-ते सो॑मपी॒थेनाऽऽ*र्द्ध्य॑न्त दे॒वा वै याः प्राची॒-राहु॑ती॒-रजु॑हवु॒र्ये पु॒रस्ता॒दसु॑रा॒ आस॒न् ताꣳ स्ताभिः॒ प्राणु॑दन्त॒ याः प्र॒तीची॒र्ये प॒श्चादसु॑रा॒ आस॒न् ताꣳस्ताभि॒-रपा॑नुदन्त॒ प्राची॑र॒न्या आहु॑तयो हू॒यन्ते᳚ प्र॒त्यङ्ङासी॑नो॒ धिष्णि॑या॒न्. व्याघा॑रयति प॒श्चाच्चै॒व पुरस्ता᳚च्च॒ यज॑मानो॒ भ्रातृ॑व्या॒न् प्र णु॑दते॒ तस्मा॒त् परा॑चीः प्र॒जाः प्र वी॑यन्ते प्र॒तीची᳚- [ ]
पदपाठः (Word-by-word)
ए॒ते । सो॒म॒पी॒थेनेति॑ सोम - पी॒थेन॑ । आद्र्ध्य॑न्त । दे॒वाः । वै । याः । प्राचीः᳚ । आहु॑ती॒रित्या - हु॒तीः॒ । अजु॑हवुः । ये । पु॒रस्ता᳚त् । असु॑राः । आसन्न्॑ । तान् । ताभिः॑ । प्रेति॑ । अ॒नु॒द॒न्त॒ । याः । प्र॒तीचीः᳚ । ये । प॒श्चात् । असु॑राः । आसन्न्॑ । तान् । ताभिः॑ । अपेति॑ । अ॒नु॒द॒न्त॒ । प्राचीः᳚ । अ॒न्याः । आहु॑तय॒ इत्या - हु॒त॒यः॒ । हू॒यन्ते᳚ । प्र॒त्यङ् । आसी॑नः । धिष्णि॑यान् । व्याघा॑रय॒तीति॑ वि - आघा॑रयति । प॒श्चात् । च॒ । ए॒व । पु॒रस्ता᳚त् । च॒ । यज॑मानः । भ्रातृ॑व्यान् । प्रेति॑ । नु॒द॒ते॒ । तस्मा᳚त् । परा॑चीः । प्र॒जा इति॑ प्र-जाः । प्रेति॑ । वी॒य॒न्ते॒ । प्र॒तीचीः᳚ ।