त्वा द॒द्ध्यङ्ङृषिः॑ पु॒त्र ई॑धे॒ अथ॑र्वणः । वृ॒त्र॒हणं॑ पुरन्द॒रं ॥ तमु॑ त्वा पा॒थ्यो वृषा॒ समी॑धे दस्यु॒हन्त॑मं । ध॒नं॒ ज॒यꣳ रणे॑रणे ॥ उ॒त ब्रु॑वन्तु ज॒न्तव॒ उद॒ग्निर्वृ॑त्र॒हाऽज॑नि । ध॒नं॒ ज॒यो रणे॑रणे ॥ आ यꣳ हस्ते॒ न खा॒दिनꣳ॒॒ शिशुं॑ जा॒तं न बिभ्र॑ति । वि॒शाम॒ग्निꣳ स्व॑द्ध्व॒रं ॥ प्रदे॒वं दे॒ववी॑तये॒ भर॑ता वसु॒वित्त॑मं । आस्वे योनौ॒ नि षी॑दतु ॥ आ - [ ]
पदपाठः (Word-by-word)
त्वा॒ । द॒द्ध्यङ् । ऋषिः॑ । पु॒त्रः । ई॒धे॒ । अथ॑र्वणः ॥ वृ॒त्र॒हण॒मिति॑ वृत्र - हन᳚म् । पु॒र॒न्द॒रमिति॑ पुरं - द॒रम् ॥ तम् । उ॒ । त्वा॒ । पा॒थ्यः । वृषा᳚ । समिति॑ । ई॒धे॒ । द॒स्यु॒हन्त॑म॒मिति॑ दस्यु - हन्त॑मम् ॥ ध॒न॒ञ्ज॒यमिति॑ धनं - ज॒यम् । रणे॑रण॒ इति॒ रणे᳚ - र॒णे॒ ॥ उ॒त । ब्रु॒व॒न्तु॒ । ज॒न्तवः॑ । उदिति॑ । अ॒ग्निः । वृ॒त्र॒हेति॑ वृत्र - हा । अ॒ज॒नि॒ ॥ ध॒न॒ञ्ज॒य इति॑ धनं - ज॒यः । रणे॑रण॒ इति॒ रणे᳚-र॒णे॒ ॥ एति॑ । यम् । हस्ते᳚ । न । खा॒दिन᳚म् । शिशु᳚म् । जा॒तम् । न । बिभ्र॑ति ॥ वि॒शाम् । अ॒ग्निम् । स्व॒द्ध्व॒रमिति॑ सु - अ॒ध्व॒रम् ॥ प्रेति॑ । दे॒वम् । दे॒ववी॑तय॒ इति॑ दे॒व - वी॒त॒ये॒ । भर॑त । व॒सु॒वित्त॑म॒मिति॑ वसु॒वित्-त॒म॒म् ॥ एति॑ । स्वे । योनौ᳚ । नीति॑ । सी॒द॒तु॒ ॥ एति॑ ।