मुञ्चति॒ तस्मा᳚च्छीर्.ष॒त ओष॑धयः॒ फलं॑ गृह्णन्त्य॒नक्ति॒ तेजो॒ वा आज्यं॒ ॅयज॑मानेनाग्नि॒ष्ठाऽश्रिः॒ संमि॑ता॒ यद॑ग्नि॒ष्ठा-मश्रि॑म॒नक्ति॒ यज॑मानमे॒व तेज॑सा ऽनक्त्या॒न्त-म॑नक्त्या॒न्तमे॒व यज॑मानं॒ तेज॑सानक्ति स॒र्वतः॒ परि॑ मृश॒त्यप॑रिवर्ग-मे॒वास्मि॒न् तेजो॑ दधा॒त्युद् दिवꣳ॑ स्तभा॒नाऽन्तरि॑क्षं पृ॒णेत्या॑है॒षां ॅलो॒कानां॒ ॅविधृ॑त्यै वैष्ण॒व्यर्चा- [ ]
पदपाठः (Word-by-word)
मु॒ञ्च॒ति॒ । तस्मा᳚त् । शी॒र्॒.ष॒तः । ओष॑धयः । फल᳚म् । गृ॒ह्ण॒न्ति॒ । अ॒नक्ति॑ । तेजः॑ । वै । आज्य᳚म् । यज॑मानेन । अ॒ग्नि॒ष्ठेत्य॑ग्नि-स्था । अश्रिः॑ । संमि॒तेति॒ सं - मि॒ता॒ । यत् । अ॒ग्नि॒ष्ठामित्य॑ग्नि- स्थाम् । अश्रि᳚म् । अ॒न॒क्ति॒ । यज॑मानम् । ए॒व । तेज॑सा । अ॒न॒क्ति॒ । आ॒न्तमित्या᳚ - अ॒न्तम् । अ॒न॒क्ति॒ । आ॒न्तमित्या᳚ - अ॒न्तम् । ए॒व । यज॑मानम् । तेज॑सा । अ॒न॒क्ति॒ । स॒र्वतः॑ । परीति॑ । मृ॒श॒ति॒ । अप॑रिवर्ग॒मित्यप॑रि - व॒र्ग॒म् । ए॒व । अ॒स्मि॒न्न् । तेजः॑ । द॒धा॒ति॒ । उदिति॑ । दिव᳚म् । स्त॒भा॒न॒ । एति॑ । अ॒न्तरि॑क्षम् । पृ॒ण॒ । इति॑ । आ॒ह॒ । ए॒षाम् । लो॒काना᳚म् । विधृ॑त्या॒ इति॒ वि - धृ॒त्यै॒ । वै॒ष्ण॒व्या । ऋ॒चा ।