आऽस्य॑ वी॒रो जा॑यत ऊ॒र्जा वः॑ पश्याम्यू॒र्जा मा॑ पश्य॒तेत्या॑हा॒ ऽऽशिष॑मे॒वैतामा शा᳚स्ते॒ तथ्स॑वि॒तुर् वरे᳚ण्य॒मित्या॑ह॒ प्रसू᳚त्यै सो॒मानꣳ॒॒ स्वर॑ण॒मित्या॑ह सोमपी॒थमे॒वाव॑ रुन्धे कृणु॒हि ब्र॑ह्मणस्पत॒ इत्या॑ह ब्रह्मवर्च॒समे॒वाव॑ रुन्धे क॒दा च॒न स्त॒रीर॒सीत्या॑ह॒ न स्त॒रीꣳ रात्रिं॑ ॅवसति॒ - [ ]
पदपाठः (Word-by-word)
एति॑ । अ॒स्य॒ । वी॒रः । जा॒य॒ते॒ । ऊ॒र्जा । वः॒ । प॒श्या॒मि॒ । ऊ॒र्जा । मा॒ । प॒श्य॒त॒ । इति॑ । आ॒ह॒ । आ॒शिष॒मित्या᳚ - शिष᳚म् । ए॒व । ए॒ताम् । एति॑ । शा॒स्ते॒ । तत् । स॒वि॒तुः । वरे᳚ण्यम् । इति॑ । आ॒ह॒ । प्रसू᳚त्या॒ इति॒ प्र - सू॒त्यै॒ । सो॒मान᳚म् । स्वर॑णम् । इति॑ । आ॒ह॒ । सो॒म॒पी॒थमिति॑ सोम - पी॒थम् । ए॒व । अवेति॑ । रु॒न्धे॒ । कृ॒णु॒हि । ब्र॒ह्म॒णः॒ । प॒ते॒ । इति॑ । आ॒ह॒ । ब्र॒ह्म॒व॒र्च॒समिति॑ ब्रह्म-व॒र्च॒सम् । ए॒व । अवेति॑ । रु॒न्धे॒ । क॒दा । च॒न । स्त॒रीः । अ॒सि॒ । इति॑ । आ॒ह॒ । न । स्त॒रीम् । रात्रि᳚म् । व॒स॒ति॒ ।