ज॒घास॒ सर्वा॒ ता ते॒ अपि॑ दे॒वेष्व॑स्तु ॥ मा त्वा॒ऽग्नि-र्द्ध्व॑नयिद्-धू॒मग॑न्धि॒र्मोखा भ्राज॑न्त्य॒भि वि॑क्त॒ जघ्रिः॑ । इ॒ष्टं ॅवी॒तम॒भिगू᳚र्तं॒ ॅवष॑ट्कृतं॒ तं दे॒वासः॒ प्रति॑ गृभ्ण॒न्त्यश्वं᳚ ॥ यदश्वा॑य॒ वास॑ उपस्तृ॒णन्त्य॑धीवा॒सं ॅया हिर॑ण्यान्यस्मै । स॒न्दान॒मर्व॑न्तं॒ पड्बी॑शं प्रि॒या दे॒वेष्वा या॑मयन्ति ॥ यत् ते॑ सा॒दे मह॑सा॒ शूकृ॑तस्य॒ पार्ष्णि॑या वा॒ कश॑या - [ ]
पदपाठः (Word-by-word)
ज॒घास॑ । सर्वा᳚ । ता । ते॒ । अपीति॑ । दे॒वेषु॑ । अ॒स्तु॒ ॥ मा । त्वा॒ । अ॒ग्निः । ध्व॒न॒यि॒त् । धू॒मग॑न्धि॒रिति॑ धू॒म - ग॒न्धिः॒ । मा । उ॒खा । भ्राज॑न्ति । अ॒भीति॑ । वि॒क्त॒ । जघ्रिः॑ ॥ इ॒ष्टम् । वी॒तम् । अ॒भिगू᳚र्त॒मित्य॒भि - गू॒र्त॒म् । वष॑ट्कृत॒मिति॒ वष॑ट् - कृ॒त॒म् । तम् । दे॒वासः॑ । प्रतीति॑ । गृ॒भ्ण॒न्ति॒ । अश्व᳚म् ॥ यत् । अश्वा॑य । वासः॑ । उ॒प॒स्तृ॒णन्तीत्यु॑प - स्तृ॒णन्ति॑ । अ॒धी॒वा॒समित्य॑धि - वा॒सम् । या । हिर॑ण्यानि । अ॒स्मै॒ ॥ स॒न्दान॒मिति॑ सं - दान᳚म् । अर्व॑न्तम् । पड्बी॑शम् । प्रि॒या । दे॒वेषु॑ । एति॑ । या॒म॒य॒न्ति॒ ॥ यत् । ते॒ । सा॒दे । मह॑सा । शूकृ॑त॒स्येति॒ शू - कृ॒त॒स्य॒ । पार्ष्णि॑या । वा॒ । कश॑या ।