व॒ खलु॒ वै प॒शव॒श्छन्दो॑भिरे॒वास्मै॑ प॒शून् प्रज॑नयति प्रथ॒मं धा॒तारं॑ करोति॒ प्रैव तेन॑ वापय॒त्यन्वे॒वास्मा॒ अनु॑मतिर्मन्यते रा॒ते रा॒का प्र सि॑नीवा॒ली ज॑नयति प॒शूने॒व प्रजा॑तान् कु॒ह्वा᳚ प्रति॑ष्ठापयत्ये॒ता ए॒व निर्व॑पे॒द्-ग्राम॑काम॒श्छन्दाꣳ॑सि॒ वै देवि॑का॒श्छन्दाꣳ॑सी व॒ खलु॒ वै ग्राम॒श्छन्दो॑भिरे॒वास्मै॒ ग्राम॒ - [ ]
पदपाठः (Word-by-word)
इ॒व॒ । खलु॑ । वै । प॒शवः॑ । छन्दो॑भि॒रिति॒ छन्दः॑ - भिः॒ । ए॒व । अ॒स्मै॒ । प॒शून् । प्रेति॑ । ज॒न॒य॒ति॒ । प्र॒थ॒मम् । धा॒तार᳚म् । क॒रो॒ति॒ । प्रेति॑ । ए॒व । तेन॑ । वा॒प॒य॒ति॒ । अन्विति॑ । ए॒व । अ॒स्मै॒ । अनु॑मति॒रित्य॑नु - म॒तिः॒ । म॒न्य॒ते॒ । रा॒ते । रा॒का । प्रेति॑ । सि॒नी॒वा॒ली । ज॒न॒य॒ति॒ । प॒शून् । ए॒व । प्रजा॑ता॒निति॒ प्र-जा॒ता॒न् । कु॒ह्वा᳚ । प्रतीति॑ । स्था॒प॒य॒ति॒ । ए॒ताः । ए॒व । निरिति॑ । व॒पे॒त् । ग्राम॑काम॒ इति॒ ग्राम॑ - का॒मः॒ । छन्दाꣳ॑सि । वै । देवि॑काः । छन्दाꣳ॑सि । इ॒व॒ । खलु॑ । वै । ग्रामः॑ । छन्दो॑भि॒रिति॒ छन्दः॑ - भिः॒ । ए॒व । अ॒स्मै॒ । ग्राम᳚म् ।