-होर्जो॒ ह्ये॑ता रेव॑ती॒ रम॑द्ध्व॒मित्या॑ह प॒शवो॒ वै रे॒वतीः᳚ प॒शूने॒वात्मन् र॑मयत इ॒हैव स्ते॒तो माऽप॑ गा॒तेत्या॑ह ध्रु॒वा ए॒वैना॒ अन॑पगाः कुरुत इष्टक॒चिद्वा अ॒न्यो᳚ऽग्निः प॑शु॒चिद॒न्यः सꣳ॑हि॒तासि॑ विश्वरू॒पीरिति॑ व॒थ्सम॒भि मृ॑श॒त्युपै॒वैनं॑ धत्ते पशु॒चित॑मेनं कुरुते॒ प्र - [ ]
पदपाठः (Word-by-word)
आ॒ह॒ । ऊर्जः॑ । हि । ए॒ताः । रेव॑तीः । रम॑द्ध्वम् । इति॑ । आ॒ह॒ । प॒शवः॑ । वै । रे॒वतीः᳚ । प॒शून् । ए॒व । आ॒त्मन्न् । र॒म॒य॒ते॒ । इ॒ह । ए॒व । स्त॒ । इ॒तः । मा । अपेति॑ । गा॒त॒ । इति॑ । आ॒ह॒ । ध्रु॒वाः । ए॒व । ए॒नाः॒ । अन॑पगा॒ इत्यन॑प-गाः॒ । कु॒रु॒ते॒ । इ॒ष्ट॒क॒चिदिती᳚ष्टक-चित् । वै । अ॒न्यः । अ॒ग्निः । प॒शु॒चिदिति॑ पशु - चित् । अ॒न्यः । सꣳ॒॒हि॒तेति॑ सं - हि॒ता । अ॒सि॒ । वि॒श्व॒रू॒पीरिति॑ विश्व - रू॒पीः । इति॑ । व॒थ्सम् । अ॒भीति॑ । मृ॒श॒ति॒ । उपेति॑ । ए॒व । ए॒न॒म् । ध॒त्ते॒ । प॒शु॒चित॒मिति॑ पशु - चित᳚म् । ए॒न॒म् । कु॒रु॒ते॒ । प्रेति॑ ।