सूदयन्तु ते ॥ पृ॒थि॒वी ते॒ ऽन्तरि॑क्षेण वा॒युश्छि॒द्रं भि॑षज्यतु । द्यौस्ते॒ नक्ष॑त्रैः स॒ह रू॒पं कृ॑णोतु साधु॒या ॥ शं ते॒ परे᳚भ्यो॒ गात्रे᳚भ्यः॒ शम॒स्त्वव॑रेभ्यः । शम॒स्थभ्यो॑ म॒ज्जभ्यः॒ शमु॑ ते त॒नुवे॑ भुवत् ॥
पदपाठः (Word-by-word)
सू॒द॒य॒न्तु॒ । ते॒ ॥ पृ॒थि॒वी । ते॒ । अ॒न्तरि॑क्षेण । वा॒युः । छि॒द्रम् । भि॒ष॒ज्य॒तु॒ ॥ द्यौः । ते॒ । नक्ष॑त्रैः । स॒ह । रू॒पम् । कृ॒णो॒तु॒ । सा॒धु॒या ॥ शम् । ते॒ । परे᳚भ्यः । गात्रे᳚भ्यः । शम् । अ॒स्तु॒ । अव॑रेभ्यः ॥ शम् । अ॒स्थभ्य॒ इत्य॒स्थ - भ्यः॒ । म॒ज्जभ्य॒ इति॑ म॒ज्ज - भ्यः॒ । शम् । उ॒ । ते॒ । त॒नुवे᳚ । भु॒व॒त् ॥