-रुपा᳚स्य॒त्य-स्क॑न्दा॒या-स्क॑न्नꣳ॒॒ हि तद् यद् ब॒र्॒.हिषि॒ स्कन्द॒त्यथो॑ बर्.हि॒षद॑मे॒वैनं॑ करोति॒ परा॒ङा व॑र्ततेऽद्ध्व॒र्युः प॒शोः स᳚ज्ञ्ं॒प्यमा॑नात् प॒शुभ्य॑ ए॒व तन्नि ह्नु॑त आ॒त्मनोऽना᳚व्रस्काय॒ गच्छ॑ति॒ श्रियं॒ प्र प॒शूना᳚प्नोति॒ य ए॒वं ॅवेद॑ प॒श्चाल्लो॑का॒ वा ए॒षा प्राच्यु॒दानी॑यते॒ यत् पत्नी॒ नम॑स्त आता॒नेत्या॑हाऽऽ*दि॒त्यस्य॒ वै र॒श्मय॑- [ ]
पदपाठः (Word-by-word)
उपेति॑ । अ॒स्य॒ति॒ । अस्क॑न्दाय । अस्क॑न्नम् । हि । तत् । यत् । ब॒र्॒.हिषि॑ । स्कन्द॑ति । अथो॒ इति॑ । ब॒र्॒.हि॒षद॒मिति॑ बर्.हि - सद᳚म् । ए॒व । ए॒न॒म् । क॒रो॒ति॒ । पराङ्॑ । एति॑ । व॒र्त॒ते॒ । अ॒द्ध्व॒र्युः । प॒शोः । स॒ज्ञ्ं॒प्यमा॑ना॒दिति॑ सं - ज्ञ्॒प्यमा॑नात् । प॒शुभ्य॒ इति॑ प॒शु - भ्यः॒ । ए॒व । तत् । नीति॑ । ह्नु॒ते॒ । आ॒त्मनः॑ । अना᳚व्रस्का॒येत्यना᳚-व्र॒स्का॒य॒ । गच्छ॑ति । श्रिय᳚म् । प्रेति॑ । प॒शून् । आ॒प्नो॒ति॒ । यः । ए॒वम् । वेद॑ । प॒श्चाल्लो॒केति॑ प॒श्चात् - लो॒का॒ । वै । ए॒षा । प्राची᳚ । उ॒दानी॑यत॒ इत्यु॑त् - आनी॑यते । यत् । पत्नी᳚ । नमः॑ । ते॒ । आ॒ता॒नेत्या᳚ - ता॒न॒ । इति॑ । आ॒ह॒ । आ॒दि॒त्यस्य॑ । वै । र॒श्मयः॑ ।