒र इति॑ वि - ते॒नि॒रे ॥ अग्ने᳚ । प्रेति॑ । इ॒हि॒ । प्र॒थ॒मः । दे॒व॒य॒तामिति॑ देव - य॒ताम् । चक्षुः॑ । दे॒वाना᳚म् । उ॒त । मर्त्या॑नाम् ॥ इय॑क्षमाणाः । भृगु॑भि॒रिति॒ भृगु॑ - भिः॒ । स॒जोषा॒ इति॑ स-जोषाः᳚ । सुवः॑ । य॒न्तु॒ । यज॑मानाः । स्व॒स्ति ॥ नक्तो॒षासा᳚ । सम॑न॒सेति॒ स - म॒न॒सा॒ । विरू॑पे॒ इति॒ वि - रू॒पे॒ । धा॒पये॑ते॒ इति॑ । शिशु᳚म् । एक᳚म् । स॒मी॒ची इति॑ ॥ द्यावा᳚ । क्षाम॑ । रु॒क्मः । अ॒न्तः । वीति॑ । भा॒ति॒ । दे॒वाः । अ॒ग्निम् । धा॒र॒य॒न्न् । द्र॒वि॒णो॒दा इति॑ द्रविणः - दाः ॥ अग्ने᳚ । स॒ह॒स्रा॒क्षेति॑ सहस्र - अ॒क्ष॒ ।