यजुर्वेद

मि॒थु॒नम् । प॒शवः॑ । वै । ए॒ते । यत् । आ॒दि॒त्यः । ऊर्क् । दधि॑ । द॒द्ध्ना । म॒द्ध्य॒तः । श्री॒णा॒ति॒ । ऊर्ज᳚म् । ए॒व । प॒शू॒नाम् । म॒द्ध्य॒तः । द॒धा॒ति॒ । शृ॒ता॒त॒ङ्क्ये॑नेति॑ शृत - आ॒त॒ङ्क्ये॑न । मे॒द्ध्य॒त्वायेति॑ मेद्ध्य - त्वाय॑ । तस्मा᳚त् । आ॒मा । प॒क्वम् । दु॒हे॒ । प॒शवः॑ । वै । ए॒ते । यत् । आ॒दि॒त्यः । प॒रि॒श्रित्येति॑ परि - श्रित्य॑ । गृ॒ह्णा॒ति॒ । प्र॒ति॒रुद्ध्येति॑ प्रति - रुद्ध्य॑ । ए॒व । अ॒स्मै॒ । प॒शून् । गृ॒ह्णा॒ति॒ । प॒शवः॑ । वै । ए॒ते । यत् । आ॒दि॒त्यः । ए॒षः । रु॒द्रः । यत् । अ॒ग्निः । प॒रि॒श्रित्येति॑ परि - श्रित्य॑ । गृ॒ह्णा॒ति॒ । रु॒द्रात् । ए॒व । प॒शून् । अ॒न्तः । द॒धा॒ति॒ ।