वाते॑ना॒स्य ह॒विष॒स्त्मना॑ यज॒ सम॑स्य त॒नुवा॑ भव॒ वर्.षी॑यो॒ वर्.षी॑यसि य॒ज्ञे य॒ज्ञ्पतिं॑ धाः पृ॑थि॒व्याः सं॒पृचः॑ पाहि॒ नम॑स्त आतानाऽन॒र्वा प्रेहि॑ घृ॒तस्य॑ कु॒॒ल्यामनु॑ स॒ह प्र॒जया॑ स॒ह रा॒यस्पोषे॒णा ऽऽपो॑ देवीः शुद्धायुवः शु॒द्धा यू॒यं दे॒वाꣳ ऊ᳚ढ्वꣳ शु॒द्धा व॒यं परि॑विष्टाः परिवे॒ष्टारो॑ वो भूयास्म ॥
पदपाठः (Word-by-word)
वाते॑न । अ॒स्य । ह॒विषः॑ । त्मना᳚ । य॒ज॒ । समिति॑ । अ॒स्य॒ । त॒नुवा᳚ । भ॒व॒ । वर्.षी॑यः । वर्.षी॑यसि । य॒ज्ञे । य॒ज्ञ्प॑ति॒मिति॑ य॒ज्ञ् - प॒ति॒म् । धाः॒ । पृ॒थि॒व्याः । स॒म्पृच॒ इति॑ सम् - पृचः॑ । पा॒हि॒ । नमः॑ । ते॒ । आ॒ता॒नेत्या᳚ - ता॒न॒ । अ॒न॒र्वा । प्रेति॑ । इ॒हि॒ । घृ॒तस्य॑ । कु॒॒ल्याम् । अन्विति॑ । स॒ह । प्र॒जयेति॑ प्र - जया᳚ । स॒ह । रा॒यः । पोषे॑ण । आपः॑ । दे॒वीः॒ । शु॒द्धा॒यु॒व॒ इति॑ शुद्ध - यु॒वः॒ । शु॒द्धाः । यू॒यम् । दे॒वान् । ऊ॒ढ्व॒म् । शु॒द्धाः । व॒यम् । परि॑विष्टा॒ इति॒ परि॑ - वि॒ष्टाः॒ । प॒रि॒वे॒ष्टार॒ इति॑ परि - वे॒ष्टारः॑ । वः॒ । भू॒या॒स्म॒ ॥