-व भ॑वत्यधि॒देव॑ने जुहोत्यधि॒देव॑न ए॒वास्मै॑ सजा॒तानव॑ रुन्धे॒ त ए॑न॒मव॑रुद्धा॒ उप॑ तिष्ठन्ते रथमु॒ख ओज॑स्कामस्य होत॒व्या॑ ओजो॒ वै रा᳚ष्ट्र॒भृत॒ ओजो॒ रथ॒ ओज॑सै॒वास्मा॒ ओजोऽव॑ रुन्ध ओज॒स्व्ये॑व भ॑वति॒ यो रा॒ष्ट्रादप॑भूतः॒ स्यात् तस्मै॑ होत॒व्या॑ याव॑न्तोऽस्य॒ रथाः॒ स्युस्तान् ब्रू॑याद् यु॒ङ्ध्वमिति॑ रा॒ष्ट्रमे॒वास्मै॑ युन॒क्त्या - [ ]
पदपाठः (Word-by-word)
ए॒व । भ॒व॒ति॒ । अ॒धि॒देव॑न॒ इत्य॑धि - देव॑ने । जु॒हो॒ति॒ । अ॒धि॒देव॑न॒ इत्य॑धि - देव॑ने । ए॒व । अ॒स्मै॒ । स॒जा॒तानिति॑ स-जा॒तान् । अवेति॑ । रु॒न्धे॒ । ते । ए॒न॒म् । अव॑रुद्धा॒ इत्यव॑ - रु॒द्धाः॒ । उपेति॑ । ति॒ष्ठ॒न्ते॒ । र॒थ॒मु॒ख इति॑ रथ - मु॒खे । ओज॑स्काम॒स्येत्योजः॑ - का॒म॒स्य॒ । हो॒त॒व्याः᳚ । ओजः॑ । वै । रा॒ष्ट्र॒भृत॒ इति॑ राष्ट्र-भृतः॑ । ओजः॑ । रथः॑ । ओज॑सा । ए॒व । अ॒स्मै॒ । ओजः॑ । अवेति॑ । रु॒न्धे॒ । ओ॒ज॒स्वी । ए॒व । भ॒व॒ति॒ । यः । रा॒ष्ट्रात् । अप॑भूत॒ इत्यप॑ - भू॒तः॒ । स्यात् । तस्मै᳚ । हो॒त॒व्याः᳚ । याव॑न्तः । अ॒स्य॒ । रथाः᳚ । स्युः । तान् । ब्रू॒या॒त् । यु॒ङ्ध्वम् । इति॑ । रा॒ष्ट्रम् । ए॒व । अ॒स्मै॒ । यु॒न॒क्ति॒ ।