-दव॑ रुन्धे ज्ये॒ष्ठा वा ए॒तान् ब्रा᳚ह्म॒णाः पु॒रा विदाम॑क्र॒न् तस्मा॒त् तेषाꣳ॒॒ सर्वा॒ दिशो॒ऽभिजि॑ता अभूव॒न्॒. यस्यै॒ ते गृ॒ह्यन्ते॒ ज्यैष्ठ्य॑मे॒व ग॑च्छत्य॒भि दिशो॑ जयति॒ पञ्च॑ गृह्यन्ते॒ पञ्च॒ दिशः॒ सर्वा᳚स्वे॒व दि॒क्ष्-वृ॑द्ध्नुवन्ति॒ नव॑नव गृह्यन्ते॒ नव॒ वै पुरु॑षे प्रा॒णाः प्रा॒णाने॒व यज॑मानेषु दधति प्राय॒णीये॑ चोदय॒नीये॑ च गृह्यन्ते प्रा॒णा वै प्रा॑णग्र॒हाः - [ ]
पदपाठः (Word-by-word)
अवेति॑ । रु॒न्धे॒ । ज्ये॒ष्ठाः । वै । ए॒तान् । ब्रा॒ह्म॒णाः । पु॒रा । वि॒दाम् । अ॒क्र॒न्न् । तस्मा᳚त् । तेषा᳚म् । सर्वाः᳚ । दिशः॑ । अ॒भिजि॑ता॒ इत्य॒भि - जि॒ताः॒ । अ॒भू॒व॒न्न् । यस्य॑ । ए॒ते । गृ॒ह्यन्ते᳚ । ज्यैष्ठ्य᳚म् । ए॒व । ग॒च्छ॒ति॒ । अ॒भीति॑ । दिशः॑ । ज॒य॒ति॒ । पञ्च॑ । गृ॒ह्य॒न्ते॒ । पञ्च॑ । दिशः॑ । सर्वा॑सु । ए॒व । दि॒क्षु । ऋ॒द्ध्नु॒व॒न्ति॒ । नव॑न॒वेति॒ नव॑ - न॒व॒ । गृ॒ह्य॒न्ते॒ । नव॑ । वै । पुरु॑षे । प्रा॒णा इति॑ प्र - अ॒नाः । प्रा॒णानिति॑ प्र - अ॒नान् । ए॒व । यज॑मानेषु । द॒ध॒ति॒ । प्रा॒य॒णीय॒ इति॑ प्र - अ॒य॒नीये᳚ । च॒ । उ॒द॒य॒नीय॒ इत्यु॑त् - अ॒य॒नीये᳚ । च॒ । गृ॒ह्य॒न्ते॒ । प्रा॒णा इति॑ प्र - अ॒नाः । वै । प्रा॒ण॒ग्र॒हा इति॑ प्राण - ग्र॒हाः ।