यजुर्वेद

उ॒त्त॒म इत्यु॑त् - त॒मः । हि । प्रा॒ण इति॑ प्र - अ॒नः । यदि॑ । इत॑रम् । यदि॑ । इत॑रम् । उ॒भय᳚म् । ए॒व । अजा॑मि । जाय॑मानः । वै । ब्रा॒ह्म॒णः । त्रि॒भिरिति॑ त्रि - भिः । ऋ॒ण॒वेत्यृ॑ण - वा । जा॒य॒ते॒ । ब्र॒ह्म॒चर्ये॒णेति॑ ब्रह्म - चर्ये॑ण । ऋषि॑भ्य॒ इत्यृषि॑ - भ्यः॒ । य॒ज्ञेन॑ । दे॒वेभ्यः॑ । प्र॒जयेति॑ प्र - जया᳚ । पि॒तृभ्य॒ इति॑ पि॒तृ - भ्यः॒ । ए॒षः । वै । अ॒नृ॒णः । यः । पु॒त्री । यज्वा᳚ । ब्र॒ह्म॒चा॒रि॒वा॒सीति॑ ब्रह्मचारि - वा॒सी । तत् । अ॒व॒दानै॒रित्य॑व - दानैः᳚ । ए॒व । अवेति॑ । द॒य॒ते॒ । तत् । अ॒व॒दाना॑ना॒मित्य॑व - दाना॑नाम् । अ॒व॒दा॒न॒त्वमित्य॑वदान - त्वम् । दे॒वा॒सु॒रा इति॑ देव - अ॒सु॒राः । संॅय॑त्ता॒ इति॒ सं - य॒त्ताः॒ । आ॒स॒न्न् । ते । दे॒वाः । अ॒ग्निम् । अ॒ब्रु॒व॒न्न् । त्वया᳚ । वी॒रेण॑ । असु॑रान् । अ॒भीति॑ । भ॒वा॒म॒ । इति॑ ।