यजुर्वेद

वस॑वः । अ॒ष्टाक्ष॒रेत्य॒ष्टा - अ॒क्ष॒रा॒ । गा॒य॒त्री । एका॑दश । रु॒द्राः । एका॑दशाक्ष॒रेत्येका॑दश - अ॒क्ष॒रा॒ । त्रि॒ष्टुप् । द्वाद॑श । आ॒दि॒त्याः । द्वाद॑शाक्ष॒रेति॒ द्वाद॑श-अ॒क्ष॒रा॒ । जग॑ती । प्र॒जाप॑ति॒रिति॑ प्र॒जा - प॒तिः॒ । अ॒नु॒ष्टुबित्य॑नु-स्तुप् । धा॒ता । व॒ष॒ट्का॒र इति॑ वषट् - का॒रः । ए॒तत् । वै । देवि॑काः । सर्वा॑णि । च॒ । छन्दाꣳ॑सि । सर्वाः᳚ । च॒ । दे॒वताः᳚ । व॒ष॒ट्का॒र इति॑ वषट् - का॒रः । ताः । यत् । स॒ह । सर्वाः᳚ । नि॒र्वपे॒दिति॑ निः - वपे᳚त् । ई॒श्व॒राः । ए॒न॒म् । प्र॒दह॒ इति॑ प्र - दहः॑ । द्वे इति॑ । प्र॒थ॒मे इति॑ । नि॒रुप्येति॑ निः - उप्य॑ । धा॒तुः । तृ॒तीय᳚म् । निरिति॑ । व॒पे॒त् । तथो॒ इति॑ । ए॒व । उत्त॑रे॒ इत्युत् - त॒रे॒ । निरिति॑ । व॒पे॒त् । तथा᳚ । ए॒न॒म् । न । प्रेति॑ । द॒ह॒न्ति॒ ( ) । अथो॒ इति॑ । यस्मै᳚ । कामा॑य । नि॒रु॒प्यन्त॒ इति॑ निः - उ॒प्यन्ते᳚ । तम् । ए॒व । आ॒भिः॒ । उपेति॑ । आ॒प्नो॒ति॒ ॥