न्नक्त॑मुप॒तिष्ठ॑ते॒ ज्योति॑षै॒व तम॑स्तरत्युप॒स्थेयो॒ ऽग्नी(3)र् नोप॒स्थेया(3) इत्या॑हुर् मनु॒ष्या॑येन्न्वै योऽह॑रहरा॒हृत्याऽथै॑नं॒ ॅयाच॑ति॒ स इन्न्वै तमुपा᳚र्च्छ॒त्यथ॒ को दे॒वानह॑रहर्याचिष्य॒तीति॒ तस्मा॒न्नोप॒स्थेयो ऽथो॒ खल्वा॑हुरा॒शिषे॒ वै कं ॅयज॑मानो यजत॒ इत्ये॒षा खलु॒ वा - [ ]
पदपाठः (Word-by-word)
नक्त᳚म् । उ॒प॒तिष्ठ॑त॒ इत्यु॑प - तिष्ठ॑ते । ज्योति॑षा । ए॒व । तमः॑ । त॒र॒ति॒ । उ॒प॒स्थेय॒ इत्यु॑प - स्थेयः॑ । अ॒ग्नी(3)ः । न । उ॒प॒स्थेया(3) इत्यु॑प-स्थेया(3)ः । इति॑ । आ॒हुः॒ । म॒नु॒ष्या॑य । इत् । नु । वै । यः । अह॑रह॒रित्यहः॑ - अ॒हः॒ । आ॒हृत्येत्या᳚ - हृत्य॑ । अथ॑ । ए॒न॒म् । याच॑ति । सः । इत् । नु । वै । तम् । उपेति॑ । ऋ॒च्छ॒ति॒ । अथ॑ । कः । दे॒वान् । अह॑रह॒रित्यहः॑-अ॒हः॒ । या॒चि॒ष्य॒ति॒ । इति॑ । तस्मा᳚त् । न । उ॒प॒स्थेय॒ इत्यु॑प - स्थेयः॑ । अथो॒ इति॑ । खलु॑ । आ॒हुः॒ । आ॒शिष॒ इत्या᳚ - शिषे᳚ । वै । कम् । यज॑मानः । य॒ज॒ते॒ । इति॑ । ए॒षा । खलु॑ । वै ।