मव॑ रुन्धे मद्ध्य॒तो धा॒तारं॑ करोति मद्ध्य॒त ए॒वैनं॒ ग्राम॑स्य दधात्ये॒ता ए॒व निर्व॑पे॒ज्ज्योगा॑मयावी॒ छन्दाꣳ॑सि॒ वै देवि॑का॒श्छन्दाꣳ॑सि॒ खलु॒ वा ए॒तम॒भि म॑न्यन्ते॒ यस्य॒ ज्योगा॒मय॑ति॒ छन्दो॑भिरे॒वैन॑-मग॒दं क॑रोति मद्ध्य॒तो धा॒तारं॑ करोति मद्ध्य॒तो वा ए॒तस्याक्लृ॑प्तं॒ ॅयस्य॒ ज्योगा॒मय॑ति मद्ध्य॒त ए॒वास्य॒ तेन॑ कल्पयत्ये॒ता ए॒व नि - [ ]
पदपाठः (Word-by-word)
अवेति॑ । रु॒न्धे॒ । म॒द्ध्य॒तः । धा॒तार᳚म् । क॒रो॒ति॒ । म॒द्ध्य॒तः । ए॒व । ए॒न॒म् । ग्राम॑स्य । द॒धा॒ति॒ । ए॒ताः । ए॒व । निरिति॑ । व॒पे॒त् । ज्योगा॑मया॒वीति॒ ज्योक् - आ॒म॒या॒वी॒ । छन्दाꣳ॑सि । वै । देवि॑काः । छन्दाꣳ॑सि । खलु॑ । वै । ए॒तम् । अ॒भीति॑ । म॒न्य॒न्ते॒ । यस्य॑ । ज्योक् । आ॒मय॑ति । छन्दो॑भि॒रिति॒ छन्दः॑ - भिः॒ । ए॒व । ए॒न॒म् । अ॒ग॒दम् । क॒रो॒ति॒ । म॒द्ध्य॒तः । धा॒तार᳚म् । क॒रो॒ति॒ । म॒द्ध्य॒तः । वै । ए॒तस्य॑ । अक्लृ॑प्तम् । यस्य॑ । ज्योक् । आ॒मय॑ति । म॒द्ध्य॒तः । ए॒व । अ॒स्य॒ । तेन॑ । क॒ल्प॒य॒ति॒ । ए॒ताः । ए॒व । निरिति॑ ।