त्वम॑ग्ने रु॒द्रो असु॑रो म॒हो दि॒वः । त्वꣳ शर्द्धो॒ मारु॑तं पृ॒क्ष ई॑शिषे । त्वं ॅवातै॑ररु॒णैर्या॑सि शंग॒यः ।त्वं पू॒षा वि॑ध॒तः पा॑सि॒ नु त्मना᳚ । देवा॑ दे॒वेषु॑ श्रयद्ध्वं । प्रथ॑मा द्वि॒तीये॑षु श्रयद्ध्वं । द्विती॑या-स्तृ॒तीये॑षु श्रयद्ध्वं । तृती॑या-श्चतु॒र्थेषु॑ श्रयद्ध्वं । च॒तु॒र्थाः प॑ञ्च॒मेषु॑ श्रयद्ध्वं । प॒ञ्च॒माः ष॒ष्ठेषु॑ श्रयद्ध्वं

ष॒ष्ठाः स॑प्त॒मेषु॑ श्रयद्ध्वं । स॒प्त॒मा अ॑ष्ट॒मेषु॑ श्रयद्ध्वं । अ॒ष्ट॒मा न॑व॒मेषु॑ श्रयद्ध्वं । न॒व॒मा द॑श॒मेषु॑ श्रयद्ध्वं । द॒श॒मा ए॑काद॒शेषु॑ श्रयद्ध्वं । ए॒क॒द॒शा द्वा॑द॒शेषु॑ श्रयद्ध्वं । द्वा॒द॒शा-स्त्र॑योद॒शेषु॑ श्रयद्ध्वं । त्र॒यो॒द॒शा-श्च॑तुर्द॒शेषु॑ श्रयद्ध्वं । च॒तु॒र्द॒शाः प॑ञ्चद॒शेषु॑ श्रयद्ध्वं । प॒ञ्च॒द॒शाः षो॑ड॒शेषु॑ श्रयद्ध्वं

षो॒ड॒शाः स॑प्तद॒शेषु॑ श्रयद्ध्वं । स॒प्त॒द॒शा अ॑ष्टाद॒शेषु॑ श्रयद्ध्वं । अ॒ष्टा॒द॒शा ए॑कान्नविꣳ॒॒शेषु॑ श्रयद्ध्वं । ए॒का॒न्न॒विꣳ॒॒शा विꣳ॒॒शेषु॑ श्रयद्ध्वं । विꣳ॒॒शा ए॑कविꣳ॒॒शेषु॑ श्रयद्ध्वं । ए॒क॒विꣳ॒॒शा द्वा॑विꣳ॒॒शेषु॑ श्रयद्ध्वं । द्वा॒विꣳ॒॒शा स्त्र॑योविꣳ॒॒शेषु॑ श्रयद्ध्वं । त्र॒यो॒विꣳ॒॒शा श्च॑तुर्विꣳ॒॒शेषु॑ श्रयद्ध्वं । च॒तु॒र्विꣳ॒॒शाः प॑ञ्चविꣳ॒॒शेषु॑ श्रयद्ध्वं । प॒ञ्च॒विꣳ॒॒शाः ष॑ड्विꣳ॒॒शेषु॑ श्रयद्ध्वं

ष॒ड्विꣳ॒॒शाः स॑प्तविꣳ॒॒शेषु॑ श्रयद्ध्वं । स॒प्त॒विꣳ॒॒शा अ॑ष्टाविꣳ॒॒शेषु॑ श्रयद्ध्वं । अ॒ष्टा॒विꣳ॒॒शा ए॑कान्नत्रिꣳ॒॒शेषु॑ श्रयद्ध्वं । ए॒का॒न्न॒त्रिꣳ॒॒शा स्त्रिꣳ॒॒शेषु॑ श्रयद्ध्वं । त्रिꣳ॒॒शा ए॑कत्रिꣳ॒॒शेषु॑ श्रयद्ध्वं । ए॒क॒त्रिꣳ॒॒शा द्वा᳚त्रिꣳ॒॒शेषु॑ श्रयद्ध्वं । द्वा॒त्रिꣳ॒॒शा स्त्र॑यस्त्रिꣳ॒॒शेषु॑ श्रयद्ध्वं । देवा᳚स्त्रिरे-कादशा॒ स्त्रिस्त्र॑यस्त्रिꣳशाः । उत्त॑रे भवत । उत्त॑र वर्त्मान॒ उत्त॑र सत्वानः ( ) । यत्का॑म इ॒दं जु॒होमि॑ । तन्मे॒ समृ॑द्ध्यतां । व॒यꣳ स्या॑म॒ पत॑यो रयी॒णां । भूर्भुव॒स्वः॑ स्वाहा᳚ ।