आ॒हाग्नी॑द॒ग्नीन्. वि ह॑र ब॒र्॒.हिः स्तृ॑णाहि पुरो॒डाशाꣳ॒॒ अलं॑ कु॒र्विति॑ य॒ज्ञ्मे॒वाप॒जित्य॒ पुन॑स्तन्वा॒ना य॒न्त्यङ्गा॑रै॒र्द्वे सव॑ने॒ वि ह॑रति श॒लाका॑भि-स्तृ॒तीयꣳ॑ सशुक्र॒त्वायाथो॒ सं भ॑रत्ये॒वैन॒द्धिष्णि॑या॒ वा अ॒मुष्मि॑न् ॅलो॒के सोम॑मरक्ष॒न् तेभ्योऽधि॒ सोम॒माऽह॑र॒न् त म॑न्व॒वाय॒न्तं पर्य॑विश॒न्॒. य ए॒वं ॅवेद॑ वि॒न्दते॑- [ ]
पदपाठः (Word-by-word)
आ॒ह॒ । अग्नी॒दित्यग्नि॑ - इ॒त् । अ॒ग्नीन् । वीति॑ । ह॒र॒ । ब॒र॒.हिः । स्तृ॒णा॒हि॒ । पु॒रो॒डाशान्॑ । अल᳚म् । कु॒रु॒ । इति॑ । य॒ज्ञ्म् । ए॒व । अ॒प॒जित्येत्य॑प-जित्य॑ । पुनः॑ । त॒न्वा॒नाः । य॒न्ति॒ । अङ्गा॑रैः । द्वे इति॑ । सव॑ने॒ इति॑ । वीति॑ । ह॒र॒ति॒ । श॒लाका॑भिः । तृ॒तीय᳚म् । स॒शु॒क्र॒त्वायेति॑ सशुक्र - त्वाय॑ । अथो॒ इति॑ । समिति॑ । भ॒र॒ति॒ । ए॒व । ए॒न॒त् । धिष्णि॑याः । वै । अ॒मुष्मिन्न्॑ । लो॒के । सोम᳚म् । अ॒र॒क्ष॒न्न् । तेभ्यः॑ । अधीति॑ । सोम᳚म् । एति॑ । अ॒ह॒र॒न्न् । तम् । अ॒न्व॒वाय॒न्नित्य॑नु-अ॒वायन्न्॑ । तम् । परीति॑ । अ॒वि॒श॒न्न् । य । ए॒वम् । वेद॑ । वि॒न्दते᳚ ।