मा द॑दी॒येति॒ तस्य॑ स॒भाया॑मुत्ता॒नो नि॒पद्य॒ भुव॑नस्य पत॒ इति॒ तृणा॑नि॒ सं गृ॑ह्णीयात् प्र॒जाप॑ति॒र्वै भुव॑नस्य॒ पतिः॑ प्र॒जाप॑तिनै॒वास्या॒न्नाद्य॒मा द॑त्त इ॒दम॒हम॒मुष्या॑ ऽऽ*मुष्याय॒णस्या॒न्नाद्यꣳ॑ हरा॒मीत्या॑हा॒न्नाद्य॑मे॒वास्य॑ हरति ष॒ड्भिर्.ह॑रति॒ षड्वा ऋ॒तवः॑ प्र॒जाप॑तिनै॒वास्या॒-न्नाद्य॑मा॒दाय॒र्तवो᳚ ऽस्मा॒ अनु॒ प्रय॑च्छन्ति॒ - [ ]
पदपाठः (Word-by-word)
एति॑ । द॒दी॒य॒ । इति॑ । तस्य॑ । स॒भाया᳚म् । उ॒त्ता॒न इत्यु॑त् - ता॒नः । नि॒पद्येति॑ नि - पद्य॑ । भुव॑नस्य । प॒ते॒ । इति॑ । तृणा॑नि । समिति॑ । गृ॒ह्णी॒या॒त् । प्र॒जाप॑ति॒रिति॑ प्र॒जा - प॒तिः॒ । वै । भुव॑नस्य । पतिः॑ । प्र॒जाप॑ति॒नेति॑ प्र॒जा - प॒ति॒ना॒ । ए॒व । अ॒स्य॒ । अ॒न्नाद्य॒मित्य॑न्न - अद्य᳚म् । एति॑ । द॒त्ते॒ । इ॒दम् । अ॒हम् । अ॒मुष्य॑ । आ॒मु॒ष्या॒य॒णस्य॑ । अ॒न्नाद्य॒मित्य॑न्न - अद्य᳚म् । ह॒रा॒मि॒ । इति॑ । आ॒ह॒ । अ॒न्नाद्य॒मित्य॑न्न - अद्य᳚म् । ए॒व । अ॒स्य॒ । ह॒र॒ति॒ । ष॒ड्भिरिति॑ षट् - भिः । ह॒र॒ति॒ । षट् । वै । ऋ॒तवः॑ । प्र॒जाप॑ति॒नेति॑ प्र॒जा-प॒ति॒ना॒ । ए॒व । अ॒स्य॒ । अ॒न्नाद्य॒मित्य॑न्न -अद्य᳚म् । आ॒दायेत्या᳚-दाय॑ । ऋ॒तवः॑ । अ॒स्मै॒ । अनु॑ । प्रेति॑ । य॒च्छ॒न्ति॒ ।