यजुर्वेद

व्याय॑च्छन्त॒ इति॑ वि - आय॑च्छन्ते । येषा᳚म् । सोमः॑ । स॒मृ॒च्छत॒ इति॑ सं - ऋ॒च्छते᳚ । सं॒ॅवे॒शायेति॑ सं - वे॒शाय॑ । त्वा॒ । उ॒प॒वे॒शायेत्यु॑प - वे॒शाय॑ । त्वा॒ । इति॑ । आ॒ह॒ । छन्दाꣳ॑सि । वै । सं॒ॅवे॒श इति॑ सं - वे॒शः । उ॒प॒वे॒श इत्यु॑प - वे॒शः । छन्दो॑भि॒रिति॒ छन्दः॑ - भिः॒ । ए॒व । अ॒स्य॒ । छन्दाꣳ॑सि । वृ॒ङ्क्ते॒ । प्रेति॑व॒न्तीति॒ प्रेति॑ - व॒न्ति॒ । आज्या॑नि । भ॒व॒न्ति॒ । अ॒भिजि॑त्या॒ इत्य॒भि - जि॒त्यै॒ । म॒रुत्व॑तीः । प्र॒ति॒पद॒ इति॑ प्रति - पदः॑ । विजि॑त्या॒ इति॒ वि - जि॒त्यै॒ । उ॒भे इति॑ । बृ॒ह॒द्र॒थ॒न्त॒रे इति॑ बृहत् - र॒थ॒न्त॒रे । भ॒व॒तः॒ । इ॒यम् । वाव । र॒थ॒न्त॒रमिति॑ रथम्-त॒रम् । अ॒सौ । बृ॒हत् । आ॒भ्याम् । ए॒व । ए॒न॒म् । अ॒न्तः । ए॒ति॒ । अ॒द्य । वाव । र॒थ॒न्त॒रमिति॑ रथम् - त॒रम् । श्वः । बृ॒हत् । अ॒द्या॒श्वादित्य॑द्य - श्वात् । ए॒व । ए॒न॒म् । अ॒न्तः । ए॒ति॒ । भू॒तम् ।