यजुर्वेद

ए॒षः । वै । अ॒ग्नेः । योनिः॑ । स्वे । ए॒व । ए॒न॒म् । योनौ᳚ । स॒मारो॑हय॒तीति॑ सं-आरो॑हयति । अथो॒ इति॑ । खलु॑ । आ॒हुः॒ । यत् । अ॒रण्योः᳚ । स॒मारू॑ढ॒ इति॑ सं-आरू॑ढः । नश्ये᳚त् । उदिति॑ । अ॒स्य॒ । अ॒ग्निः । सी॒दे॒त् । पु॒न॒रा॒धेय॒ इति॑ पुनः - आ॒धेयः॑ । स्या॒त् । इति॑ । या । ते॒ । अ॒ग्न॒ । य॒ज्ञिया᳚ । त॒नूः । तया᳚ । एति॑ । इ॒हि॒ । एति॑ । रो॒ह॒ । इति॑ । आ॒त्मन्न् । स॒मारो॑हयत॒ इति॑ सं-आरो॑हयते । यज॑मानः । वै । अ॒ग्नेः । योनिः॑ । स्वाया᳚म् । ए॒व । ए॒न॒म् । योन्या᳚म् । स॒मारो॑हयत॒ इति॑ सं - आरो॑हयते ॥