मे॒वैनꣳ॑ समा॒नानां᳚ करो॒त्यथो॑ देवलो॒कादे॒व म॑नुष्यलो॒के प्रति॑ तिष्ठत्य॒यमि॒ह प्र॑थ॒मो धा॑यि धा॒तृभि॒रित्या॑ह॒ मुख्य॑मे॒वैनं॑ करोत्यु॒भा वा॑मिन्द्राग्नी आहु॒वद्ध्या॒ इत्या॒हौजो॒ बल॑मे॒वाव॑ रुन्धे॒ ऽयं ते॒ योनि॑र्. ऋ॒त्विय॒ इत्या॑ह प॒शवो॒ वै र॒यिः प॒शूने॒वाव॑ रुन्धे ष॒ड्भिरुप॑ तिष्ठते॒ षड्वा - [ ]
पदपाठः (Word-by-word)
ए॒व । ए॒न॒म् । स॒मा॒नाना᳚म् । क॒रो॒ति॒ । अथो॒ इति॑ । दे॒व॒लो॒कादिति॑ देव - लो॒कात् । ए॒व । म॒नु॒ष्य॒लो॒क इति॑ मनुष्य - लो॒के । प्रतीति॑ । ति॒ष्ठ॒ति॒ । अ॒यम् । इ॒ह । प्र॒थ॒मः । धा॒यि॒ । धा॒तृभि॒रिति॑ धा॒तृ - भिः॒ । इति॑ । आ॒ह॒ । मुख्य᳚म् । ए॒व । ए॒न॒म् । क॒रो॒ति॒ । उ॒भा । वा॒म् । इ॒न्द्रा॒ग्नी॒ इती᳚न्द्र - अ॒ग्नी॒ । आ॒हु॒वद्ध्यै᳚ । इति॑ । आ॒ह॒ । ओजः॑ । बल᳚म् । ए॒व । अवेति॑ । रु॒न्धे॒ । अ॒यम् । ते॒ । योनिः॑ । ऋ॒त्वियः॑ । इति॑ । आ॒ह॒ । प॒शवः॑ । वै । र॒यिः । प॒शून् । ए॒व । अवेति॑ । रु॒न्धे॒ । ष॒ड्भिरिति॑ षट् - भिः । उपेति॑ । ति॒ष्ठ॒ते॒ । षट् । वै ।