त्वष्टा॑ रू॒पाणि॑ विक॒रोति॑ ताव॒च्छो वै तत्प्र जा॑यत ए॒ष वै दैव्य॒स्त्वष्टा॒ यो यज॑ते ब॒ह्वीभि॒रुप॑ तिष्ठते॒ रेत॑स ए॒व सि॒क्तस्य॑ बहु॒शो रू॒पाणि॒ वि क॑रोति॒ स प्रैव जा॑यते॒ श्वःश्वो॒ भूया᳚न् भवति॒ य ए॒वं ॅवि॒द्वान॒ग्निमु॑प॒तिष्ठ॒ते ऽह॑र्दे॒वाना॒मासी॒द् - रात्रि॒रसु॑राणां॒ तेऽसु॑रा॒ यद्दे॒वानां᳚ ॅवि॒त्तं ॅवेद्य॒मासी॒त्तेन॑ स॒ह- [ ]
पदपाठः (Word-by-word)
त्वष्टा᳚ । रू॒पाणि॑ । वि॒क॒रोतीति॑ वि - क॒रोति॑ । ता॒व॒च्छ इति॑ तावत्-शः । वै । तत् । प्रेति॑ । जा॒य॒ते॒ । ए॒षः । वै । दैव्यः॑ । त्वष्टा᳚ । यः । यज॑ते । ब॒ह्वीभिः॑ । उपेति॑ । ति॒ष्ठ॒ते॒ । रेत॑सः । ए॒व । सि॒क्तस्य॑ । ब॒हु॒श इति॑ बहु - शः । रू॒पाणि॑ । वीति॑ । क॒रो॒ति॒ । सः । प्रेति॑ । ए॒व । जा॒य॒ते॒ । श्वः श्व॒ इति॒ श्वः - श्वः॒ । भूयान्॑ । भ॒व॒ति॒ । यः । ए॒वम् । वि॒द्वान् । अ॒ग्निम् । उ॒प॒तिष्ठ॑त॒ इत्यु॑प - तिष्ठ॑ते । अहः॑ । दे॒वाना᳚म् । आसी᳚त् । रात्रिः॑ । असु॑राणाम् । ते । असु॑राः । यत् । दे॒वाना᳚म् । वि॒त्तम् । वेद्य᳚म् । असी᳚त् । तेन॑ । स॒ह ।