मृ॒त्युर्ग॑न्ध॒र्व-स्तस्य॑ प्र॒जा अ॑फ्स॒रसो॑ भी॒रुव॒श्चरुः॑ कृपण का॒शी कामो॑ गन्ध॒र्व-स्तस्या॒धयो᳚ ऽफ्स॒रसः॑ शो॒चय॑न्ती॒र्नाम॒ स इ॒दं ब्रह्म॑ क्ष॒त्रं पा॑त॒ ता इ॒दं ब्रह्म॑ क्ष॒त्रं पा᳚न्तु॒ तस्मै॒ स्वाहा॒ ताभ्यः॒ स्वाहा॒ स नो॑ भुवनस्य पते॒ यस्य॑त उ॒परि॑ गृ॒हा इ॒ह च॑ । उ॒रु ब्र॒ह्म॑णे॒ऽस्मै क्ष॒त्राय॒ महि॒ शर्म॑ यच्छ ॥
पदपाठः (Word-by-word)
मृ॒त्युः । ग॒न्ध॒र्वः । तस्य॑ । प्र॒जा इति॑ प्र - जाः । अ॒फ्स॒रसः॑ । भी॒रुवः॑ । चारुः॑ । कृ॒प॒ण॒का॒शीति॑ कृपण-का॒शी । कामः॑ । ग॒न्ध॒र्वः । तस्य॑ । आ॒धय॒ इत्या᳚ - धयः॑ । अ॒फ्स॒रसः॑ । शो॒चय॑न्तीः । नाम॑ । सः । इ॒दम् । ब्रह्म॑ । क्ष॒त्रम् । पा॒तु॒ । ताः । इ॒दम् । ब्रह्म॑ । क्ष॒त्रम् । पा॒न्तु॒ । तस्मै᳚ । स्वाहा᳚ । ताभ्यः॑ । स्वाहा᳚ । सः । नः॒ । भु॒व॒न॒स्य॒ । प॒ते॒ । यस्य॑ । ते॒ । उ॒परि॑ । गृ॒हाः । इ॒ह । च॒ ॥ उ॒रु । ब्रह्म॑णे । अ॒स्मै । क्ष॒त्राय॑ । महि॑ । शर्म॑ । य॒च्छ॒ ॥