यज॑मानोऽहोरा॒त्राणि॒ वा ए॒तस्येष्ट॑का॒ य आहि॑ताग्नि॒र्यथ् सा॒यं प्रा॑तर्जु॒होत्य॑होरा॒त्राण्ये॒वा ऽऽ*प्त्वेष्ट॑काः कृ॒त्वोप॑ धत्ते॒ दश॑ समा॒नत्र॑ जुहोति॒ दशा᳚क्षरा वि॒राड् वि॒राज॑मे॒वाऽऽ*प्त्वेष्ट॑कां कृ॒त्वोप॑ ध॒त्तेऽथो॑ वि॒राज्ये॒व य॒ज्ञ्मा᳚प्नोति॒ चित्य॑श्चित्योऽस्य भवति॒ तस्मा॒द्यत्र॒ दशो॑षि॒त्वा प्र॒याति॒ तद्-य॑ज्ञ्वा॒स्त्ववा᳚स्त्वे॒व तद्यत् ततो᳚ऽर्वा॒चीनꣳ॑ - [ ]
पदपाठः (Word-by-word)
यज॑मानः । अ॒हो॒रा॒त्राणीत्य॑हः-रा॒त्राणि॑ । वै । ए॒तस्य॑ । इष्ट॑काः । यः । आहि॑ताग्नि॒रित्याहि॑त - अ॒ग्निः॒ । यत् । सा॒यंप्रा॑त॒रिति॑ सा॒यं-प्रा॒तः॒ । जु॒होति॑ । अ॒हो॒रा॒त्राणीत्य॑हः - रा॒त्राणि॑ । ए॒व । आ॒प्त्वा । इष्ट॑काः । कृ॒त्वा । उपेति॑ । ध॒त्ते॒ । दश॑ । स॒मा॒नत्र॑ । जु॒हो॒ति॒ । दशा᳚क्ष॒रेति॒ दश॑ - अ॒क्ष॒रा॒ । वि॒राडिति॑ वि - राट् । वि॒राज॒मिति॑ वि - राज᳚म् । ए॒व । आ॒प्त्वा । इष्ट॑काम् । कृ॒त्वा । उपेति॑ । ध॒त्ते॒ । अथो॒ इति॑ । वि॒राजीति॑ वि - राजि॑ । ए॒व । य॒ज्ञ्म् । आ॒प्नो॒ति॒ । चित्य॑श्चित्य॒ इति॒ चित्यः॑ - चि॒त्यः॒ । अ॒स्य॒ । भ॒व॒ति॒ । तस्मा᳚त् । यत्र॑ । दश॑ । उ॒षि॒त्वा । प्र॒यातीति॑ प्र - याति॑ । तत् । य॒ज्ञ्॒वा॒स्त्विति॑ यज्ञ्-वा॒स्तु । अवा᳚स्तु । ए॒व । तत् । यत् । ततः॑ । अ॒र्वा॒चीन᳚म् ।