द्यति॒ हृद॑य॒स्याग्रेऽव॑ द्य॒त्यथ॑ जि॒ह्वाया॒ अथ॒ वक्ष॑सो॒ यद्वै हृद॑येनाभि॒गच्छ॑ति॒ तज्जि॒ह्वया॑ वदति॒ यज्जि॒ह्वया॒ वद॑ति॒ तदुर॒सोऽधि॒ निर्व॑दत्ये॒तद्वै प॒शोर्य॑थापू॒र्वं ॅयस्यै॒वम॑व॒दाय॑ यथा॒काम॒-मुत्त॑रेषामव॒द्यति॑ यथा पू॒र्वमे॒वास्य॑ प॒शोरव॑त्तं भवति मद्ध्य॒तो गु॒दस्याव॑ द्यति मद्ध्य॒तो हि प्रा॒ण उ॑त्त॒मस्याव॑ द्यत्यु- [ ]
पदपाठः (Word-by-word)
द्य॒ति॒ । हृद॑यस्य । अग्रे᳚ । अवेति॑ । द्य॒ति॒ । अथ॑ । जि॒ह्वायाः᳚ । अथ॑ । वक्ष॑सः । यत् । वै । हृद॑येन । अ॒भि॒गच्छ॒तीत्य॑भि - गच्छ॑ति । तत् । जि॒ह्वया᳚ । व॒द॒ति॒ । यत् । जि॒ह्वया᳚ । वद॑ति । तत् । उर॑सः । अधि॑ । निरिति॑ । व॒द॒ति॒ । ए॒तत् । वै । प॒शोः । य॒था॒पू॒र्वमिति॑ यथा - पू॒र्वम् । यस्य॑ । ए॒वम् । अ॒व॒दायेत्य॑व - दाय॑ । य॒था॒काम॒मिति॑ यथा - काम᳚म् । उत्त॑रेषा॒मित्युत् - त॒रे॒षा॒म् । अ॒व॒द्यतीत्य॑व - द्यति॑ । य॒था॒पू॒र्वमिति॑ यथा - पू॒र्वम् । ए॒व । अ॒स्य॒ । प॒शोः । अव॑त्तम् । भ॒व॒ति॒ । म॒द्ध्य॒तः । गु॒दस्य॑ । अवेति॑ । द्य॒ति॒ । म॒द्ध्य॒तः । हि । प्रा॒ण इति॑ प्र - अ॒नः । उ॒त्त॒मस्येत्यु॑त् - त॒मस्य॑ । अवेति॑ । द्य॒ति॒ ।