यजुर्वेद

जु॒होति॑ । यज॑मानम् । ए॒व । उ॒भ॒यतः॑ । प॒शुभि॒रिति॑ प॒शु - भिः॒ । परीति॑ । गृ॒ह्णा॒ति॒ । कृ॒तय॑जु॒रिति॑ कृ॒त - य॒जुः॒ । संभृ॑तसंभार॒ इति॒ संभृ॑त - स॒भां॒रः॒ । इति॑ । आ॒हुः॒ । न । स॒भृंत्या॒ इति॑ सं - भृत्याः᳚ । सं॒भा॒रा इति॑ सं-भा॒राः । न । यजुः॑ । क॒र्त॒व्य᳚म् । इति॑ । अथा॒ इति॑ । खलु॑ । स॒भृंत्या॒ इति॑ सं - भृत्याः᳚ । ए॒व । स॒भां॒रा इति॑ सं-भा॒राः । क॒र्त॒व्य᳚म् । यजुः॑ । य॒ज्ञ्स्य॑ । समृ॑द्ध्या॒ इति॒ सं - ऋ॒द्ध्यै॒ । पु॒न॒र्नि॒ष्कृ॒त इति ॑पुनः - नि॒ष्कृ॒तः । रथः॑ । दक्षि॑णा । पु॒न॒रु॒थ्स्यू॒तमिति॑ पुनः - उ॒थ्स्यू॒तम् । वासः॑ । पु॒न॒रु॒थ्सृ॒ष्ट इति॑ पुनः - उ॒थ्सृ॒ष्टः । अ॒न॒ड्वान् । पु॒न॒रा॒धेय॒स्येति॑ पुनः - आ॒धेय॑स्य । समृ॑द्ध्या॒ इति॒ सं - ऋ॒द्ध्यै॒ । स॒प्त । ते॒ । अ॒ग्ने॒ । स॒मिध॒ इति॑ सं - इधः॑ । स॒प्त । जि॒ह्वाः । इति॑ । अ॒ग्नि॒हो॒त्रमित्य॑ग्नि - हो॒त्रम् । जु॒हो॒ति॒ । यत्र॑य॒त्रेति॒ यत्र॑-य॒त्र॒ । ए॒व । अ॒स्य॒ । न्य॑क्त॒मिति॒ नि - अ॒क्त॒म् । ततः॑ ।