यजुर्वेद

शम् । ओष॑धीभ्य॒ इत्योषा॑ध - भ्यः॒ । शम् । पृ॒थि॒व्यै । शम् । अहो᳚भ्या॒मित्यहः॑ - भ्या॒म् । ओष॑धे । त्राय॑स्व । ए॒न॒म् । स्वधि॑त॒ इति॒ स्व - धि॒ते॒ । मा । ए॒न॒म् । हिꣳ॒॒सीः॒ । रक्ष॑साम् । भा॒गः । अ॒सि॒ । इ॒दम् । अ॒हम् । रक्षः॑ । अ॒ध॒मम् । तमः॑ । न॒या॒मि॒ । यः । अ॒स्मान् । द्वेष्टि॑ । यम् । च॒ । व॒यम् । द्वि॒ष्मः । इ॒दम् । ए॒न॒म् । अ॒ध॒मम् । तमः॑ । न॒या॒मि॒ । इ॒षे । त्वा॒ । घृ॒तेन॑ । द्या॒वा॒पृ॒थि॒वी॒ इति॑ द्यावा - पृ॒थि॒वी॒ । प्रेति॑ । ऊ॒र्ण्वा॒था॒म् । अच्छि॑न्नः । रायः॑ । सु॒वीर॒ इति॑ सु - वीरः॑ । उ॒रु । अ॒न्तरि॑क्षम् । अन्विति॑ । इ॒हि॒ । वायो॒ इति॑ । वीति॑ । इ॒हि॒ ( ) । स्तो॒काना᳚म् । स्वाहा᳚ । ऊ॒र्द्ध्वन॑भस॒मित्यू॒र्द्ध्व - न॒भ॒स॒म् । मा॒रु॒तम् । ग॒च्छ॒त॒म् ॥