प॑शू॒नां ॅयदूषा॒ द्यावा॑पृथि॒वी स॒हाऽऽस्तां॒ ते वि॑य॒ती अ॑ब्रूता॒मस्त्वे॒व नौ॑ स॒ह य॒ज्ञिय॒मिति॒ यद॒मुष्या॑ य॒ज्ञिय॒मासी॒त् तद॒स्याम॑दधा॒त् त ऊषा॑ अभव॒न्॒ यद॒स्या य॒ज्ञिय॒मासी॒त् तद॒मुष्या॑मदधा॒त् तद॒दश्च॒न्द्रम॑सि कृ॒ष्णमूषा᳚न् नि॒वप॑न्न॒दो ध्या॑ये॒द् द्यावा॑पृथि॒व्योरे॒व य॒ज्ञिये॒ऽग्निं चि॑नुते॒ ऽयꣳ सो अ॒ग्निरिति॑ वि॒श्वामि॑त्रस्य - [ ]
पदपाठः (Word-by-word)
प॒शू॒नाम् । यत् । ऊषाः᳚ । द्यावा॑पृथि॒वी इति॒ द्यावा᳚ - पृ॒थि॒वी । स॒ह । आ॒स्ता॒म् । ते इति॑ । वि॒य॒ती इति॑ वि - य॒ती । अ॒ब्रू॒ता॒म् । अस्तु॑ । ए॒व । नौ॒ । स॒ह । य॒ज्ञिय᳚म् । इति॑ । यत् । अ॒मुष्याः᳚ । य॒ज्ञिय᳚म् । आसी᳚त् । तत् । अ॒स्याम् । अ॒द॒धा॒त् । ते । ऊषाः᳚ । अ॒भ॒व॒न्न् । यत् । अ॒स्याः । य॒ज्ञिय᳚म् । आसी᳚त् । तत् । अ॒मुष्या᳚म् । अ॒द॒धा॒त् । तत् । अ॒दः । च॒न्द्रम॑सि । कृ॒ष्णम् । ऊषान्॑ । नि॒वप॒न्निति॑ नि-वपन्न्॑ । अ॒दः । ध्या॒ये॒त् । द्यावा॑पृथि॒व्योरिति॒ द्यावा᳚ - पृ॒थि॒व्योः । ए॒व । य॒ज्ञिये᳚ । अ॒ग्निम् । चि॒नु॒ते॒ । अ॒यम् । सः । अ॒ग्निः । इति॑ । वि॒श्वामि॑त्र॒स्येति॑ वि॒श्व - मि॒त्र॒स्य॒ ।