संॅविदा॒ना ॥ अग्नी॑षोमौ प्रथ॒मौ वी॒र्ये॑ण॒ वसू᳚न् रु॒द्राना॑दि॒त्यानि॒ह जि॑न्वतं ।मा॒द्ध्यꣳ हि पौ᳚र्णमा॒सं जु॒षेथां॒ ब्रह्म॑णा वृ॒द्धौ सु॑कृ॒तेन॑ सा॒तावथा॒ऽस्मभ्यꣳ॑ स॒हवी॑राꣳ र॒यिं नि य॑च्छतं ॥ आ॒दि॒त्याश्चाऽङ्गि॑रसश्चा॒ग्नीनाऽद॑धत॒ ते द॑र्.शपूर्णमा॒सौ प्रैफ्स॒न् तेषा॒मङ्गि॑रसां॒ निरु॑प्तꣳ ह॒विरासी॒दथा॑ऽऽ*दि॒त्या ए॒तौ होमा॑वपश्य॒न् ताव॑जुहवु॒स्ततो॒ वै ते द॑र्.शपूर्णमा॒सौ - [ ]
पदपाठः (Word-by-word)
सं॒ॅवि॒दा॒नेति॑ सं - वि॒दा॒ना ॥ अग्नी॑षोमा॒वित्यग्नी᳚ - सो॒मौ॒ । प्र॒थ॒मौ । वी॒र्ये॑ण । वसून्॑ । रु॒द्रान् । आ॒दि॒त्यान् । इ॒ह । जि॒न्व॒त॒म् ॥ मा॒द्ध्यम् । हि । पौ॒र्ण॒मा॒समिति॑ पौर्ण - मा॒सम् । जु॒षेथा᳚म् । ब्रह्म॑णा । वृ॒द्धौ । सु॒कृ॒तेनेति॑ सु - कृ॒तेन॑ । सा॒तौ । अथ॑ । अ॒स्मभ्य॒मित्य॒स्म-भ्य॒म् । स॒हवी॑रा॒मिति॑ स॒ह-वी॒रा॒म् । र॒यिम् । नीति॑ । य॒च्छ॒त॒म् ॥ आ॒दि॒त्याः । च॒ । अङ्गि॑रसः । च॒ । अ॒ग्नीन् । एति॑ । अ॒द॒ध॒त॒ । ते । द॒र्॒.श॒पू॒र्ण॒मा॒साविति॑ दर्.श - पू॒र्ण॒मा॒सौ । प्रेति॑ । ऐ॒फ्स॒न्न् । तेषा᳚म् । अङ्गि॑रसाम् । निरु॑प्त॒मिति॒ निः - उ॒प्त॒म् । ह॒विः । आसी᳚त् । अथ॑ । आ॒दि॒त्याः । ए॒तौ । होमौ᳚ । अ॒प॒श्य॒न्न् । तौ । अ॒जु॒ह॒वुः॒ । ततः॑ । वै । ते । द॒र्॒.श॒पू॒र्ण॒मा॒साविति॑ दर्.श - पू॒र्ण॒मा॒सौ ।