मन्त्र॑मपश्य॒त् ततो॒ वै ताम॒न्नाद्य॒-मुपा॑नम॒द्यथ् -स॑र्परा॒ज्ञिया॑ ऋ॒ग्भिर् गार्.ह॑पत्य-मा॒दधा᳚त्य॒न्नाद्य॒स्याव॑रुद्ध्या॒ अथो॑ अ॒स्यामे॒वैनं॒ प्रति॑ष्ठित॒मा ध॑त्ते॒ यत्त्वा᳚ क्रु॒द्धः प॑रो॒वपेत्या॒हाप॑ह्नुत ए॒वास्मै॒ तत् पुन॒स्त्वोद्दी॑पयाम॒सीत्या॑ह॒ समि॑न्ध ए॒वैनं॒ ॅयत्ते॑ म॒न्युप॑रोप्त॒स्येत्या॑ह दे॒वता॑भिरे॒वै - [ ]
पदपाठः (Word-by-word)
मन्त्र᳚म् । अ॒प॒श्य॒त् । ततः॑ । वै । ताम् । अ॒न्नाद्य॒मित्य॑न्न - अद्य᳚म् । उपेति॑ । अ॒न॒म॒त् । यत् । स॒र्प॒रा॒ज्ञिया॒ इति॑ सर्प -रा॒ज्ञियाः᳚ । ऋ॒ग्भिरित्यृ॑क् - भिः । गार्.ह॑पत्य॒मिति॒ गार्.ह॑ - प॒त्य॒म् । आ॒दधा॒तीत्या᳚ - दधा॑ति । अ॒न्नाद्य॒स्येत्य॑न्न - अद्य॑स्य । अव॑रुद्ध्या॒ इत्यव॑ - रु॒द्ध्यै॒ । अथो॒ इति॑ । अ॒स्याम् । ए॒व । ए॒न॒म् । प्रति॑ष्ठित॒मिति॒ प्रति॑ - स्थि॒त॒म् । एति॑ । ध॒त्ते॒ । यत् । त्वा॒ । क्रु॒द्धः । प॒रो॒वपेति॑ परा - उ॒वप॑ । इति॑ । आ॒ह॒ । अपेति॑ । ह्नु॒ते॒ । ए॒व । अ॒स्मै॒ । तत् । पुनः॑ । त्वा॒ । उदिति॑ । दी॒प॒या॒म॒सि॒ । इति॑ । आ॒ह॒ । समिति॑ । इ॒न्धे॒ । ए॒व । ए॒न॒म् । यत् । ते॒ । म॒न्युप॑रोप्त॒स्येति॑ म॒न्यु - प॒रो॒प्त॒स्य॒ । इति॑ । आ॒ह॒ । दे॒वता॑भिः । ए॒व ।