सु॑व॒र्गं ॅलो॒कं न प्रजा॑नन्ति॒ तेभ्य॑ इ॒दं ब्राह्म॑णं ब्रूहि॒ ते सु॑व॒र्गं ॅलो॒कं ॅयन्तो॒ य ए॑षां प॒शव॒स्ताꣳस्ते॑ दास्य॒न्तीति॒ तदे᳚भ्योऽब्रवी॒त् ते सु॑व॒र्गं ॅलो॒कं ॅयन्तो॒ य ए॑षां प॒शव॒ आस॒न् तान॑स्मा अददु॒स्तं प॒शुभि॒श्चर॑न्तं ॅयज्ञ्वा॒स्तौ रु॒द्र आऽग॑च्छ॒थ् सो᳚ऽब्रवी॒न्मम॒ वा इ॒मे प॒शव॒ इत्यदु॒र्वै - [ ]
पदपाठः (Word-by-word)
सु॒व॒र्गमिति॑ सुवः - गम् । लो॒कम् । न । प्रेति॑ । जा॒न॒न्ति॒ । तेभ्यः॑ । इ॒दम् । ब्राह्म॑णम् । ब्रू॒हि॒ । ते । सु॒व॒र्गमिति॑ सुवः - गम् । लो॒कम् । यन्तः॑ । ये । ए॒षा॒म् । प॒शवः॑ । तान् । ते॒ । दा॒स्य॒न्ति॒ । इति॑ । तत् । ए॒भ्यः॒ । अ॒ब्र॒वी॒त् । ते । सु॒व॒र्गमिति॑ सुवः - गम् । लो॒कम् । यन्तः॑ । ये । ए॒षा॒म् । प॒शवः॑ । आसन्न्॑ । तान् । अ॒स्मै॒ । अ॒द॒दुः॒ । तम् । प॒शुभि॒रिति॑ प॒शु - भिः॒ । चर॑न्तम् । य॒ज्ञ्॒वा॒स्ताविति॑ यज्ञ्-वा॒स्तौ । रु॒द्रः । एति॑ । अ॒ग॒च्छ॒त् । सः । अ॒ब्र॒वी॒त् । मम॑ । वै । इ॒मे । प॒शवः॑ । इति॑ । अदुः॑ । वै ।