अन्न॑प॒ते ऽन्न॑स्य नो देहि । अ॒न॒मी॒वस्य॑ शु॒ष्मिणः॑ । प्रप्र॑दा॒तार॑न्तारिषः । ऊर्जं॑ नो धेहि द्वि॒पदे॒ चतु॑ष्पदे । अग्ने॑ पृथिवीपते । सोम॑ वीरुधां पते । त्वष्टः॑ समिधां पते । विष्ण॑वाशानां पते । मित्र॑ सत्यानां पते । वरु॑ण धर्मणां पते

म॒रुतो॑ गणानां पतयः । रुद्र॑ पशूनां पते । इन्द्रौ॑जसां पते । बृह॑स्पते ब्रह्मणस्पते । आ रु॒चा रो॑चे॒ऽहꣳ स्व॒यं । रु॒चा रु॑रुचे॒-रोच॑मानः । अ॒तीत्या॒दः स्व॑राभ॑रे॒ह । तस्मि॒न॒. योनौ᳚ प्रज॒नौ प्रजा॑येय । व॒यꣳ स्या॑म॒ पत॑यो रयी॒णां । भूर्भुवः॒ स्वः॑ स्वाहा᳚ ( ) ।