यु॑ष्मन्तः स॒हभ॑क्षाः स्याम ॥ विश्वे॑ दे॒वा म॒रुत॒ इन्द्रो॑ अ॒स्मान॒स्मिन् द्वि॒तीये॒ सव॑ने॒ न ज॑ह्युः । आयु॑ष्मन्तः प्रि॒यमे॑षां॒ ॅवद॑न्तो व॒यं दे॒वानाꣳ॑ सुम॒तौ स्या॑म ॥ इ॒दं तृ॒तीयꣳ॒॒ सव॑नं कवी॒नामृ॒तेन॒ ये च॑म॒समैर॑यन्त । ते सौ॑धन्व॒नाः सुव॑रानशा॒नाः स्वि॑ष्टिं नो अ॒भि वसी॑यो नयन्तु ॥ आ॒यत॑नवती॒र्वा अ॒न्या आहु॑तयो हू॒यन्ते॑ऽनायत॒ना अ॒न्या या आ॑घा॒रव॑ती॒स्ता आ॒यतन॑वती॒र्याः - [ ]
पदपाठः (Word-by-word)
आयु॑ष्मन्तः । स॒हभ॑क्षा॒ इति॑ स॒ह-भ॒क्षाः॒ । स्या॒म॒ ॥ विश्वे᳚ । दे॒वाः । म॒रुतः॑ । इन्द्रः॑ । अ॒स्मान् । अ॒स्मिन्न् । द्वि॒तीये᳚ । सव॑ने । न । ज॒ह्युः॒ ॥ आयु॑ष्मन्तः । प्रि॒यम् । ए॒षा॒म् । वद॑न्तः । व॒यम् । दे॒वाना᳚म् । सु॒म॒ताविति॑ सु - म॒तौ । स्या॒म॒ ॥ इ॒दम् । तृ॒तीय᳚म् । सव॑नम् । क॒वी॒नाम् । ऋ॒तेन॑ । ये । च॒म॒सम् । ऐर॑यन्त ॥ ते । सौ॒ध॒न्व॒नाः । सुवः॑ । आ॒न॒शा॒नाः । स्वि॑ष्टि॒मिति॒ सु - इ॒ष्टि॒म् । नः॒ । अ॒भीति॑ । वसी॑यः । न॒य॒न्तु॒ ॥ आ॒यत॑नवती॒रित्या॒यत॑न - व॒तीः॒ । वै । अ॒न्याः । आहु॑तय॒ इत्या - हु॒त॒यः॒ । हू॒यन्ते᳚ । अ॒ना॒य॒त॒ना इत्य॑ना - य॒त॒नाः । अ॒न्याः । याः । आ॒घा॒रव॑ती॒रित्या॑घा॒र - व॒तीः॒ । ताः । आ॒यत॑नवती॒रित्या॒यत॑न - व॒तीः॒ । याः ।