य॒ज्ञ्ꣳ शृ॒णोतु॑ दे॒वः स॑वि॒ता हवं॑ मे । देवी॑रापो अपां नपा॒द्य ऊ॒र्मिर्ह॑वि॒ष्य॑ इन्द्रि॒यावा᳚न् म॒दिन्त॑म॒स्तं दे॒वेभ्यो॑ देव॒त्रा ध॑त्त शु॒क्रꣳ शु॑क्र॒पेभ्यो॒ येषां᳚ भा॒गः स्थ स्वाहा॒ कार्.षि॑र॒स्यपा॒ऽपां मृ॒द्ध्रꣳ स॑मु॒द्रस्य॒ वोऽक्षि॑त्या॒ उन्न॑ये । यम॑ग्ने पृ॒थ्सु मर्त्य॒मावो॒ वाजे॑षु॒ यं जु॒नाः । स यन्ता॒ शश्व॑ती॒रिषः॑ ॥
पदपाठः (Word-by-word)
य॒ज्ञ्म् । शृ॒णोतु॑ । दे॒वः । स॒वि॒ता । हव᳚म् । मे॒ ॥ देवीः᳚ । आ॒पः॒ । अ॒पा॒म् । न॒पा॒त् । यः । ऊ॒र्मिः । ह॒वि॒ष्यः॑ । इ॒न्द्रि॒यावा॒निती᳚न्द्रि॒य - वा॒न् । म॒दिन्त॑मः । तम् । दे॒वेभ्यः॑ । दे॒व॒त्रेति॑ देव - त्रा । ध॒त्त॒ । शु॒क्रम् । शु॒क्र॒पेभ्य॒ इति॑ शुक्र - पेभ्यः॑ । येषा᳚म् । भा॒गः । स्थ । स्वाहा᳚ । कार्.षिः॑ । अ॒सि॒ । अपेति॑ । अ॒पाम् । मृ॒द्ध्रम् । स॒मु॒द्रस्य॑ । वः॒ । अक्षि॑त्यै । उदिति॑ । न॒ये॒ ॥ यम् । अ॒ग्ने॒ । पृ॒थ्स्विति॑ पृ॒त् - सु । मर्त्य᳚म् । आवः॑ । वाजे॑षु । यम् । जु॒नाः ॥ सः । यन्ता᳚ । शश्व॑तीः । इषः॑ ॥