विश्वचर्.षणे ॥ मि॒त्रस्य॑ चर्.षणी॒धृतः॒ श्रवो॑ दे॒वस्य॑ सान॒सिं । स॒त्यं चि॒त्र श्र॑वस्तमं ॥मि॒त्रो जनान्॑ यातयति प्रजा॒नन् मि॒त्रो दा॑धार पृथि॒वीमु॒त द्यां । मि॒त्रः कृ॒ष्टीरनि॑मिषा॒ऽभि च॑ष्टे स॒त्याय॑ ह॒व्यं घृ॒तव॑द्-विधेम ॥ प्रसमि॑त्र॒ मर्तो॑ अस्तु॒ प्रय॑स्वा॒न्॒. यस्त॑ आदित्य॒ शिक्ष॑ति व्र॒तेन॑ । न ह॑न्यते॒ न जी॑यते॒ त्वोतो॒ नैन॒मꣳहो॑ अश्नो॒त्यन्ति॑तो॒ न दू॒रात् ॥ य- [ ]
पदपाठः (Word-by-word)
वि॒श्व॒च॒र्॒.ष॒ण॒ इति॑ विश्व - च॒र्॒.ष॒णे॒ ॥ मि॒त्रस्य॑ । च॒र्॒.ष॒णी॒धृत॒ इति॑ चर्.षणी - धृतः॑ । श्रवः॑ । दे॒वस्य॑ । सा॒न॒सिम् ॥ स॒त्यम् । चि॒त्रश्र॑वस्तम॒मिति॑ चि॒त्रश्र॑वः - त॒म॒म् ॥ मि॒त्रः । जनान्॑ । या॒त॒य॒ति॒ । प्र॒जा॒नन्निति॑ प्र - जा॒नन् । मि॒त्रः । दा॒धा॒र॒ । पृ॒थि॒वीम् । उ॒त । द्याम् ॥ मि॒त्रः । कृ॒ष्टीः । अनि॑मि॒षेत्यनि॑ - मि॒षा॒ । अ॒भीति॑ । च॒ष्टे॒ । स॒त्याय॑ । ह॒व्यम् । घृ॒तव॒दिति॑ घृ॒त-व॒त् । वि॒धे॒म॒ ॥ प्रेति॑ । सः । मि॒त्र॒ । मर्तः॑ । अ॒स्तु॒ । प्रय॑स्वान् । यः । ते॒ । आ॒दि॒त्य॒ । शिक्ष॑ति । व्र॒तेन॑ ॥ न । ह॒न्य॒ते॒ । न । जी॒य॒ते॒ । त्वोतः॑ । न । ए॒न॒म् । अꣳहः॑ । अ॒श्नो॒ति॒ । अन्ति॑तः । न । दू॒रात् ॥ यत् ।