त्वं नो॒ अन्त॑मः । उ॒त त्रा॒ता शि॒वो भ॑व वरू॒त्थ्यः॑ ॥ तं त्वा॑ शोचिष्ठ दीदिवः । सु॒म्नाय॑ नू॒नमी॑महे॒ सखि॑भ्यः ॥ वसु॑र॒ग्निर् वसु॑श्रवाः । अच्छा॑ नक्षि द्यु॒मत्त॑मो र॒यिं दाः᳚ ॥ ऊ॒र्जा वः॑ पश्याम्यू॒र्जा मा॑ पश्यत रा॒यस्पोषे॑ण वः पश्यामि रा॒यस्पोषे॑ण मा पश्य॒तेडाः᳚ स्थ मधु॒कृतः॑ स्यो॒ना मा ऽऽवि॑श॒तेरा॒ मदः॑ । स॒ह॒स्र॒पो॒षं ॅवः॑ पुष्यासं॒ - [ ]
पदपाठः (Word-by-word)
त्वम् । नः॒ । अन्त॑मः ॥ उ॒त । त्रा॒ता । शि॒वः । भ॒व॒ । व॒रू॒थ्यः॑ ॥ तम् । त्वा॒ । शो॒चि॒ष्ठ॒ । दी॒दि॒वः॒ ॥ सु॒म्नाय॑ । नू॒नम् । ई॒म॒हे॒ । सखि॑भ्य॒ इति॒ सखि॑ - भ्यः॒ ॥ वसुः॑ । अ॒ग्निः । वसु॑श्रवा॒ इति॒ वसु॑ - श्र॒वाः॒ ॥ अच्छ॑ । न॒क्षि॒ । द्यु॒मत्त॑म॒ इति॑ द्यु॒मत् - त॒मः॒ । र॒यिम् । दाः॒ ॥ ऊ॒र्जा । वः॒ । प॒श्या॒मि॒ । ऊ॒र्जा । मा॒ । प॒श्य॒त॒ । रा॒यः । पोषे॑ण । वः॒ । प॒श्या॒मि॒ । रा॒यः । पोषे॑ण । मा॒ । प॒श्य॒त॒ । इडाः᳚ । स्थ॒ । म॒धु॒कृत॒ इति॑ मधु - कृतः॑ । स्यो॒नाः । मा॒ । एति॑ । वि॒श॒त॒ । इराः᳚ । मदः॑ ॥ स॒ह॒स्र॒पो॒षमिति॑ सहस्र - पो॒षम् । वः॒ । पु॒ष्या॒स॒म् ।