यजुर्वेद

क्षी॒ये॒ते॒ । सा॒र॒स्व॒तौ । होमौ᳚ । पु॒रस्ता᳚त् । जु॒हु॒या॒त् । अ॒मा॒वा॒स्येत्य॑मा-वा॒स्या᳚ । वै । सर॑स्वती । अ॒नु॒लो॒ममित्य॑नु-लो॒मम् । ए॒व । ए॒नौ॒ । एति॑ । ल॒भे॒ते॒ । अ॒मुम् । आ॒प्याय॑मान॒मित्या᳚ - प्याय॑मानम् । अनु॑ । एति॑ । प्या॒य॒ते॒ । आ॒ग्ना॒वै॒ष्ण॒वमित्या᳚ग्ना - वै॒ष्ण॒वम् । एका॑दशकपाल॒मित्येका॑दश-क॒पा॒ल॒म् । पु॒रस्ता᳚त् । निरिति॑ । व॒पे॒त् । सर॑स्वत्यै । च॒रुम् । सर॑स्वते । द्वाद॑शकपाल॒मिति॒ द्वाद॑श-क॒पा॒ल॒म् । यत् । आ॒ग्ने॒यः । भव॑ति । अ॒ग्निः । वै । य॒ज्ञ्॒मु॒खमिति॑ यज्ञ्-मु॒खम् । य॒ज्ञ्॒मु॒खमिति॑ यज्ञ्-मु॒खम् । ए॒व । ऋद्धि᳚म् । पु॒रस्ता᳚त् । ध॒त्ते॒ । यत् । वै॒ष्ण॒वः । भव॑ति । य॒ज्ञ्ः । वै । विष्णुः॑ । य॒ज्ञ्म् । ए॒व । आ॒रभ्येत्या᳚ - रभ्य॑ । प्रेति॑ । त॒नु॒ते॒ । सर॑स्वत्यै ( ) । च॒रुः । भ॒व॒ति॒ । सर॑स्वते । द्वाद॑शकपाल॒ इति॒ द्वाद॑श-क॒पा॒लः॒ । अ॒मा॒वा॒स्येत्य॑मा - वा॒स्या᳚ । वै । सर॑स्वती । पू॒र्णमा॑स॒ इति॑ पू॒र्ण - मा॒सः॒ । सर॑स्वान् । तौ । ए॒व । सा॒क्षादिति॑ स - अ॒क्षात् । एति॑ । र॒भ॒ते॒ । ऋ॒द्ध्नोति॑ । आ॒भ्या॒म् । द्वाद॑शकपाल॒ इति॒ द्वाद॑श - क॒पा॒लः॒ । सर॑स्वते । भ॒व॒ति॒ । मि॒थु॒न॒त्वायेति॑ मिथुन - त्वाय॑ । प्रजा᳚त्या॒ इति॒ प्र - जा॒त्यै॒ । मि॒थु॒नौ । गावौ᳚ । दक्षि॑णा । समृ॑द्ध्या॒ इति॒ सं - ऋ॒द्ध्यै॒ ॥