प॒वित्र॒मत्ये॑ति॒ रेभन्न्॑ ॥ आ वि॒श्वदे॑वꣳ॒॒ सत्प॑तिꣳ सू॒क्तैर॒द्या वृ॑णीमहे । स॒त्यस॑वꣳ सवि॒तारं᳚ ॥ आस॒त्येन॒ रज॑सा॒ वर्त॑मानो निवे॒शय॑न्न॒मृतं॒ मर्त्य॑ञ्च । हि॒र॒ण्यये॑न सवि॒ता रथे॒नाऽऽ* दे॒वोया॑ति॒ भुव॑ना वि॒पश्यन्न्॑ ॥ यथा॑ नो॒ अदि॑तिः॒ कर॒त् पश्वे॒ नृभ्यो॒ यथा॒ गवे᳚ । यथा॑ तो॒काय॑ रु॒द्रियं᳚ ॥ मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा- [ ]
पदपाठः (Word-by-word)
प॒वित्र᳚म् । अतीति॑ । ए॒ति॒ । रेभन्न्॑ ॥ एति॑ । वि॒श्वदे॑व॒मिति॑ वि॒श्व - दे॒व॒म् । सत्प॑ति॒मिति॒ सत् - प॒ति॒म् । सू॒क्तैरिति॑ सु-उ॒क्तैः । अ॒द्य । वृ॒णी॒म॒हे॒ ॥ स॒त्यस॑व॒मिति॑ स॒त्य-स॒व॒म् । स॒वि॒तार᳚म् ॥ एति॑ । स॒त्येन॑ । रज॑सा । वर्त॑मानः । नि॒वे॒शय॒न्निति॑ नि-वे॒शयन्न्॑ । अ॒मृत᳚म् । मर्त्य᳚म् । च॒ ॥ हि॒र॒ण्यये॑न । स॒वि॒ता । रथे॑न । एति॑ । दे॒वः । या॒ति॒ । भुव॑ना । वि॒पश्य॒न्निति॑ वि-पश्यन्न्॑ ॥ यथा᳚ । नः॒ । अदि॑तिः । कर॑त् । पश्वे᳚ । नृभ्य॒ इति॒ नृ - भ्यः॒ । यथा᳚ । गवे᳚ ॥ यथा᳚ । तो॒काय॑ । रु॒द्रिय᳚म् ॥ मा । नः॒ । तो॒के । तन॑ये । मा । नः॒ । आयु॑षि । मा । नः॒ । गोषु॑ । मा ।