अ॒ग्निर्बृ॒हद्व॑या विश्व॒जिथ् सह॑न्त्यः॒ श्रेष्ठो॑ गन्ध॒र्वः । त्वत्पि॑तारो अग्ने दे॒वा-स्त्वामा॑हुतय॒-स्त्वद्वि॑वाचनाः । सं मामायु॑षा॒ सं गौ॑प॒त्येन॒ सुहि॑ते मा धाः ॥ अ॒यम॒ग्निः श्रेष्ठ॑तमो॒ ऽयं भग॑वत्तमो॒ ऽयꣳ स॑हस्र॒सात॑मः । अ॒स्मा अ॑स्तु सु॒वीर्यं᳚ ॥ मनो॒ ज्योति॑र् जुषता॒माज्यं॒ ॅविच्छि॑न्नं ॅय॒ज्ञ्ꣳ समि॒मं द॑धातु । या इ॒ष्टा उ॒षसो॑ नि॒म्रुच॑श्च॒ ताः सं द॑धामि ह॒विषा॑ घृ॒तेन॑ ॥ पय॑स्वती॒रोष॑धयः॒ - [ ]
पदपाठः (Word-by-word)
अ॒ग्निः । बृ॒हद्व॑या॒ इति॑ बृ॒हत् - व॒याः॒ । वि॒श्व॒जिदिति॑ विश्व - जित् । सह॑न्त्यः । श्रेष्ठः॑ । ग॒न्ध॒र्वः ॥ त्वत्पि॑तार॒ इति॒ त्वत्-पि॒ता॒रः॒ । अ॒ग्ने॒ । दे॒वाः । त्वामा॑हुतय॒ इति॒ त्वाम् - आ॒हु॒त॒यः॒ । त्वद्वि॑वाचना॒ इति॒ त्वत् - वि॒वा॒च॒नाः॒ ॥ समिति॑ । माम् । आयु॑षा । समिति॑ । गौ॒प॒त्येन॑ । सुहि॑त॒ इति॒ सु - हि॒ते॒ । मा॒ । धाः॒ ॥ अ॒यम् । अ॒ग्निः । श्रेष्ठ॑तम॒ इति॒ श्रेष्ठ॑ - त॒मः॒ । अ॒यम् । भग॑वत्तम॒ इति॒ भग॑वत्-त॒मः॒ । अ॒यम् । स॒ह॒स्र॒सात॑म॒ इति॑ सहस्र - सात॑मः ॥ अ॒स्मै । अ॒स्तु॒ । सु॒वीर्य॒मिति॑ सु - वीर्य᳚म् ॥ मनः॑ । ज्योतिः॑ । जु॒ष॒ता॒म् । आज्य᳚म् । विच्छि॑न्न॒मिति॒ वि - छि॒न्न॒म् । य॒ज्ञ्म् । समिति॑ । इ॒मम् । द॒धा॒तु॒ ॥ याः । इ॒ष्टाः । उ॒षसः॑ । नि॒म्रुच॒ इति॑ नि-म्रुचः॑ । च॒ । ताः । समिति॑ । द॒धा॒मि॒ । ह॒विषा᳚ । घृ॒तेन॑ ॥ पय॑स्वतीः । ओष॑धयः ।